#Қонунчилик_янгиликлари

ТДЮУда Кредит тўплаш ва кўчиришнинг Европа модели жорий этилади

📜Вазирлар Маҳкамасининг 2021 йил 10 июндаги 359-сон қарори билан Тошкент давлат юридик университетида кредит-модуль тизимида ўқув жараёнини ташкил этиш тартиби тўғрисидаги низом тасдиқланди.

▪️ Низомга кўра Тошкент давлат юридик университетида Кредит тўплаш ва кўчиришнинг Европа модели жорий этилади.

✔️ Ўқув йили учун таълим дастури бир ёки бир нечта модуллардан иборат бўлиб, ТДЮУ кенгаши томонидан тасдиқланади.

🔄 Ўқув йили давомийлиги ҳам Кенгаш томонидан белгиланади.

📂 Кредит-модуль тизимида 1 кредит ўртача 25-30 соатлик ўқув юкламасига тенг. Ўқув юкламаси бакалавриатда – 40-50% аудитория соати, 50-60% мустақил иш соатига, магистратурада – 30-40% аудитория соати, 60-70% мустақил иш соатига бўлинади.

📊 Кредит соатлари миқдори ва ўқув юкламаси ТДЮУ сайтига жойлаштириб борилади.

🧑🏻‍🎓Талаба бир семестрда 30 кредит, ўқув йилида эса 60 кредит тўплаши лозим.

❗️Бир фанга ажратилган аудитория соатининг 25 фоизини ва ундан ортиқ соатини сабабсиз қолдирган талаба ушбу фандан четлаштирилиб, якуний назоратга киритилмайди ҳамда мазкур фан бўйича кредитни ўзлаштирмаган ҳисобланади.

❕Якуний назоратга киритилмаган ёки кирмаган, қониқарсиз баҳо олган талаба академик қарздор ҳисобланади.

🤦🏻‍♂️ Академик қарздор талабалар таътил вақтида ёки кейинги семестрлар мобайнида ўзлаштирилмаган кредитлар миқдорига мос тўлов-контракт миқдоридан келиб чиққан ҳолда тўлов қилганидан кейин ўзлаштирилмаган фанларни ўз ҳисобидан қайта ўқиши мумкин.

👉 @eduuz

#Танишув

🔸Тошкент давлат педагогика университети Шаҳрисабз филиали талабаси университет фаолияти ҳақида ўз таассуротлари билан ўртоқлашди.

Маълумот ўрнида, Ҳукумат қарори билан Филиал 2021/2022 ўқув йилидан бошлаб Педагогика институти сифатида Қарши давлат университети негизида фаолиятини давом эттиради.

🌐 Веб-сайт: https://tdpushf.uz/
📱 Телеграм: @shahrisabz_tdpu

🔸"Оҳирги 5⃣ дақиқада қандай янги нарсаларни ўргандингиз?
Оҳирги 5⃣ дақиқани қандай ўтказдингиз?"

🔸 What new things have you learnt for the last 5⃣ minutes?
How have you spent these last 5⃣ minutes?

Фарғонадаги 2 та ОТМга янги ректор тайинланди

Ҳукуматнинг 2021 йил 10 июндаги 360-сон қарорига биноан:

Шермуҳаммадов Баҳодиржон Шермуҳаммадович Фарғона давлат университети ректори этиб;

Ходжаева Дилноза Шавкатовна Қўқон давлат педагогика институти ректори этиб тайинланди.

👉 @eduuz

#Абитуриентга_енгиллик

ТДЮУ қошидаги академик лицей битирувчилари ДИҚҚАТИГА!

📜Тошкент давлат юридик университети қошидаги академик лицейнинг битирувчилари Тошкент давлат юридик университетига якка тартибда суҳбат ўтказиш орқали ўқишга қабул қилиш тартиби тўғрисида тасдиқланган низомга кўра:

🔸ТДЮУ бакалавриатига абитуриентлар қабул параметрларидан ташқари ТДЮУ томонидан белгиланадиган ўринлар сонига мос равишда қабул қилиниб, тўлов-контракт асосида ўқийди;

🔸ўқишга қабул қилиш суҳбат натижаларига кўра рейтинг тизими бўйича тўпланган баллар асосида амалга оширилади.

🔘 Бунда:

- ТДЮУ академик лицейи битирувчилари ҳар йили 20 июндан кечикмасдан махсус комиссияга тавсиянома беришни сўраб ариза билан мурожаат қилади;
- Махсус комиссия фақат комиссия ташкил этилган тегишли ўқув йили битирувчиларининг аризаларини 20 июндан бошлаб 5 иш кунида кўриб чиқади (жорий йил учун 21 июндан бошлаб);
- ҳар йили 1 июлдан кечикмасдан суҳбат комиссияси тузилиб, якка тартибдаги суҳбат 10-20 июль кунлари ўтказилади.

