​​#Профессионал_таълим

Журналистлар учун Самарқанд шаҳридаги касб-ҳунар мактабига пресс-тур уюштирилди

Самарқанд вилояти касбий таълимни ривожлантириш ва мувофиқлаштириш ҳудудий бошқармаси томонидан ташкил этилган пресс-турда давлатимиз раҳбарининг 2019 йил 6 сентябрда қабул қилинган “Профессионал таълим тизимини янада такомиллаштиришга доир қўшимча чора-тадбирлар тўғрисида”ги Фармони ижроси юзасидан амалга оширилган ишлар ҳақида маълумот берилди.

Бу йил вилоятдаги 37 касб-ҳунар мактабига 634 та корхона ва ташкилотнинг буюртмалари асосида 48 та касб бўйича 8398 нафар ўқувчи таҳсил олмоқда. Касб-ҳунар мактабларига умумтаълим мактабларининг 9-синф битирувчилари қабул қилиниб, уларда тадбиркорликка, пировард натижада даромад олишга йўналтирувчи билим, малака ва кўникмалар ҳамда компетенциялар шакллантирилади.

2020/2021 ўқув йили учун 20 ноябрдан 30 ноябрга қадар вилоятдаги 13 коллеж ва 8 техникумда саралаш тест синовлари ўтказилди. 2 та коллеж ва 12 та техникумда эса ёзма имтиҳон шаклида касбий имтиҳонлар ташкил этилди. Ушбу синовлар натижалари асосида 14695 нафар абитуриент ўқишга қабул қилинди.

Пресс-тур қатнашчилари Самарқанд шаҳар касб-ҳунар мактаби фаолияти билан яқиндан танишди. 7 та йўналиш бўйича 220 нафардан ортиқ ўқувчи касб-ҳунар ўрганаётган муассасадаги ўқув-ишлаб чиқариш жараёнлари ҳақида батафсил маълумот берилди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_maktab_hamkorligi

СамВМИда Фанлар уюшмаси ташкил этилиб, вилоятдаги мактаб ўқитувчилари ўқитилмоқда

Самарқанд Ветеринария медицинаси институтида кимё, биология, физика ва математика фанларидан Фанлар уюшмаси ташкил этилди. Лойиҳада юқоридаги фанлар бўйича мутахассислар бир жойга тўпланади, уларнинг малакаси ва тажрибасини мунтазам ошириб борилади, янгиликлардан хабардор қилади, ўз устида ишлаш қолаверса ўқувчилар билан ишлашнинг илғор усулларини ўргатилади.

Институти профессор - ўқитувчилари томонидан навбатдаги маҳорат дарслари Пастдарғом ва Самарқанд туманлари мактабларининг кимё фани ўқитувчилари учун Самарқанд туманидаги 55- умумтаълим мактабида бўлиб ўтди.

Президентининг 2020 йил 6 февралдаги ПҚ-4884-сон қарори ижросини таъминлаш мақсадида ташкил этилаётган мазкур семинар – тренингларда кимё фанини ўқитишда қандай муаммоларга дуч келинаётгани, уларни бартараф этишнинг йўллари, мактаблар моддий – техник базасини мустаҳкамлаш йўлида олиб борилаётган ишлар юзасидан фикр- мулоҳазалар айтилди.

Лойиҳадан мақсад - мактаблар ва институтлар ўртасида узвий алоқа ўрнатиш, битирувчиларни касбга йўналтиришда янада кенгроқ имкониятлар яратиш.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

#Yosh_tadqiqotchilar

Факт 24 | Тошкент педиатрия тиббиёт институти магистранти Ҳасанхўжа Обидов: инсон териси ички касалликлардан дарак бериб туради.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_янгиликлари

Урганч давлат университетида Ҳиндистон институти билан ҳамкорликдаги алмашув ўқув дастурлари бошланди

Урганч давлат университетида Ҳиндистоннинг Bharati Vidyapeeth тадқиқот ва менежмент ўрганиш институти билан шу йилнинг 16 декабрь куни имзоланган меморандум асосида икки ОТМнинг профессор-ўқитувчилари томонидан магистратура ва бакалавриатнинг жами 100 нафар талабасига 10 кун давомида алмашув ўқув машғулотлари олиб борилади.

