#So‘ragan_edingiz

❓104-SAVOL:
Assalomu alaykum, o‘qishga hujjat topshirdim. Bitta muammo diplom o‘ylantiryapti. O‘zbekistondagi xususiy unversitetlarni diplomi bizda o‘tadimi yoki yo‘qmi?

✅ JAVOB:
Hozirgi kunda (2021-yil avgust holatiga ko‘ra) respublikada mavjud 9 ta OTM hukumat qarori bilan tashkil etilgan bo‘lib, unda ushbu OTM bitiruvchilariga O‘zbekiston Respublikasida oliy ma’lumot to‘g‘risidagi hujjat sifatida e’tirof etiladigan (tan olinadigan) belgilangan namunadagi diplom beriladi.

✔️ Nodavlat (xususiy) OTM ro‘yxati:

🏛 Toshkent shahridagi Yodju texnika instituti;

🏛 Akfa universiteti;

🏛 Qoʻqon universiteti;

🏛 Fargʻona shahridagi Koreya xalqaro universiteti;

🏛 «Tashkent International University» xalqaro universiteti;

🏛 TEAM universiteti;

🏛 Toshkent shahridagi Britaniya menejment universiteti;

🏛 «Tashkent International University of Education» xalqaro universiteti;

🏛 Yaponiya raqamli universiteti.

❓105-SAVOL:
Xorijiy Top 1000 talikka kirgan OTM talabalari O‘zbekistonga o‘qishini
ko‘chirishda imtihonsiz qabul qilinadimi?

✅ JAVOB:
O‘zbekiston Respublikasi Prezidentining PQ-5157-son qaroriga binoan, talabalar o‘qishini xorijiy mamlakatlarda faoliyat yuritayotgan (shu jumladan, xalqaro tan olingan reytinglarda birinchi 1 000 ta o‘rindan birini egallagan) oliy ta’lim tashkilotlaridan O‘zbekiston Respublikasi davlat oliy ta’lim muassasalarining mos va turdosh ta’lim yo‘nalishlariga ko‘chirishda
talabadan alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar, boshqa ta’lim yo‘nalishlari bo‘yicha test sinovlari o‘tkazilishi belgilangan.

Bunda, kasbiy (ijodiy) imtihonlar tegishli oliy ta’lim muassasasi tomonidan, test sinovlari Davlat test markazi tomonidan o‘tkaziladi.

👉 Bugungacha berilgan savollarga javoblar bilan tanishing
____________________
Vazirlikning rasmiy sahifalari:
Telegram | Instagram | Facebook | YouTube

#umumxalq_xayriya_hashari

DAYJESTI

🔰 Mustaqilligimizning 30 yillik bayrami arafasida 21-avgust kuni yurtimiz bo‘ylab “Yangi O‘zbekistonda erkin va farovon yashaylik” shiori ostida tashkil etilgan umumxalq xayriya hashari OTMda ham uyushqoqlik bilan o‘tkazildi. Batafsil: 👇

🔹Qarshi davlat universiteti;

🔹Geologiya fanlari universiteti;

🔹Toshkent davlat agrar universiteti Termiz filiali;

🔹Samarqand davlat chet tillar instituti;

🔹Qarshi davlat universiteti Pedagogika instituti;

🔹O‘zbekiston davlat san’at va madaniyat instituti Nukus filiali;

🔹Toshkent moliya instituti;

🔹Toshkent irrigatsiya va qishloq xo'jaligini mexanizatsiyalash muhandislari instituti Buxoro filiali;

🔹Jizzax davlat pedagogika instituti;

🔹Toshkent axborot texnologiyalari universiteti Qarshi filiali;

🔹Navoiy davlat pedagogika instituti;

🔹Namangan muhandislik-qurilish instituti;

🔹Urganch davlat universiteti;

🔹Qarshi muhandislik-iqtisodiyot instituti;

🔹Toshkent davlat o‘zbek tili va adabiyoti universiteti;

🔹Toshkent davlat iqtisodiyot universiteti;

🔹Navoiy davlat konchilik instituti Nukus filiali;

🔹O‘zbekiston milliy universiteti;

🔹Milliy rassomlik va dizayn instituti;

🔹O‘zbekiston davlat jismoniy tarbiya va sport universiteti Nukus filiali;

🔹Oʻzbekiston davlat xoreografiya akademiyasi;

🔹Toshkent arxitektura-qurilish instituti;

