Элликқалъа тумани мудофаа ишлари бўлими қайта таъмирланиб фойдаланишга топширилди.

Республика, туман ва шаҳар мудофаа ишлари бошқарма ва бўлимлари – “армиянинг остонаси” ҳисобланади. Шундай экан ёшларнинг армия хақидаги илк таассуротлари айнан мана шу даргоҳларда уйғонади, демак ҳарбий-ватанпарварлик тарбия ҳам шу жойда шаклланади.
Бугун Элликқалъа туманида 14-январ Ватан ҳимоячилари куни арафасида туман мудофаа ишлари бўлими туман маҳаллий бюджет хисобидан 740 000 000 млн сўм ажратилиб замонавий турда қайта таъмирланиб фойдаланишга топширилди.
Бинонинг очилиш маросимида Элликқалъа тумани ҳокими – ҳарбий-маъмурий сектор раҳбари С. Авезов, Шимоли-ғарбий ҳарбий округ қўшинлари қўмондонлиги штаб бошлиғи ўринбосари полковник Ж. Базаров, Қорақалпоғистон Республикаси мудофаа ишлари бошқармаси бошлиғи в.в.б Қ. Исламов ва тумандаги тегишли ташкилот раҳбарлари, мудофаа вазирлиги тасарруфидаги фахрийлар, мудофаага кўмаклашувчи “Ватанпарвар” ташкилотлари вакиллари ҳамда ёшлар иштирок этди.
Тадбирда Шимоли-ғарбий ҳарбий округ қўшинлари қўмондонлиги штаб бошлиғи ўринбосари полковник Ж. Базаров туман ҳокими– ҳарбий-маъмурий сектор раҳбари С. Авезовга Ўзбекистон Республикаси мудофаа вазирлиги ва Қорақалпоғистон Республикаси мудофаа ишлари бошқармасининг ташаккурномаларини топширди.

Йиғилганлар бинода яратилган шароитлар ва ҳарбий ўқув қурол-аслаҳалари кўргазмаси билан танишдилар.
Бинода сафарбарлик ўқувларини ўтказиш учун алоҳида шароитлар қилинган. Спорт зали, ошхона, хизмат хоналари замонавий миллий дизайн асосида таъмирланиб, жиҳозланди.
Таъкидлаш жоизки, туман мудофаа ишлари бўлими 1987 йилда қуриб фойдаланишга топширилган бўлиб, шу давр мобайнида биринчи марта капитал таъмирланди. Олдинлари бўлим ходимлари тўла шароитга эга бўлмаган хоналарда хизматни олиб боришган. Бугун соҳага қаратилаётган эътибор сабаб, улар учун барча зарур имкониятлар яратилмоқда.
Тадбир якунида ватанпарварлик руҳида тайёрланган ёшларнинг чиқишлари намойиш қилинди.


Элликқалъа тумани ҳокимлиги ахборот хизмати.

Эндиликда ўқитувчининг дарс ўтишига халақит берган ўқувчи ва уни видеога олиб тарқатган ўқувчининг ота-онаси қонун доирасида жавобгарликка тортилади.

АСКУЭ тизими электр энергиясини ҳисобга олиш ва назорат қилишнинг автоматлаштирилган тизими билан яқиндан танишиш мақсадида медиа тур ташкил қилинди.

Бугун Элликқалъа тумани электр тармоқлари корхонасида янги ишга туширилган АСКУЭ тизими бўйича жиҳозланган бўлимда, овул ва маҳалла фуқаролар йиғинлари раислари ва ўринбосарлари ва оммавий ахборот воситалари ходимлари иштирокида презентация намойиши ва медиа тур бўлиб ўтди. 2020 йилнинг 4-октябрь кунидан бошлаб, Элликқалъа туманидаги барча хонадонларга яъни 27 минг 400 нафар электр истеъмолчиларига “Ақлли” электр ҳисоблагичлар ўрнатилди.
АСКУЭ тизими истеъмолчи ва таъминотчи ўртасидаги шаффофликни таъминлаб, етказиб берилган электр энергияси учун ҳисоб-китобларга аниқлик киритиш, шу билан бирга, истеъмолчиларининг фойдаланган электр энергияси учун тўлов интизомини мустаҳкамлаш, электр энергиясини тақсимлашда ҳар бир истеъмолчи ва трансформатор пункти кесимида керакли маълумотларни олиш ва таҳлил қилиб бориш имкониятини беради.
Бундан ташқари, ушбу тизим орқали истеъмолчиларнинг ҳисоблагичларига ташқаридан аралашувларини, ноқонуний фойдаланиш ҳолатларининг олди олинади.

Қолаверса, кўп ҳолатларда қарздорлиги мавжуд истеъмолчилар тармоқдан ажратилганда улар томонидан ўзбошимчалик билан қайта уланиб олиш ҳолатлари мавжуд эди. АСКУЭ тизими айнан шундай ноқонуний аралашишларнинг олдини олади. масалан истеъмолчи томонидан шундай ҳолатга йўл қўйилган ва қарздорлик қопланган тақдирда ҳам ҳисоблагичлар автоматик ёқилмайди. Бунинг учун электр таъминоти корхоналари мутахассислари томонидан чоралар кўрилгач, ёқиб берилади.
Шу билан бирга, ушбу тизим орқали жойлардаги катта юкламалар билан ишлаётган трансформатор пунктларини, тармоқларни аниқлашда, юзага келадиган аварияли ҳолатларнинг олдини олишга, ушбу тизим орқали келгусида модернизация ва қурилиш ишларини амалга оширишни ҳамда энг асосийси истеъмолчиларимизга узлуксиз электр энергияси билан таъминлаш учун хизмат қилади.

Элликқалъа тумани ҳокимлиги ахборот хизмати.

Каналимизга аъзо бўлинг:👇
https://t.iss.one/ellikqala1977

14-январь ватан ҳимоячилари куни!

«Амир Темур буюк саркарда» мавзусида иншолар танлови ўтказилди.

14-январь - «Ватан ҳимоячилари куни» олдидан, Ўзбекистон Республикаси Миллий гвардияси, Қорақалпоғистон Республикаси Қуриқлаш бошқармаси 14-Алоҳида отряди ходимларининг ташаббуси билан Элликқалъа туман халқ таълим бўлимига қарашли 22-сонли умумтаълим мактабида, «Ким ватанга содиқ бўлса, мендурман уша!» шиори остида ватанпарварлик тадбири доирасида 4-синф ўқувчилари ўртасида «Амир Темур буюк саркарда» мавзусида иншолар танлови ўтказилиб, ғолиб бўлганлар диплом ва эсдалик совғалари билан тақдирландилар.


Элликқалъа тумани ҳокимлиги ахборот хизмати.

Каналимизга қўшилинг:👇
https://t.iss.one/ellikqala1977

Ellikqal'a tuman yoshlari diqqatiga!!!!

Sizda taklif yoki muammo bormi?
Endi buni tez va oson hal qilishingiz mumkin!

Buning uchun Siz telegram messenjeridagi quyidagi https://t.iss.one/ellikqala_yoshlar_murojaat_bot ushbu manzilga o'zingizni muammo yoki taklifingizni yozishingizni o'zi kifoya.

Aytgancha o'zingiz haqingizda to'liq ma'lumot yozishni unutmang! Bu siz bilan bog'lanishimiz uchun bizga zarur.

🌐👉 @ellikqala_YI_agentligi 👈