УрДУ 2-босқич магистрантлари учун “Бизнесни тадқиқ қилиш усуллари” фанидан Бхарати Видияпиит тадқиқот ва менежментни ўрганиш институти профессори Виина Триипати ва бакалавриат талабаларига “Молиявий бозорлар” фанидан профессор Алка Дхингра масофадан онлайн тарзда интерактив машғулотларини ўтказмоқдалар.

Шунингдек, Ҳиндистон институти магистратура талабаларига “Макро ва микроиқтисодиёт” фанини УрДУ фалсафа доктори, доцент И.Руденко ва магистратура талабаларига “Статистика” фанини Иқтисодиёт ва туризм факультети катта ўқитувчиси Жасур Отаевлар алмашув ўқув машғулотларини онлайн тарзда олиб бормоқдалар.

2020 йилнинг 21 декабридан 31 декабргача ўтказиладиган ушбу онлайн интерактив машғулотларнинг якунида ўқув машғулотларда узлуксиз қатнашган ва ўқув жараёнида берилган топшириқларни ўз вақтида бажара олган ўзбекистонлик ва ҳиндистонлик талабаларга 30 соатлик ўқув дастурини якунлаганлиги тўғрисида Халқаро сертификат берилиши кўзда тутилган.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

⚡️⚡️⚡️ МУҲИМ ХАБАР: Узрли сабабларга кўра ўқишини кўчириш истагида бўлган фуқаролар ДИҚҚАТИГА !!!

Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомнинг 15-бандига мувофиқ узрли сабабларга кўра ўқишни кўчириш тўғрисидаги аризаларни қабул қилиш бўйича ҳудудий ишчи гуруҳлари фаолияти йўлга қўйилган.

⚠️ Ҳудудий ишчи гуруҳлари 2020 йилнинг 20 декабридан 2021 йилнинг 25 январь кунига қадар (ўша куни ҳам) фаолият кўрсатади.

Қайд этилган Низомга мувофиқ фуқаролар қуйидаги узрли сабабларга кўра ҳудудий ишчи гуруҳларига ариза топширишлари мумкин:
- талаба бир ҳудуддан иккинчи ҳудудга доимий яшаш учун ёки турмушга чиқиш муносабати билан кўчиб ўтганда;
- талабанинг турмуш ўртоғи ёки ота-онаси ҳарбий хизмат ўташ жойини ўзгартирганда;
- талабанинг ота-онаси (турмуш ўртоғи) хориждаги давлат хизматидан қайтганда.

❗️Ушбу сабаблардан бошқа ҳолатларда фуқаролар ўқишни кўчириш бўйича умумий тартибда ҳар йили 15 июлдан 5 августга қадар ариза билан мурожаат қилишлари мумкин.

Фуқаролар узрли сабабларга кўра ўқишни кўчириш бўйича ҳудудий ишчи гуруҳларига қуйидаги ҳужжатларни тақдим этишлари лозим:
- ўқишни кўчириш бўйича ариза (ариза бланкаси ҳудудий ишчи гуруҳи томонидан берилади ва талаба томонидан жойида тўлдирилади);
- талабанинг рейтинг дафтарчаси ёки белгиланган шаклдаги академик маълумотнома ёки транскрипт нусхалари (биттаси бўлса етарли);
- паспорт нусхаси;
- юқорида қайд этилган узрли сабабларни асословчи тегишли ҳужжатлар.

Ўқишни қайта тиклаш бўйича (кўчириб тиклаш бундан мустасно) аризалар талабанинг четлатилганлигига неча йил бўлганлигидан қатъий назар бевосита муайян ОТМга тақдим этилади.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомнинг 15-бандига мувофиқ узрли сабабларга кўра ўқишни кўчириш тўғрисидаги аризаларни қабул қилиш бўйича ҳудудий ишчи гуруҳлари

@eduuz

#Анонс

2020 йилда олий таълим тизимида амалга оширилган ислоҳотлар ҳақида ҳужжатли фильм.

Тез кунда “Yoshlar” телеканалида.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_янгиликлари

ТДПУ ва БДПУ талабалари ўртасида “Биз иқтидорлилик сирларини ўрганамиз” талабалар халқаро ижодий онлайн мусобақаси бўлиб ўтди

Халқаро ижодий онлайн мусобақада Низомий номидаги Тошкент давлат педагогика университети Ўзбек-Беларусь“Инновацион педагогика” қўшма факултети ҳамда Максим Танк номидаги Беларусь давлат педагогика университетининг 70 нафардан ортиқ талабаси иштирок этди.