📊 Суҳбат натижалари рейтинг тизими бўйича абитуриентга қўйилган (0 дан 100 гача оралиқдаги) баллар асосида аниқланади.

📹 Суҳбат жараёни ва натижаларини қайд этишда видео ва аудиоёзувлардан фойдаланилади.

☑️ Натижалар ТДЮУ расмий веб-сайтида суҳбат ўтказилгандан сўнг кейинги иш кунида эълон қилинади.

🚫 ТДЮУ бакалавриатига абитуриентларни қабул қилиш учун якка тартибдаги суҳбатни қайта ўтказишга йўл қўйилмайди.

🗓 Академик лицей томонидан берилган тавсиянома икки йил давомида амал қилади.

#қанийдибизҳамсуҳбаторқалиталабабўлсак😂

#Ўқишни_кўчириш

Хориждан ўқишини кўчирмоқчи бўлган талабалар ДИҚҚАТИГА!

Сиз учун онлайн мулоқот эфирда

🔹 Хориждан ўқишни кўчириш бўйича кутилаётган янгилик ва маълумотларни аниқ ва батафсил билишингиз, ўз саволларингизга мутасаддилар томонидан жавоб олишингиз мақсадида ташкил этиладиган Ўзбекистон ёшлари умумжаҳон ассоциацияси Ўзбекистон Республикаси Олий ва ўрта махсус таълим вазирлиги билан ҳамкорликдаги онлайн мулоқот бошланиш арафасида.

Онлайн мулоқотга ҳозироқ уланинг 👇

Хоҳловчилар Ўзбекистон ёшлари умумжаҳон ассоциациясининг Zoom дастури ва инстаграмдаги расмий саҳифаси орқали иштирок этиши ва саволларини йўллаши мумкин.

ZOOM: https://us05web.zoom.us/j/89249495631?pwd=bkhtRlNxL3E3SnZCTU1oSFNHcHJNQT09
Логин: 89249495631
Пароль: 5

Инстаграм: https://www.instagram.com/wayu.uz/

#эртароқхабарберишгаулгурмадикда🙏

#Ўқишни_кўчириш

Хориждан ўқишини кўчирмоқчи бўлган талабалар учун онлайн мулоқотда иштирок этишни хоҳловчилар техник сабабларга кўра фақат инстаграмдаги расмий саҳифа орқали иштирок этиш ва саволлар йўллашлари мумкин.

Инстаграм: https://www.instagram.com/wayu.uz/

#Биласизми

❗️Абитуриентлар учун ҳуқуқ-тартибот йўналишидаги ОТМларда қандай ўзгаришлар бўлади?

🔘 2021/2022 ўқув йилида:

🔸 Миллий гвардия Ҳарбий-техник институти Жамоат хавфсизлиги университетида бакалавриат ва магистратура тизими жорий этилади.

🔸 Ички ишлар вазирлигининг Академиясида кадрларни тайёрлаш жараёнига бакалавриат ва магистратурани ўз ичига олувчи икки босқичли олий таълим тизими жорий этилади.

🔸 Тошкент давлат юридик университети (ТДЮУ) қошидаги академик лицейнинг барча фанлар бўйича юқори натижаларга эга битирувчилари, ТДЮУга кириш тест синовларисиз, якка тартибда суҳбат ўтказиш орқали, тўлов-контракт асосида, қабул параметрларидан ташқари кириш ҳуқуқига эга бўлади.

🔸 Қуролли кучлар Ҳарбий тиббиёт академиясига Ўзбекистоннинг бошқа тиббий таълим муассасаларини битирган тиббиёт ходимларини тўлов-контракт асосида қайта тайёрлаш ва малакасини оширишга рухсат этилади.

🔸 ТДЮУ магистратурасига ўқишга кириш учун абитуриентлар Ягона интерактив давлат хизматлари портали ёки Давлат тест марказининг веб-сайти орқали рўйхатдан ўтиш тартиби жорий этилади.

Ⓜ️анба: Huquqiy axborot

👉 @eduuz

Мамлакатларнинг олий таълим соҳасидаги икки етакчилари учрашишди

▪️Тожикистон Республикаси Президенти Имомали Раҳмон ва Ўзбекистон Республикаси Президенти Шавкат Мирзиёевнинг Суғд вилоятининг қадимий Хўжанд шаҳрига расмий ташрифи доирасида икки давлат олий таълим муассасалари вазирлари Муҳаммадюсуф Имомзода ва Абдуқодир Тошқулов учрашдилар.

