Ҳар бир мурожаат - эътиборда

Ижтимоий ҳимоя миллий агентлиги Қорақалпоғистон Республикаси бошқармаси томонидан Элликқалъа тумани Қирққизобод овулида сайёр қабул ўтказилди.

Жорий йилнинг 25-июль санасида ўтказилган ушбу сайёр қабулда Ижтимоий ҳимоя миллий агентлиги Қорақалпоғистон Республикаси бошқармаси бошлиғи ўринбосари Т.Аминов, Бошқарманинг катта ёшдаги ва оғир вазиятга тушиб қолган оилалар билан ишлашиш шўъбаси мудири А.Ерманов, Бошқарманинг Ижро интизоми ва мурожаатлар билан ишлашиш шўъбаси етакчи мутахассиси А.Жолдасов, Элликқалъа тумани "Инсон" ижтимоий хизматлар маркази директори Б.Алимовлар иштирок этиб фуқароларнинг мурожаатларини қабул қилдилар. Сайёр қабулда "Қирққизобод", "Гулистон", "Қизилқум" овуллари, "Бургутқалъа", "Оқ-олтин", "Бўстон" маҳаллалари фуқароларининг муаммолари тингланиб, айримлари жойида ҳал қилинди, айрим масаладаги фуқароларга тушунтиришлар берилди, шунингдек барча мурожаатлар республика даражасида назоратга олинди.

Элликқалъа тумани ҳокимлиги ахборот хизмати

Депутатлар ҳалқ билан бирга.

Ҳурматли Президентимиз Шавкат Мирзиёев раислигида иқтисодий ўсиш суръатларини таъминлаш юзасидан биринчи ярим йилликда амалга оширилган ишлар ва келгуси вазифаларга бағишланган видеоселектор йиғилишидаги топшириқлар ижросини таъминлаш мақсадида, топшириқлардан келиб чиқиб йиғилиш ва унинг мазмун моҳиятини аҳоли ва сайловчиларга етказиш мақсадида Ўзбекистон Республикаси Олий Мажлис қонунчилик палатаси спикерининг ўринбосари, Олий Мажлис қонунчилик палатаси депутати З.Ибрагимова туманимизга ташриф буюрди.

Мамлакатимизда Ҳурматли Президентимиз томонидан амалга оширилаётган ислоҳатларнинг мазмун моҳиятини аҳолига етказиш мақсадида "Амиробод", "Тўртёп", "Иҳлос" аҳоли пунктларида бўлиб ҳалқ билан учрашиб уларнинг мурожаатлари тингланди.

Шунингдек, "Думанқалъа" овул фуқаролар йиғинида маҳалла еттилиги вакиллари билан учрашиб маҳалла еттилиги вакиллари томонидан амалга оширилаётган ишлар билан танишди ва уларга тегишли тавсиялар берди.

Элликқалъа тумани ҳокимлиги ахборот хизмати