Мусобақанинг асосий мақсади икки мамлакат талабаларнинг олий таълим соҳасидаги ҳамкорлик ва дўстлик ришталарини мустаҳкамлаш, икки йил давомида орттирилган билим, иқтидор, тажриба ва кўникмаларини намоён этишга йўналтирилган.

Талабаларнинг ижодий ишларини баҳолашда ҳамкор университетларининг тажрибали профессор-ўқитувчилари, жумладан профессор Олга Маргош, доцент Елена Варанетская-Лосик, Ўзбек-Беларусь“Инновацион педагогика” қўшма факултети деканати ходимлари ҳакамлик қилди.

Ҳакамлар томонидан Ўзбек-Беларусь “Инновацион педагогика” қўшма факультети талабаларининг тайёргарлиги, билим ва кўникмалари, шунингдек, мусобақага ижодий ёндашганлиги юқори баҳоланди.

Ташкилотчилар ва талабалар томонидан бу каби мусобақа ва танловларни ҳар семестр якунида ўтказишга келишиб олинди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#OTM_янгиликлари

Тошкент кимё-технология институти ва "Шўртан газ кимё мажмуаси" ўртасида меморандум имзоланди

Ўзбекистон Республикаси Президентининг 2020 йил 12 августдаги ПҚ-4805-сонли қарори билан 2020-2025 йилларда кимё ва биология йўналишида узлуксиз таълим сифатини ҳамда амалга оширилаётган илмий-тадқиқотлар ва инновация ишлари натижадорлигини ошириш бўйича мақсадли дастур тасдиқланди.

Тошкент кимё-технология институти ва "Шўртан газ кимё мажмуаси" ташаббуси билан мазкур қарор ижросини таъминлаш, жумладан олий таълим муассасаси ва ишлаб чиқариш корхонаси ўртасидаги интеграцияни янги босқичга кўтариш мақсадида жорий йилнинг 21 декабр куни ўзаро англашув меморандуми имзоланди.

Келишувга кўра институт ва корхона бакалавр, магистрлар тайёрлаш, профессор-ўқитувчиларнинг корхона стажировкасини ташкил этиш, ҳамкорликда семинарлар ташкил этиш ва корхонанинг илмий-техник муаммолари бўйича хўжалик шартномалари тузиш бўйича ҳамкорлик қилади.

Шунингдек, Меморандум доирасида корхона билан қўшма илмий-тадқиқот лойиҳаларни олиб бориш, қўшма илмий ишланмалар ишлаб чиқиш, талабалар ва профессор-ўқитувчиларни ижтимоий ва моддий қўллаб-қувватлаш йўлида ҳамкорлик режалаштирилган.

Бугунги кунда институтда ишлаб чиқаришга тайёр бўлган 20 дан ортиқ ишланма мавжуд бўлиб, саноат корхоналари билан ҳамкорликда уларни молиялаштириш ҳамда амалиётга татбиқ этиш зарур.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#Yosh_tadqiqotchilar

AнДТИ битирувчиси ўз илмий ишини Осло университетида ҳимоя қилди

Aндижон давлат тиббиёт институтининг битирувчиси Бекзод Тошбоев дунёнинг “Топ 100” талигига кирувчи Норвегиянинг Осло университетида Офталмология йўналишида “Қуруқ кўз касаллиги ва ксеростомиянинг диагностик биомаркерлари” мавзусида PhD диссертациясини ҳимоя қилди.

Бу мақсад йўлида қаҳрамонимиз уч йил тинимсиз меҳнат қилди: 1000 дан ортиқ беморларни текширди, 4000 варақдан кўп илмий мақола ёзди, ҳамкасблари билан 6000 дан e-mail алмашинувларини амалга оширди, 30 нафар тақризчи танқидига илмий асослантирилган жавоб берди.

2017 йилда Бекзод Тошбоев имтиҳонлардан муваффақиятли ўтиб, Осло университети PhD дастурига қабул қилинган. У бир вақтнинг ўзида PhD дастурида ўқиш билан бирга норвег тилини ўрганди, тиббиёт бўйича имтиҳонлар топширган.