➡️ Суҳбат давомида томонлар олий ва профессионал таълим соҳасидаги ҳамкорлик ҳамда ушбу фаолият йўналишини ривожлантириш истиқболлари тўғрисида фикр алмашдилар. Хусусан, ҳозирги кунда Тожикистон ва Ўзбекистон Республикаларининг кўплаб ёшлари икки мамлакат олий ўқув юртларида таҳсил олишаётгани ва бу борадаги ҳамкорликни янада кенгайтириш учун тегишли чоралар кўрилиши икки соҳа етакчилари томонидан таъкидланди.

🔚Суҳбат сўнгида Муҳаммадюсуф Имомзода ва Абдукодир Тошқулов бир-бирларини ўз юртларига расмий ташрифлар билан келишга таклиф қилдилар.

Эслатиб ўтамиз, Ўзбекистон Республикаси Президенти Шавкат Мирзиёевнинг Тожикистонга ташрифи чоғида Самарқанд вилояти Ургут туманида Тожикистон томонидан қурилган ўрта мактаб фойдаланишга топширилган бўлиб, унинг очилиш маросимида Таълим ва фан вазири Муҳаммадюсуф Имомзода иштирок этди.

​УЧИНЧИ РЕНЕССАНС – ЁШЛАР НИГОҲИДА

“Учинчи Ренессанс – ёшлар нигоҳида” танловининг республика босқичи ўз ниҳоясига етди.

Жорий кун танлов ғолибларини тақдирлаш маросими бўлиб ўтди. Маросимда танлов ғолиблари пул мукофотлари, эсдалик совғалари, танлов дипломи ва фахрий ёрлиқ билан тақдирландилар.

🔘 Танлов ғолиблари билан танишинг:

🔰Аждодлар меросини тарғиб қилишда инновацион ёндашув номинацияси бўйича:

🥇– Жаҳонгирмирзо Икрамов, Наманган муҳандислик-қурилиш институти талабаси;
🥈– Дилмурод Рахматов, Ўзбекистон миллий университети Жиззах филиали талабаси;
🥉– Абдулворис Миркомилов, Тошкент шаҳридаги Турин политехника университети талабаси.

🔰Олий таълимда сифатли билим олишдан талабаларнинг манфаатдорлигини ошириш учун ўқув жараёни ва методикасини ўзгартириш йўллари номинацияси бўйича:

🥇– Хуршид Хусейнов, Навоий давлат кончилик институти талабаси;
🥈– Олеся Балова, М.Ломоносов номидаги Москва давлат университети Тошкент шаҳар филиали талабаси;
🥉– Камолиддин Амандуллаев ва Мирсаид Мухторов, Жаҳон иқтисодиёти ва дипломатия университети талабалари;

🔰Ёшларни илм-фан ва инновацияларга қизиқтиришнинг ноанъанавий усуллари номинацияси бўйича:

🥇– Тошкент шаҳридаги Турин политехника университети талабалар жамоаси;
🥈– Акмалжон Султонов, Фарғона давлат университети мустақил тадқиқотчиси;
🥉– Зинатдин Базарбаев, Нукус давлат педагогика институти талабаси.

👏🎉 Ғолиб талаба-ёшларни самимий қутлаб, келгусидаги ишларида улкан муваффақиятлар тилаб қоламиз.

#ота_онангиз_ва_устозингизга_ташаккур👏

#Қабул_2021

Лондон иқтисодиёт мактаби Ўзбекистонда илк бор қўшма дастурини йўлга қўйди

🔘 Лондон иқтисодиёт ва сиёсий фанлар мактаби (LSE) академик раҳбарлиги асосида Тошкент давлат иқтисодиёт университети ва Лондон университети (University of London) ҳамкорлигида халқаро қўшма таълим дастури фаолияти йўлга қўйилди.

🔸 2021/2022 ўқув йилидан бошлаб Мазкур қўшма таълим дастурига қуйидаги бакалавриат таълим йўналишлари бўйича қабул амалга оширилади:

- Бухгалтерия ҳисоби ва молия (Accounting and finance);

- Иқтисодиёт (Economics);

- Банк иши ва молия (Banking and finance).

Батафсил видеолавҳада 👆👆👆

#хориждаўқишучункетишшартэмас

👉 @eduuz

#Тайинлов

Ўзбекистон Республикаси Олий ва ўрта махсус таълим вазирининг 2021 йил 14 июндаги буйруғи билан Ҳабибжон Ҳожибобоевич Қўшиев Гулистон давлат университети ўқув ишлари бўйича проректори лавозимига тайинланди.