🔹Jizzax politexnika instituti.
___
👀 Bizni kuzatishda davom eting:
Telegram | Instagram | Facebook | YouTube

#Qabul_2021 | #Imtiyoz

Imtiyozga ega abituriyentlar to‘g‘risidagi ma’lumotlar mandat.dtm.uz saytiga joylashtirildi

📌 Davlat test markazining mandat.dtm.uz saytiga xotin-qizlar, nogironligi bo‘lgan shaxslar hamda “Mehribonlik” uyi va Bolalar shaharchasining bitiruvchilari bo‘lgan chin yetimlar uchun beriladigan imtiyozga ega abituriyentlar to‘g‘risidagi ma’lumotlar joylashtirildi.

🔰 Mazkur imtiyozlardan biriga ega bo‘lgan abituriyent mandat.dtm.uz saytining “Imtiyozli” bo‘limidan tegishli imtiyoz turini tanlagan holda ushbu imtiyozga ega abituriyentlar to‘g‘risidagi ma’lumotlarni ko‘rishi va imtiyoz doirasida nechanchi o‘rinda turganini bilishi mumkin.

🔸Bunda abituriyentlarning ro‘yxati ularning to‘plagan ballari asosida tartiblanadi va mazkur imtiyoz doirasida ajratilgan qo‘shimcha qabul ko‘rsatkichlari soni ko‘rsatiladi.

🔹Xotin-qizlar uchun beriladigan imtiyoz abituriyent qaysi oliy ta’lim muassasasiga topshirganidan qat’iy nazar uning doimiy ro‘yxatda turgan manzili asosida qo‘llaniladi va kunduzgi ta’lim shakli uchun o‘rinli hisoblanadi.

🧑‍🦽 Nogironligi bo‘lgan shaxslar hamda “Mehribonlik” uyi va Bolalar shaharchasining bitiruvchilari bo‘lgan chin yetimlar uchun beriladigan imtiyoz esa har bir ta’lim shakli uchun oliy ta’lim muassasasi kesimida qo‘llaniladi.

❇️ Imtiyoz doirasida talabalikka tavsiya etilmagan abituriyentlar barcha abituriyentlar kabi umumiy tanlovda ham ishtirok etadi.
___
👀 Bizni kuzatishda davom eting:
Telegram | Instagram | Facebook | YouTube

#Dayjest

Oliy va o‘rta maxsus ta’lim vazirligining o‘tgan hafta faoliyati to‘g‘risida INFOGRAFIKA

————————
Vazirlikning rasmiy sahifalari:
Telegram | Instagram | Facebook | YouTube

#Qonunchilikdagi_yangiliklar

Mehnat va ijtimoiy munosabatlar akademiyasi tashkil etildi

⚡️Prezidentning 2021-yil 23-avgustdagi PQ–5227-son qarori bilan Mehnat va ijtimoiy munosabatlar akademiyasi tashkil etildi.

🔘Qarorga ko‘ra, Akademiya barcha ta’lim bosqichlarida faoliyat ko‘rsatadigan nodavlat ta’lim tashkiloti hisoblanadi.

☝️Akademiyada quyidagi yo‘nalishlarda oliy malakali ilmiy-pedagogik kadrlar tayyorlanadi:

➖ xalqaro va milliy mehnat standartlari;
➖ mehnat huquqi;
➖ inson huquqlari;
➖ mehnat tibbiyoti;
➖ ijtimoiy himoya va mehnat muhofazasi.

🗓 Akademiyada ta’lim faoliyati 2022/2023-o‘quv yilidan boshlanadi.

▶️ Ta’lim o‘zbek, rus va ingliz tillarida to‘lov-kontrakt asosida amalga oshiriladi.

⏩ Qabul parametrlari, abituriyentlarni qabul qilish tartibi, to‘lov-kontrakt qiymati hamda pedagog kadrlarning mehnatiga haq to‘lash miqdori O‘zbekiston kasaba uyushmalari Federatsiyasi (Muassis) bilan kelishilgan holda Akademiya tomonidan tasdiqlanadi.

🧾 Akademiya bitiruvchilariga oliy ta’lim va professional ta’lim to‘g‘risidagi hujjat sifatida tan olinadigan diplom beriladi.