– Хорижда илмий ишни ҳимоя қилишни хоҳловчилар кўп, афсуски мақсад қўйиб меҳнат қилувчилар эса кам. Мен ҳозиргача суҳбатлашган тенгдошларимдаги асосий муаммо шундаки, бирданига ҳаммасига эришини исташади. Биринчи қадамни қўйишни эса кўпчилик хоҳламайди, – дейди Бекзод Тошбоев. – Энг биринчи қадам – бу тил ўрганиш. Деярли ҳар қандай мақсадга эришиш мумкин. Бу учун талаб этиладиган нарса – комфорт зонадан чиқиш, мақсад сари биринчи қадамни қўйиш ва унга эришмагунча тинмай меҳнат қилиш керак.

Бекзод Тошбоев ҳозирда Осло университети Стоматология факультети докторанти, Норвегия кўз саломатлиги институти тадқиқотчиси ва консультанти, «Oftalmolog» » (Nordic journal of ophthalmology) илмий журнали таҳрир ҳайъати аъзоси ҳисобланади.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#ОТМ_янгиликлари

Ўзбекистон халқаро ислом академияси ва Туризмни ривожлантириш давлат қўмитаси ўртасида меморандум имзоланди

Бугун Ўзбекистон халқаро ислом академиясида зиёрат туризмини ривожлантириш ҳамда ушбу йўналишдаги мутахассисларни тайёрлаш масалаларига бағишланган йиғилиш бўлиб ўтди.

Тадбирда Ўзбекистон Республикаси Президенти маслаҳатчиси, Ўзбекистон халқаро ислом академияси ректори Рустам Қосимов ҳамда Туризмни ривожлантириш давлат қўмитаси раиси, “Ипак йўли” туризм халқаро университети ректори Aзиз Aбдуҳакимов ва соҳа мутахассислари, профессор-ўқитувчилар ҳамда қатор туристик фирмалар ва ОАВ ходимлари иштирок этди.

Бевосита мулоқот тарзида ўтказилган тадбир давомида юртимиз тарихи, бой миллий маданий-маънавий ва буюк аждодларимиз меросини чуқур тадқиқ этиш, соҳада фаолият юритаётган туристик фирмалар мутахассислари билим ва малакасини янги илмий тадқиқотлар асосида ошириш масаласи туризм, хусусан, бугун долзарб аҳамият касб этаётган зиёрат туризми ривожида муҳим экани таъкидланди.

Тадбир якунида Ўзбекистон халқаро ислом академияси ва Туризмни ривожлантириш давлат қўмитаси ўртасида англашув меморандуми имзоланди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

⚡️⚡️⚡️ МУҲИМ ХАБАР: Узрли сабабларга кўра ўқишини кўчириш истагида бўлган фуқаролар ДИҚҚАТИГА !!!

Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги Низомнинг 15-бандига мувофиқ узрли сабабларга кўра ўқишни кўчириш тўғрисидаги аризаларни қабул қилиш бўйича ҳудудий ишчи гуруҳлари фаолияти йўлга қўйилган.

⚠️ Ҳудудий ишчи гуруҳлари 2020 йилнинг 20 декабридан 2021 йилнинг 25 январь кунига қадар (ўша куни ҳам) фаолият кўрсатади.

Қайд этилган Низомга мувофиқ фуқаролар қуйидаги узрли сабабларга кўра ҳудудий ишчи гуруҳларига ариза топширишлари мумкин:
- талаба бир ҳудуддан иккинчи ҳудудга доимий яшаш учун ёки турмушга чиқиш муносабати билан кўчиб ўтганда;
- талабанинг турмуш ўртоғи ёки ота-онаси ҳарбий хизмат ўташ жойини ўзгартирганда;
- талабанинг ота-онаси (турмуш ўртоғи) хориждаги давлат хизматидан қайтганда.

❗️Ушбу сабаблардан бошқа ҳолатларда фуқаролар ўқишни кўчириш бўйича умумий тартибда ҳар йили 15 июлдан 5 августга қадар ариза билан мурожаат қилишлари мумкин.

Фуқаролар узрли сабабларга кўра ўқишни кўчириш бўйича ҳудудий ишчи гуруҳларига қуйидаги ҳужжатларни тақдим этишлари лозим:
- ўқишни кўчириш бўйича ариза (ариза бланкаси ҳудудий ишчи гуруҳи томонидан берилади ва талаба томонидан жойида тўлдирилади);
- талабанинг рейтинг дафтарчаси ёки белгиланган шаклдаги академик маълумотнома ёки транскрипт нусхалари (биттаси бўлса етарли);
- паспорт нусхаси;
- юқорида қайд этилган узрли сабабларни асословчи тегишли ҳужжатлар.

