#Soʻragan_edingiz

❓125-SAVOL:
Men bu yil o‘qishga kirolmadim, ammo super kontrakt asosida o‘qimoqchiman. Super kontraktga arizamni elektron tarzda yo‘llab, shartnomamni ham elektron shaklda rasmiylashtirmoqchi edim, ammo ariza to‘ldirishda ikki tomonlama yoki uch tomonlama shartnoma turini tanlash so‘ralyapti. Shular haqida batafsil ma’lumot bersangiz.

✅ JAVOB:
Avval xabar qilganimizdek, joriy o‘quv yilida talabalikka tavsiya etilmagan, biroq tabaqalashtirilgan (super) to‘lov-shartnoma asosida o‘qish istagini bildirgan abituriyentlar uchun yanada qulaylik yaratish maqsadida ariza berish hamda shartnomani rasmiylashtirish t-kontrakt.edu.uz platformasi orqali elektron shaklda amalga oshirish imkoniyati yaratildi.

Mazkur platforma orqali oliy ta’lim muassasalarida tabaqalashtirilgan to‘lov-shartnomasiga ariza berish jarayonida ikki yoki uch tomonlama shartnoma turini tanlash lozim.

Bunda:
Ikki tomonlama shartnoma — OTM va abituriyent o‘rtasida tuziladi. Unda tabaqalashtirilgan shartnoma to‘lovi abituriyent yoki talaba yoxud ularning ota-onasi tomonidan to‘lanadigan bo‘lsa, ikki tomonlama shartnoma degan bandni tanlash kerak bo‘ladi.

Uch tomonlama shartnoma — OTM, abituriyent va uchinchi tomondan esa biror-bir yuridik yoki jismoniy shaxs o‘rtasida tuziladi. Unda tabaqalashtirilgan shartnoma to‘lovi abituriyent yoki talaba yoxud ularning ota-onasi tomonidan emas, balki biror-bir tashkilot (masalan, bank yoki abituriyent ota-onasining ishxonasi) orqali to‘lovni amalga oshirish imkoni bo‘lgan taqdirda, uch tomonlama shartnoma degan bandni tanlash kerak bo‘ladi.

👉 Bungacha berilgan savollarga javoblar
—
Vazirlikning rasmiy sahifalari:
Telegram | Instagram | Facebook | YouTube

​​Davlat test markazining abituriyentlar va ularning ota-onalariga murojaati

Ma’lumki, joriy yilda talabalar o‘qishini xorijiy davlatlardan O‘zbekistondagi davlat oliy ta’lim muassasalariga ko‘chirish bo‘yicha test sinovlari (kasbiy (ijodiy) imithonlar esa OTMlar tomonidan) ilk bor Davlat test markazi tomonidan o‘tkazildi.

Unda test sinovlarida ishtirok etishi belgilangan 87 486 nafar talabgordan 85 261 nafari ishtirok etdi.

Tegishli vazirlik va idoralar tomonidan o‘qishni ko‘chirish uchun minimal o‘tish bali ancha past belgilangan bo‘lsada, talabgorlarning 72 foizi mazkur minimal talabni bajara olmadi.

Aslini olganda yoshlarimizning xorijdagi nufuzli OTMlarda tahsil olishi yaxshi. Lekin maqsad xorijda ta’lim olib, o‘z sohasi bo‘yicha yetuk mutaxassis bo‘lish emas, balki qanday qilib bo‘lsa ham 1 yildan so‘ng o‘qishni O‘zbekistonga ko‘chirib olish bo‘ladigan bo‘lsa, bu endi yaxshi holat emas, albatta.

Hozir ko‘plab konsalting firmalar tomonidan 1 yildan so‘ng O‘zbekistonga ko‘chirib berish va’da qilingan holda qo‘shni davlatlardagi OTMlarga hech qanday imtihonlarsiz o‘qishga kiritib qo‘yish taklif qilinmoqda.

Hurmatli abituriyentlar va ularning ota-onalari!

Hech qaysi firma talabalar o‘qishini xorijiy davlatlardan O‘zbekistondagi davlat oliy ta’lim muassasalariga ko‘chirishga oldindan kafolat bera olmaydi.