☑️ Shuningdek, qarorga asosan, har yili 20 nafardan kam bo‘lmagan, Akademiyaga kirish imtihonlarida yuqori ball to‘plagan, “Ijtimoiy himoya yagona reestri” axborot tizimida kam ta’minlangan oila sifatida ro‘yxatga olingan oilalarning farzandlari bepul (Muassis granti asosida) o‘qishga qabul qilinadi.

————————
Vazirlikning rasmiy sahifalari:
Telegram | Instagram | Facebook | YouTube

#E'LON

DIQQAT!!! O‘qishni ko‘chirish bo‘yicha test sinovlari boshlandi

Bugundan butun respublika bo‘ylab o‘qishni ko‘chirish bo‘yicha test sinovlari boshlandi. Mazkur test sinovlari 23—25-avgust kunlari 2-smenada — soat 18:00 dan 21:00 ga qadar bo‘lib o‘tadi.

Eslatib o‘tamiz, quyidagi toifadagi talabalar o‘qishini ko‘chirish uchun test topshirishlari mumkin:

— Xorijiy OTMdan O‘zbekistondagi davlat OTMga ko‘chirish uchun;

— O‘zbekistondagi xorijiy oliygohlar, ularning filiallari hamda nodavlat xususiy OTMdan davlat OTMga ko‘chirish uchun.

Bir davlat oliy ta’lim muassasidan boshqasiga yoki bir oliy ta’lim muassasi ichida boshqa yo‘nalishga o‘qishni ko‘chirishda imtihon olinmaydi. Mos va turdosh yo‘nalish bo‘lsa, uzrli sabab bor bo‘lsa, bazaviy (oddiy) kontrakt asosida ko‘chiradi, uzrli sabab bo‘lmasa yoki yo‘nalish mos va turdosh bo‘lmasa, bir marta to‘lanadigan super-kontrakt asosida ko‘chiradi.

Talabgorlar test sinoviga shaxsini tasdiqlovchi hujjat va ruxsatnoma bilan kelishlari lozim.

Test sinovida ishtirok etish uchun ruxsatnomani DTMning transfer.dtm.uz saytidan yuklab olish mumkin.

___
👀 Bizni kuzatishda davom eting:
Telegram | Instagram | Facebook | YouTube

#E’LON

Talabalar uchun “EduOn - ta’lim granti” tanlovi

🇺🇿 Respublika miqyosida yoshlar orasida biznes, IT, zamonaviy kasblar, shaxsiy rivojlanish kabi bilimlarni yanada rivojlantirish maqsadida “Mfaktor” biznes maktabi, EduOn.uz ta’lim platformasi va OLIYGOH.UZ jamoasi hamkorligida e’lon qilingan umumiy qiymati 50 mln bo‘lgan maxsus yutuqlarga ega “EduOn - ta’lim granti” tanlovida ishtirok eting va maxsus mukofotlarga ega bo'ling.

📋 Grant o'rni - 100 ta.

✅ Tanlovda barcha talabalar ishtirok etishi mumkin.

📝 Ro‘yxatdan o‘tish 27-avgustga qadar mana bu manzil orqali amalga oshiriladi:

👨🏻‍💻 TANLOVGA RO‘YXATDAN O‘TISH

🏆 Grant g‘oliblari maxsus mukofotlar, esdalik sovg‘alar, I, II va III darajali QR-kodli diplom bilan taqdirlanadi.

✔️ Shuningdek tanlovda ishtirok etganlarning barchasiga maxsus sertifikatlar beriladi.

🔚 Final bosqichining mutlaq g‘oliblari “Mfaktor” biznes maktabining majlislar zalida bo‘lib o‘tadigan “Yoshlar forumi”da tantanali ravishda taqdirlanishadi.

❗️Qatnashing, bilimingizni sinovdan o‘tkazing va maxsus mukofotlarga ega bo‘ling!

🌐 BATAFSIL MA’LUMOT: https://oliygoh.uz/post/eduon-talim-granti-yoriqnoma
___
👀 Bizni kuzatishda davom eting:
Telegram | Instagram | Facebook | YouTube

Buyuk Britaniyaning nufuzli universiteti (QS TOP 50) Toshkentda

🏛 Toshkent davlat iqtisodiyot universiteti London universiteti (University of London) va London iqtisodiyot va siyosiy fanlar maktabi (LSE) bilan memorandum imzolab, hamkorlikda ISEF qo‘shma ta’lim dasturini yo‘lga qo‘ydi.

📜 Qo‘shma ta’lim dasturi bitiruvchilari Toshkent davlat iqtisodiyot universiteti va London universiteti diplomlariga ega bo‘ladilar.