Ўқишни қайта тиклаш бўйича (кўчириб тиклаш бундан мустасно) аризалар талабанинг четлатилганлигига неча йил бўлганлигидан қатъий назар бевосита муайян ОТМга тақдим этилади.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​#President

Президент Ўзбекистон ёшлари форумида иштирок этади

Мамлакатимиз тарихида илк марта ўтказилаётган ушбу йирик тадбирни ташкил этиш ташаббуси давлатимиз раҳбари томонидан шу йил 20 ноябрь куни илгари сурилган эди.

18 декабрь куни Тошкент шаҳрида бошланган форум тадбирлари янада кенг кўлам касб этиб, юртимизнинг барча шаҳар ва туманларида бўлиб ўтди. Ёшларимиз вазир ва ҳокимлар билан очиқ мулоқот қилиш, ҳокимият ва бошқарув органларининг бошқа вакиллари билан учрашиш, етакчи эксперт ва жамоатчилик фаоллари билан муҳокамаларда иштирок этиш имкониятига эга бўлди.

Бугунги тадбир Ўзбекистон ёшлари форумининг мантиқий якуни бўлади.

Президент форумда нутқ сўзлайди ва ёшлар билан мулоқот қилади. Тадбирнинг ўзида 3 минг 300 нафардан зиёд, шунингдек, ҳудудлардаги студияларда 26 минг нафар йигит-қиз қатнашиши кутилмоқда.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

#Tanlov

“Uchinchi renessans – yoshlar nigohida”

Oliy va o‘rta maxsus ta’lim vazirligi tomonidan Innovatsion rivojlanish vazirligi, Din ishlari bo‘yicha qo‘mita, O‘zbekistondagi Islom sivilizatsiyasi markazi, “Ipoteka-bank” ATIB, O‘zMTRK O‘zbekiston Milliy axborot agentligi bilan hamkorlikda “Uchinchi renessans – yoshlar nigohida” nomli respublika tanlovi tashkil qilinmoqda.

✅ Tanlovda 40 yoshgacha bo‘lgan O‘zbekiston Respublikasidagi barcha oliy ta’lim muassasalarining talabalari, magistratura va doktorantura tadqiqotchilari quyidagi yo‘nalishlarda ishtirok etishlari mumkin:

👉ajdodlar merosini o‘rganish va targ‘ib qilishda innovatsion yondashuv;
👉oliy ta’limda sifatli bilim olishdan talabalarning manfaatdorligini oshirish uchun o‘quv jarayoni va metodikasini o‘zgartirish yo‘llari;
👉yoshlarni ilm-fan va innovatsiyalarga qiziqtirishning noan’anaviy usullari.

Tanlov yiliga ikki marotaba, yanvar-mart va sentabr-noyabr oylari davomida to'rt bosqichda o‘tkaziladi:

1️⃣ - bosqich – fakultet bosqichi (20-yanvar va 20-sentabrga qadar);
2️⃣ - bosqich – OTM bosqichi (20-fevral va 20-oktabrga qadar);
3️⃣ - bosqich – hududiy bosqich (5-mart va 5-noyabrga qadar);
4️⃣ - bosqich – respublika yakuniy bosqichi (20-mart va 20-noyabrga qadar) o‘tkaziladi.

📹Tanlov ishtirokchilari tayyorlagan maqola, videorolik ko'rinishidagi ijodiy ishlarini onlayn platforma orqali taqdim etadilar.

❗️Ijodiy ishlar @vuz24bot manziliga, ishtirokchining ism-familiyasi va o'qish joyi yozilgan holda yuboriladi. Barcha qabul qilingan ijodiy ishlar @talaba_vuz sahifasiga joylanib boriladi.

Tanlov ishtirokchilarining taqdim etgan loyihalari har bir yo‘nalish bo‘yicha mutaxassislardan tuzilgan Hakamlar hay’ati tomonidan 100 ballik tizimda baholanadi.

Tanlov g‘oliblari diplom hamda pul mukofoti bilan taqdirlanadilar.

Vazirlik telegram kanaliga ulanish👇👇👇
https://t.iss.one/joinchat/AAAAAFczx0DBI6Hy5OPafg