O‘zbekiston Respublikasi Prezidentining 2021-yil 22-iyundagi PQ-5157-son qaroriga binoan barcha talabalar o‘qishni xorijdan O‘zbekistonga ko‘chirish uchun imtihon topshirishi va tizimida oliy ta’lim muassasalari bo‘lgan vazirlik va idoralar tomonidan belgilangan o‘tish balini to‘plashi lozim.

Shu sababli, Davlat test markazi asosiy maqsadi xorijda o‘qish emas, balki 1 yildan so‘ng o‘qishni O‘zbekistonga ko‘chirib olish bo‘lgan abituriyentlar va ularning ota-onalariga turli shaxslar va firmalarning 1 yildan so‘ng o‘qishni O‘zbekistonga ko‘chirib berish to‘g‘risidagi va’dalariga ishonmaslikni va o‘z bilimiga ishongan holda test sinovlariga puxta tayyorgarlik ko‘rishni tavsiya qiladi.

Izoh: quyida xorijdan o‘qishni ko‘chirish bo‘yicha statistik ma’lumotlar keltirilgan bo‘lib, test sinovida ishtirok etgan talabgorlarning 50 foizdan ortig‘i 56,7 ball (maksimal ballning 30 foizi) ham to‘play olmagan.

Davlat test markazining rasmiy sahifalari:
Telegram | Facebook | Instagram | YouTube

#Super_kontrakt|#ariza|#shartnoma

⚡️Abituriyentlarga yana bir yengillik!

🔰 Xabaringiz bor, tabaqalashtirilgan (super) to‘lov-shartnoma asosida o‘qish istagini bildirgan abituriyentlar tomonidan onlayn ariza berish hamda shartnomani rasmiylashtirish uchun t-kontrakt.edu.uz platformasi ishga tushirilgan edi.

📹 Abituriyentlarga qulaylik yaratish maqsadida t-kontrakt.edu.uz platformasi orqali ariza berish hamda shartnomani rasmiylashtirish jarayonlarini elektron shaklda amalga oshirish bo‘yicha video yo‘riqnoma tayyorlandi.

🖥 Yo‘riqnoma orqali ariza berish hamda shartnomani rasmiylashtirish jarayonlari haqida batafsil bilib olishingiz mumkin.👆
_____
Bizdan yiroqlashmang:
👉 https://t.iss.one/eduuz 👈

#Akademik_litsey

MANDAT!!!

2021/2022-oʻquv yili uchun respublika oliy taʼlim muassasalari tasarrufidagi akademik litseylarga kirish imtihonlarini topshirgan oʻquvchilar va ularning ota-onalari diqqatiga!!!

Akademik litseylarga kirish imtihonlarining YAKUNIY NATIJALARI (mandat) eʼlon qilindi.

Yakuniy natijalar (mandat)ni:

— vazirlikning litsey.edu.uz rasmiy veb-sayti;

— OTM tasarrufidagi akademik litseylarning rasmiy veb-saytlari orqali aniqlash mumkin.
___
Vazirlikning rasmiy sahifalari:
Telegram | Instagram | Facebook | YouTube

#Tavsiya
#Bayram_muborak_aziz_ustozlar #Oddiy_muallimda_oddiy_muallim
#Albatta_koʻring

🗓 1-oktabr — Ustoz va murabbiylar kuni!

💐 Bayram munosabati bilan Qashqadaryo viloyat teleradiokompaniyasi ijodkorlari bilan Qarshi davlat universiteti talabalari ishtirokida tayyorlangan video tabrik.
____
Bizdan yiroqlashmang:
👉 https://t.iss.one/eduuz 👈

​​#Talabalar_turar_joyi

Talabalar turar-joyiga joylashishning qanday talablari, ijarada yashaydigan talabalar uchun OTMning qanday shartlari mavjud?

Bu haqida O‘zbekiston Milliy axborot agentligi hamda Oliy va o‘rta maxsus ta’lim vazirligi mas’ullari va soha mutaxassislari hamkorligida tayyorlangan videolavha orqali shu kabi savollarga javob olish mumkin.

Shuningdek, sohadagi mavjud muammolarning yechimi borasida amalga oshirilayotgan ishlar yuzasidan ma’lumotlar beriladi.