Элликқалъа туманидаги “Орол болалари” ёзги болалар оромгоҳи иккинчи навбат учун яна 240нафар болаларни ўз қучоғига қабул қилди. Республикамизнинг барча туманларидан келган ҳордиқ олувчи болажонлар учун оромгоҳда етарли шароитлар яратилган. Уларнинг бўш вақтларини мазмунли ташкил қилиниши, тўйимли ва фойдали овқатлар, бассейн, спорт тўгараклари шунингдек китоб мутолааси ва ҳар куни концерт дастурлари уларнинг мазмунли хордиқ чиқаришларида замин бўлмоқда. Бугун бу ерда китобхонлик тадбирлари ва мушоира кечалари ташкил қилинди ва фаол қатнашган дам олувчиларга фахрий ёрлиқ ва совғалар топширилди. Тадбирда Республика Маънавият ва маърифат маркази Элликқалъа тумани бўлими раҳбари О. Матниязова иштирок қилди.

Элликқалъа тумани ҳокимлиги ахборот хизмати