Сенатор Элликқалъа туманига ёшлар масалалари  бўйича ташриф буюрди.

Ҳурматли Президентимиз раислигида  жорий йил 11-апрел кунги “Ёшлар сиёсати соҳасидаги ишлар натижадорлигини ошириш ҳамда улар билан ишлашиш тизимини янада такомиллаштириш чора тадбирлари тўғрисида” ўтказилган видео селекторда ёшлар билан ишлаш тизимини мутлақо янги тизимини жорий қилиш бўйича топширма берган эди.

Яхши ўқиётган, тадбиркорлигини йўлга қўйган, расмий секторда ишлайдиган, қобилияти бор, ижтимоий фаол бўлган  ёшлар “яхши” тоифага;  турмуш тақозоси билан расмий сектордан иш топа олмаган, лекин иқтисодий фаол ёш “ўрта” тоифага;  давлатнинг ғамхўрлиги ва эътиборини кутаётган ҳамда кўмакка муҳтож   ёшлар “аҳволи оғир” тоифага алоҳида ажратиб олинди. Ёшларга сенаторлар, депутатлар,  вазир, вазир ўринбосарлари, вилоят, туман ва шаҳар ҳокимлари, сектор раҳбарлари, ташкилот ва муассаса раҳбарларига ёшлар билан индивидуал ишлашни ташкил этиш бўйича номма-ном бириктирилиши белгиланди.

Ана шу масалалардан келиб чиққан ҳолда туманимизга ёшларнинг муаммо ва таклифларини ўрганиш аҳоли холидан ҳабар олиш мақсадида Сенатор Атаниязова Арал Аминовна ташриф буюрди. Уни туман ҳокими С.Авезов кутиб олди. Унга Қорақалпоғистон Республикаси Жўқорғи Кенгеси депутати Матниязова Айша Атаниязовна ҳамрохлик қилди. Ташриф давомида тумандаги оғир ижтимоий ёрдамга мухтож оилалар ва ёшлар холидан хабар олинди. Уларга байрам туҳфалари инъом қилинди.

Элликқалъа туманида “Қизил” тоифага 1003 нафар ёшлар секторлар кесимида 1-сектор ҳудудидан 287 нафар, 2-сектор ҳудудидан 162 нафар, 3-сектор ҳудудидан 316 нафар, ҳамда 4-сектор ҳудудидан 238 нафар ёшларнинг рўйхатлари шакллантирилган. Депутатлар Гулдурсин, Кичик Гулдурсин, Дўстлик овули ёшларининг муаммоларини ўргандилар.

Элликқалъа тумани ҳокимлиги ахборот хизмати

⚡️⚡️⚡️Нуронийлар ҳаёти – ибрат мактаби

Инсон ҳаётда меҳнати, олиб бораётган хайрли ва эзгу ишлари билан қадр топади. Орамизда шундай инсонлар борки, улар ўз зиммасидаги вазифани адо этишга нафақат билими, салоҳияти, балки қалб қўри, меҳрини бахшида этади.

Касбига бўлган садоқати, фидойилиги туфайли эл-юрт орасида ҳурмат ва эътибор топади.  Аминбай Тажиев ҳақида сўз кетганда беихтиёр ҳаёлимизга юқоридаги фикрлар келади.

Инсон қадри улуғланган юртда яшаймиз, ҳеч бир меҳнат эътибордан четда қолмайди. Меҳнат фахрийси, Эл-юрт хурмати ордени соҳиби Аминбай Хамраевич Тажиев кўп йиллар турли соҳаларда, раҳбарлик лавозимлари самарали меҳнат қилиб, юртимиз ижтимоий-иқтисодий ривожига муносиб ҳисса қўшган, эл-юрт орасида ва Президентимизнинг ҳурмат-эътиборни қозонган  инсонлардан биридир. Куни кеча Республика маънавият ва маърифат маркази Элликқалъа тумани бўлинмаси ташаббуси билан туман хокимлиги, Нуроний жамғармаси туман бўлими ҳамкорлигида Меҳнат фахрийси, Эл-юрт хурмати ордени соҳиби Аминбай Хамраевич Тажиев билан "Уларнинг ҳаёти биз учун ибрат" мавзусида учрашув  ташкил қилинди.

Битирувчи ёшлар билан ўтказилган учрашувда Ўзбекистон фахрийларинг ижтимоий фаолиятини қўллаб-қувватлаш Нуроний жамғармасининг  васийлик кенгаши аъзоси Аминбай Таджиев ҳамда Нуроний жамғармаси Элликқалъа тумани бўлими раиси Исмоил Хўжаниязовлар ўз ҳаёти ва меҳнат фаолияти, Элликқалъа қўриғини ўзлаштиришдаги ўзига хос қийинчиликлар, ўзлари ишлаб ўтган давр муҳити, қийинчиликлари, шароитлари ҳақида гапириб, Янги Ўзбекистонимизда ишлаш, тадбиркорлик қилиш, ўқиш истагидаги ҳар бир инсонга яратилаётган имкониятларга ҳавас қилишлари, ушбу имкониятлар қадрига етиш ва улардан унумли фойдаланиш зарурлиги ҳақида гапирдилар.

Эл-юрт равнақи йўлида мамлакатимиз раҳбарига яқин кўмакчи, камарбаста бўлиш лозимлиги самимий кечган суҳбатнинг бош мавзусига айланди. Мамлакатимизда инсон омилига юксак эътибор берилаётгани, ёшларнинг ўқиб, пухта билим олиши, касб-ҳунар ўрганиши, умуман, ўз иқтидор ва салоҳиятини тўлақонли намоён этишлари учун кенг имкониятлар яратиб берилаётганлиги алоҳида таъкидланди. Берилаётган имкониятлардан кенг фойдаланишлари, илм-фан, касб-ҳунар сирларини пухта эгаллаб, келгусида фидойи, ватанпарвар, юрт равнақига муносиб ҳисса қўшадиган инсонлар бўлиб камол топишлари муҳим эканлиги алоҳида қайд этилди.
-“Қилинган меҳнат, чеккан машаққатнинг тагида албатта роҳати ҳам бўлади, ўқинг, изланинг, кўпроқ ўз устингизда ишланг, шунда раҳбарлик сизни ўзи “Излаб топади”, - дея таъкидлади Аминбай Тажиев.

Учрашув давомида ёшлар ўзларини қизиқтирган саволларга жавоб олдилар.

Ёши улуғ инсонларнинг ҳаёт йўллари ҳар доим ёшлар учун ибрат мактаби бўлиб келган.

Элликқалъа тумани ҳокимлиги ахборот хизмати