Ҳабибжон Қўшиев 1964 йил Тожикистон Республикаси, Ленинобод вилоятида туғилган. 1989 йилда Ленинобод давлат педагогика институтини тамомлаган.

Биология фанлари доктори, профессор.

👉 Шу кунга қадар Гулистон давлат университетининг биология кафедраси профессори, экспериментал биология лабораторияси мудири лавозимида ишлаган.

👉 @eduuz

#Қабул_2021
#Қайси_ўқишни_танласам_экан?🧐

Танишув: Муваффақиятингиз тарихини Тошкент давлат иқтисодиёт университети билан бошланг!

Марказий Осиёнинг иқтисодий тараққиёт марказларидан бирида таълим олиш истагида бўлсангиз, унда бу 👆Сиз учун.

Веб-сайт | Telegram |Facebook |Instagram |YouTube

#Live

ДИҚҚАТ!!!

Сўнгги кунларда ижтимоий тармоқларда Миллий тест тизими бўйича бериладиган сертификатлар кўплаб муҳокамаларга сабаб бўлмоқда.

Тест саволларининг X-вариант сифатида тарқаб кетгани, айрим ўқув марказлари ва репетитор ўқитувчилар маълум ҳақ эвазига жавобларни пуллаётгани, натижада тестга кириб чиққанлар 90-100 фоиз натижа кўрсатаётгани ҳақида маълумотлар эълон қилинди.

Айни дамда ушбу масала бўйича муҳокама бошланди. Муҳокамага қуйидаги ҳавола орқали қўшилишингиз мумкин:

👉 https://t.iss.one/xushnudbek?voicechat

Овозли чатда иштирок этишади:

• Ўзбекистон миллий ахборот агентлиги бош директори ўринбосари Хушнудбек Худойбердиев;
• Ёшлар ишлари агентлиги директори Алишер Саъдуллаев;
• Халқ таълими вазирининг биринчи ўринбосари Усмон Шарифхўжаев;
• ДТМ директори ўринбосари Сардор Ражабов;
• Таълим сифатини назорат қилиш инспекцияси бошлиғи ўринбосари Одил Қўйсинов.

👉 @eduuz

#ҲАФТАЛИК_ДАЙЖЕСТ

ОТМдан хабарлар

🔸Ўзбекистон давлат жисмоний тарбия ва спорт университетида бокс бўйича “Тошкент вилояти ҳокими соврини” учун республика мусобақаси бўлиб ўтди.

🔸Фарғона давлат университети профессор-ўқитувчилари маҳаллаларда эътибордаги хотин-қизлар, ёшлар муаммоларини ўргандилар.

🔸ТAТУ Фарғона филиали талабалари Қўқон давлат университетидаги “Technoways” марафонида ўз инновацион лойиҳалари билан иштирок этдилар.

🔸Тошкент давлат стоматология институти ҳамда Россиянинг МОНИКИ институти ўртасида ҳамкорлик йўлга қўйилди.

🔸Тошкент давлат транспорт университети талабаси Тошкент шаҳрида қўл жанги спорт тури бўйича бўлиб ўтган жаҳон чемпионатида совринли ўринни эгаллади.

Самарқандда “Янги Ўзбекистон ёшлари, бирлашайлик!” шиори остида ёшлар фестивали бошланди.

🔸Жиззах давлат педагогика институти профессор-ўқитувчилари томонидан маҳаллаларда “Бир зиёли – бир маҳаллага маънавий ҳомий” шиори остида тадбирлар ташкил этилди.

🔸Тошкент тиббиёт академиясида бирламчи тиббий-санитария бўйича халқаро конференция бўлиб ўтди.

🔸Маҳаллаларда уюшмаган ёшлар ўртасида спортнинг миллий кураш тури бўйича ТИҚХММИ Бухоро филиали “Ректор кубоги” мусобақасининг финал босқичи бўлиб ўтди.

🔸Жиззах вилоят прокуратураси ва вилоятдаги учта олий таълим муассасалари ўртасида ҳамкорлик меморандуми имзоланди.

🔸Навоий давлат педагогика институтига бириктирилган маҳаллаларда ёшлар иштирокида спорт турлари бўйича “Ректор кубоги” мусобақаси бўлиб ўтди.

🔸Миллий рассомлик ва дизайн институти талабаларининг “Илк қадам” номли кўргазмаси очилди.

🔸Урганч давлат университетида "Маданиятлараро мулоқот: тилшунослик, адабиётшунослик, фольклоршунослик ва таржимашуносликнинг долзарб масалалари" мавзусида республика илмий-амалий конференцияси бўлиб ўтди.