✔️ Ta’lim jarayoni to‘liq ingliz tilida bo‘lib, o‘quv rejalari, fan dasturlari, o‘quv materiallari va yakuniy nazorat sinovlari ham London iqtisodiyot va siyosiy fanlar maktabi (LSE) tomonidan tayyorlanadi va baholanadi.

📌 Bu kabi qo‘shma dasturlar jahon ta’lim makoni integratsiyasiga hamda O‘zbekiston oliy ta’lim tizimini dunyo standartlariga moslashtirgan holda xalqaro hamkorlik aloqalarini yangi bosqichga olib chiqishga xizmat qiladi.

👀 Eduuzdan yiroqlashmang!

#So‘ragan_edingiz

❓106-SAVOL:
Assalomu alaykum. Men Andijon davlat universitetidan O‘zbekiston milliy universitetiga o‘qishimni mos va turdosh bo‘lmagan yo‘nalishga ko‘chiryapman. Uzrli sabablar yo‘q. Bunda menga ta’lim krediti beriladimi?

✅ JAVOB:
Bu holatda ko‘chirilayotgan yo‘nalish mos va turdosh bo‘lmaganligi sababli o‘qishingizni ko‘chirish tabaqalashtirilgan to‘lov-kontrakt (super-kontrakt) asosida amalga oshadi.

❌ Nizomga ko‘ra o‘qishingiz tabaqalashtirilgan to‘lov-kontrakt (super-kontrakt) asosida uzrli sabablarsiz ko‘chirayotgani bois sizga ta’lim krediti ajratilmaydi.

❓107-SAVOL:
Samarqand davlat universitetining sirtqi ta’lim shakliga hujjat topshirib, test sinovlaridan o‘tib chiqdim. O‘qishga kirgan bo‘lsam, menga taʼlim krediti beriladimi?

✅ JAVOB:
Oʻzbekiston Respublikasi Prezidentining “Oliy taʼlim tashkilotlarida taʼlim olish imkoniyatlarini yanada kengaytirish chora-tadbirlari toʻgʻrisida”gi Qaroriga koʻra 2021/2022-oʻquv yilidan boshlab respublikadagi barcha oliy taʼlim tashkilotlari bakalavriatining kunduzgi taʼlim shaklida hamda magistratura bosqichida toʻlov-kontrakt asosida tahsil olish uchun taʼlim krediti ajratishning yangi tizimi yoʻlga qoʻyildi.

❌ Bunda, taʼlimning sirtqi, kechki shakllarida va ikkinchi mutaxassislik boʻyicha tahsil oladigan talabalar yoki xorijiy davlatlar fuqarolari nazarda tutilmagan.

👉 Bugungacha berilgan savollarga javoblar bilan tanishing
____________________
Vazirlikning rasmiy sahifalari:
Telegram | Instagram | Facebook | YouTube

“Oʻzbekiston Respublikasi mustaqilligining 30 yilligi” esdalik nishoni bilan mukofotlash toʻgʻrisida.
———
О награждении памятным знаком «Oʻzbekiston Respublikasi mustaqilligining 30 yilligi».

👉 Shavkat Mirziyoyev_press-service
___
👀 Bizni kuzatishda davom eting:
Telegram | Instagram | Facebook | YouTube

#Onlayn_kurs

Bosh ilmiy-metodik markaz tomonidan onlayn trenerlar tayyorlash kurslari yo‘lga qo‘yildi

Bosh ilmiy-metodik markazi tomonidan yo‘lga qo‘yilgan oliy ta’lim muassasalari rahbar va pedagog kadrlarini qayta tayyorlash va ularning malakasini oshirish markazlarida o‘quv mashg‘ulotlarini olib borishga jalb etilgan professor-o‘qituvchilar uchun 2 kunga mo‘ljallangan qisqa muddatli onlayn trenerlar tayyorlash kurslarining birinchi kuni bo‘lib o‘tdi.

Onlayn kurslarda “Kredit-modul tizimi va o‘quv jarayonini tashkil etish”, “Ilmiy va innovatsion faoliyatni rivojlantirish” hamda “Pedagogning kasbiy professionalligini oshirish” kabi modullar bo‘yicha ma’ruzalar tashkil etildi.

👉 Batafsil
___
👀 Bizni kuzatishda davom eting:
Telegram | Instagram | Facebook | YouTube