Ҳар йили 21-октябрь юртимизда ўзбек тилига давлат тили мақоми берилган кун сифатида кенг нишонланади.

Бугун, Элликқалъа туманидаги 18-сонли болалар мусиқа ва санъат мактаби тадбирлар залида сана муносабати билан тадбир ташкил қилинди.

Тадбирда туман ҳокимининг 1- ўринбосари Б.Алимов, тумандаги таълим муассасалари раҳбарлари, ўқитувчи устозлар ва ёшлар иштирок қилдилар.

Дастлаб Ўзбекистон ва Қорақалпоғистон гимнлари янгради. Шундан сўнг сўзга чиққанлар она тилимизнинг хаётимизда тутган ўрни ҳақида йиғилганларга гапириб, Қонунга асосан энг муҳим қадриятлардан бири ҳисобланган тил қонун даражасида ҳуқуқий асосга эга эканлигини таъкидланди.

Албатта мазкур қонун билан ўзбек миллатининг маънавиятини, руҳиятини, қадрини кўрсатадиган муҳим омил, яъни тилнинг мақоми ҳуқуқий мустаҳкамланди.

Тил ҳар бир миллатнинг улкан бойлиги, беназир қадрияти ва бебаҳо мулки ҳисобланади. Ҳар бир халқ, ҳар бир элат, ўзи ҳурмат ва эҳтиром қиладиган тилга эга. Тилда ана шу тилнинг ижодкори бўлган халқ, элатнинг тарихи ва маданияти акс этади. Айни замонда, тил ижтимоий тараққиётда улуғвор аҳамият касб этади. Тил – ҳар бир миллат ўзлигининг ажралмас белгисидир.

Ўзбек тили – Ўзбекистон Республикаси аҳолисининг мутлақ кўпчилиги бўлмиш ўзбек халқининг она тилидир. У Ўзбекистон бирлиги ва яхлитлиги, жамият жипслигининг муҳим омили ҳисобланади. Ўзбек халқининг, унинг миллий маданияти ва ўзига хослигини ифода этувчи восита бўлмиш ўзбек тилининг ҳар томонлама ривожланишини таъминлаш, мазкур тилнинг давлат тили мақомидек салоҳиятини изчил ва тўлиқ рўёбга чиқариш муҳим вазифадир.

Элликқалъа тумани ҳокимлиги ахборот хизмати

Ellikqal'a tumanida #Saylov_va_yoshlar forumi o'tkazilmoqda.

NDPI Ellikqal'a pedogogika fakultetida "Saylov va yoshlar" forumi bo'lib o'tmoqda. Yoshlarning huquqiy savodxonligini oshirish maqsadida seminar hamda qiziqarli viktorinalar o‘tkazildi.
"Yosh saylovchi" viktorinasi;
"Ibrat farzandlari" loyihasi;
"Mutolaa" loyihasi;
"Ustoz" loyihasi;
"Zakovat" intellektual oʻyini;
"UzChess" musobaqalari;
"Besh tashabbus" musobaqalari;
"Stol tennisi" musobaqalari o'tkazildi.

Bugun 18:00 da NDPI Ellikqal'a pedogogika fakulteti binosi oldida forumning yakuniy bosqichi gala konsert o'tkaziladi.

Fotoreportaj: #Saylov_va_yoshlar forumi Ellikqal'a tumanida bo'lib o'tdi.

#kelajakuchun #saylov24 #saylovgaboraman #ovozberaman