🔸ЎзДЖТСУ талабалари бадиий гимнастика бўйича Осиё чемпионатида ғолиб бўлиб, Токио-2020 йўлланмасини қўлга киритишди.

🔸«Ўзбек нутқ синтезатори» яратилди.

🔸Жиззах давлат педагогика институтида "Ёшлар ойлиги" доирасида уч кунлик талабалар форумига старт берилди.

🔸"ЎЗБЕКИСТОН РИВОЖЛAНИШ ФОРУМИ" мадҳияси учун шеърлар танлови ғолиби аниқланди.

🔸“Бағрикенг Ўзбекистон – умумий уйимиз” фестивалига старт берилди.

🔸Фарғона давлат университети ва Қўқон давлат педагогика институтига ректорлар тайинланди.

🔸Тошкент архитектура-қурилиш институтида “Йилнинг энг ораста қизи” кўрик танлови ғолиби аниқланди.

🔸Сурхондарё вилоятидаги ОТМ профессор-ўқитувчилари ва талабалари ўртасида спортнинг шахмат тури бўйича ТДТУ Термиз филиали директори очиқ кубоги мусобақаси ўтказилди.

🔸Самарқандда 11-13 июнь кунлари “Янги Ўзбекистон ёшлари, бирлашайлик!” шиори остида бўлиб ўтган ёшлар фестивали якунига етди.

#Биласизми
#қайси_йўналишни_танласам_экан🧐

⁉️2021/2022 ўқув йилида қайси ОТМ филиаллари ва янги йўналишларга қабул бошланади?

🔸 Мирзо Улуғбек номидаги Ўзбекистон Миллий университетида Гидрометеорология факультетига.

🔸 Тошкент ахборот технологиялари университетининг Тошкент вилоятидаги филиалига.

🔸 Тошкент давлат аграр университетининг Нукус филиали негизида Қорақалпоғистон қишлоқ хўжалиги ва агротехнологиялар институтига.

🔸 Ўзбекистон давлат консерваториясининг Нукус филиалига.

🔸 “Ипак йўли” туризм халқаро университети, Тошкент давлат иқтисодиёт университети, Бухоро ва Термиз давлат университетларида “зиёрат туризми”, “транспорт логистикаси” ва “ижодий саноат” (creative industry) магистратура мутахассисликларига.

🔸 Андижон иқтисодиёт ва қурилиш институтига.

🔸Тошкент архитектура-қурилиш институти ва Самарқанд давлат архитектура-қурилиш институтида маданий мерос объектларини асраш факультетларига.

#кичиксир_янгиочилганйўналишдабаллпастбўладидейишади

#Интервью

Вазир А.Тошқулов билан очиқ суҳбат: олий таълим соҳасидаги бугунги ислоҳотлар, муаммолар ва ечимлар

▪️“MFaktor” медиа-лойиҳасининг навбатдаги кўрсатувида Олий ва ўрта махсус таълим вазири Абдуқодир Тошқулов меҳмон бўлди.

✔️ Учрашув давомида олий таълим соҳасидаги бугунги ислоҳотлар, муаммолар ва ечимлар юзасидан очиқ мулоқот бўлиб ўтди.

🕐 Cуҳбатни бугун соат 14:00 дан бошлаб “MFaktor” медиа-лойиҳасининг You Tube каналида кўришингиз мумкин.

👉 @eduuz

#Қабул_2021
#Қайси_ўқишни_танласам_экан?🧐

Танишув: Тошкент давлат юридик университетига хуш келибсиз!

👉 Университет юриспруденция соҳасида нафақат Ўзбекистон, балки Марказий Осиёда энг етакчи олий таълим муассасаси ҳисобланади.

🎉 Жорий йилда ўзининг 30 йиллик юбилейини нишонлаётган университет Times Higher Education халқаро рейтинг ташкилотининг Impact Ranking-2021 рейтингида дунёнинг нуфузли олий таълим муассасалари орасида 401-ўринни эгаллади.

👉 @eduuz

#Қабул_2021
#Қайси_ўқишни_танласам_экан?🧐

Танишув: видеолавҳа орқали Тошкент кимё-технология институти ҳақида батафсил маълумот олишингиз мумкин.

Маълумот ўрнида қайд этиш керакки, 2021-2022 ўқув йили учун 19 та бакалавриат, 19 та магистратура ва 5 та сиртқи таълим йўналиши ва мутахассисликлари бўйича абитуриентларни қабул қилиш режалаштирилган.

✔️ Жорий йилда институт ўзининг 30 йиллик юбилейини нишонлади.

👉 @eduuz