Қувонарлиси, бахтсиз ходиса туфайли кўзларининг кўриши заифлашган ижтимоий кўмакка муҳтож Ортиқ Тухтабаевнинг операциясига туман раҳбари томонидан ёрдам бериладиган бўлди. Учрашув якунида “Ёшлар дафтари” ва “Аёллар дафтари” руйхатидаги бир гуруҳ аёллар ва ёшларга қимматбаҳо совғалар ва ҳудуддаги 16 –сонли умумтаълим мактаби 5-синф ўқувчиси Муратбек Раззақбердиевга велосипед совға қилинди.
Элликқалъа тумани ҳокимлиги ахборот хизмати.
Каналимизга қўшилинг: 👉 https://t.iss.one/ellikqala1977

Элликқалъа туман ҳокими Сейдамат Авезов аҳолининг турли қатламлари билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан “Қирққизобод” овул фуқаролар йиғини ҳудудида навбатдаги сайёр қабул ўтказди. Сайёр қабулда ҳоким ўринбосарлари, корхона, ташкилот раҳбарлари ва туманнинг мутасадди ташкилотлари маҳалла фаоллари, сектор ҳудудидан келган мурожаатчилар иштирок этишди.

Кам таъминланган оилаларга моддий ёрдам бериш, касалларнинг даволаниши учун моддий ёрдам, пенсия таъминоти, уй-жойини таъмирлашга ёрдам бериш бўйича мурожаатларнинг аксарияти жойида хал этилди.
Сейдамат Авезов барча мурожаатлар юзасидан ҳар бир соҳа раҳбарига муаммони ўрганиб, қонуний ва ижобий ҳал қилинишини таъминлаш бўйича топшириқ берди. Ҳар бир мурожаатни ўз назоратига олди.


Элликқалъа тумани ҳокимлиги ахборот хизмати

Каналимизга қўшилинг:👉 https://t.iss.one/ellikqala1977

Ёшлар ва оммавий ахборот воситалари иштирокида медиа-тур ташкил қилинди.

Мазкур медиа тур жараёнида иштирокчилар туманимиздаги таълим ташкилотларида бўлишди. Айниқса ташкилотларда ўтказилган китобхонлик кечалари иштирокчиларда юқори тассурот қолдирди.
Мамлакатимизда китобхонлик маданиятини юксалтириш йўлида кенг кўламдаги ишлар амалга оширилмоқда.

Бугун Элликқалъа ихтисослаштирилган санъат мактабида "Зиё масканимга бир китоб туҳфа" акцияси, ёшларимизнинг китоб мутолаа қилишга ва китоблар олами билан янада яқиндан танишишига бир замин бўлди. Медиа-тур иштирокчилари китоб акциясида иштирок қилдилар.
Акцияда мактаб китобсевар ёшлари билан бирга уларнинг ота-оналари ҳам иштирок қилдилар. Тадбирда туман ахборот ресурс маркази ҳам ўзининг китоблар кўргазмаси билан иштирок этди ва кўчма китоб дўкони ҳам ташкил қилинди.

Элликқалъа тумани ҳокимлиги ахборот хизмати

Каналимизга қўшилинг: 👉 https://t.iss.one/ellikqala1977

Бугун туман халқ таълими бўлимига қарашли умумтаълим мактаблари ўқувчилари ўртасида "Умид ниҳоллари-2021" Гандбол спорт мусобақаларининг ҳудудий босқичи 9 та ҳудудда бўлиб ўтди. Ушбу мусобақаларда жами 1000 нафардан ортиқ ўқувчи спортчи ёшлар иштирок қилишди. Мусобақа ғолиблари турли даражадаги дипломлар билан тақдирланишди.

Элликқалъа тумани ҳокимлиги ахборот хизмати

Каналимизга қўшилинг: 👉 https://t.iss.one/ellikqala1977

Эътиборсизлик турли оғир оқибатларга олиб келиши мумкин.


Жиноят ишлари бўйича Элликқалъа туман суди томонидан 2021 йил
15 март куни Элликқалъа тумани " Гулдурсин" овул фуқаролар йиғинида сайёр суд мажлиси бўлиб ўтди. Ушбу сайёр суд мажлисида ЖКнинг 266-моддаси 1-қисми билан айбланган Х.А. га нисбатан қўзғатилган жиноят иши кўриб чиқилди.
Судда аниқланган ҳолатларга кўра, Х.А. ва унинг дўстлари биргалашиб, кўнгил ҳушлик қилиб, спиртли ичимликлар истеъмол қилгани ҳолда Ш.Т. нинг номига расмийлаштирилган нексия русумли транспорт воситасини маст ҳолатида бошқарган, оқибатда Х.А. бошқарувни йўқотиб йўл чеккасида ҳаракатсиз турган З.Ш га тегишли камаз русумли транспорт воситасининг орқа қисмига бориб урилган. Мазкур йўл транспорт ҳодисаси натижасида нексия русумли транспорт воситасида бўлган уч нафар шахс тан жароҳатлари олган ва транспорт воситаларига 30.млн.дан ортиқ моддий зарарлар етказилган.
Суд жараёнида жабрланувчиларга келтирилган моддий зарарлар қопланганлиги уларнинг кечирим берганликлари инобатга олиниб, инсонпарварлик принципларига асосланган ҳолда, жиноят иши тарафларнинг ярашилганликлари муносабати билан тугатилиб, судланувчи Х.А. жиноий жавобгарликдан озод қилинди.
Ушбу жиноят иши гарчан ярашилганлиги муносабати билан тугатилган бўлсада, жамиятимизда бундай ҳолатларнинг содир бўлишининг олдини олишимиз лозим.
Сабаби, ҳар қандай эътиборсизлик турли ножуя қибатларга олиб келиши мумкин.

ЖИБ Элликқалъа туман
суди раиси О.Ж.Мауленов