Vazirning navbatdagi qabuli: fuqarolarning murojaatlari yechim topdi

Oliy va o‘rta maxsus ta’lim vaziri Abduqodir Toshqulovning oliy va o‘rta maxsus ta’lim masalalariga oid fuqarolar murojaatlarini o‘rganish bo‘yicha navbatdagi qabuli tashkil etildi.

Qabulda vazirga bildirilgan murojaatlar, jumladan, xorijiy va respublika OTMdan o‘qishni ko‘chirish, o‘qishga kirish uchun tavsiyanomalar masalasi, kadrlarga talab yuqori bo‘lgan ayrim yo‘nalishlar uchun qabul parametrlarini oshirish kabi aksariyat muammolar joyida hal etilgan holda qanoatlantirildi. Ayrim masalalar yuzasidan aniq tushuntirish va yo‘nalishlar berilib, mas’ullarga qat’iy nazoratga olinishi topshirildi.

E'tiborlisi shundaki, mazkur qabulda tadbirkorlar ham talabalar uchun turar-joylar qurishda OTM bilan hamkorlikni yo‘lga qo‘yish yuzasidan o‘z takliflari bilan ishtirok etishdi.

Vazir tadbirkorlar tomonidan berilgan takliflarni qisqa muddatda o‘rganib chiqish hamda amaliyotga tatbiq etish bo‘yicha ko‘rsatmalar berdi.

👉Batafsil
________
👉 @eduuz

Toshkent davlat yuridik universitetining 30 yillik yubileyi munosabati bilan xalqaro konferensiya o‘tkazildi

Toshkent shahridagi “Hyatt Regency Tashkent” mehmonxonasida “O‘zbekistonda yuridik ta’lim va fanning rivojlanish istiqbollari: milliy va xorijiy tajriba” mavzusida xalqaro ilmiy-amaliy konferensiya tashkil etildi.

TDYUning 30 yillik yubileyi munosabati bilan tashkil etilgan xalqaro anjumanda davlat va jamoat arboblari, milliy va xorijiy mutaxassislar, malakali yurist va advokatlar, OAV vakillari va talabalar ishtirok etdi. Konferensiyaga Germaniya, Rossiya, Turkiya, Polsha, Qatar, Qirg‘izistonning nufuzli oliy ta’lim muassasalari va tashkilotlarining ekspertlari hamda professor-o‘qituvchilari tashrif buyurdi.

Yaqingacha ushbu universitetning rektori bo‘lgan Oliy va o‘rta maxsus ta’lim vazirining o‘rinbosari R.Xakimov ushbu dargohni so‘nggi yillardagi ulkan yutuqlari bilan tabriklab, xalqaro reytinglardagi ishtirokining faollashganini alohida qayd etdi.

Batafsil 👈

👉 На русском
__
👉 @eduuz

#Faxriy_professor

Rossiyaning Nijniy Novgorod shahrida “Intervolga-2021” xalqaro forumi o‘tkazildi

Mazkur forumda dunyoning 20 dan ortiq mamlakatlaridan nufuzli olimlar, madaniyat xodimlari, san’at vakillari ishtirok etishdi.

Forumga maxsus mehmon sifatida taklif etilgan Alisher Navoiy nomidagi Toshkent davlat o‘zbek tili va adabiyoti universiteti rektori, filologiya fanlari doktori, professor Shuhrat Sirojiddinovga N.A. Dobrolyubov nomidagi Nijniy Novgorod davlat lingvistika universitetining faxriy professori unvoni tophirildi.

Tadbirda professor Shuhrat Sirojiddinovning ikki nufuzli universitetning xalqaro hamkorligini kengaytirishga, xususan, birgalikdagi taʼlim dasturlarini amalga oshirish, akademik almashinuvlarni va qoʼshma ilmiy loyihalarni kengaytirish, zamonaviy filologiyaning yangi yoʼnalishlarida hamda ilmiy tadqiqot sohasida ilmiy-pedagogik kadrlar tayyorlash va doʼstlik aloqalarini rivojlantirishga qoʼshgan hissasi alohida eʼtirof etildi.

Batafsil 👈
_____
👉 @eduuz