300.000 nusxadagi adabiyot jamlangan ARM faoliyat boshladi

Hozirgi kunda talabalar ilm olishlari uchun qulayliklarni kengaytirish borasida Samarqand davlat chet tillar institutida ham qator amaliy ishlar olib borilmoqda.

Xususan, bugun ta’lim maskanida yangidan bunyod etilgan 3 qavatli Axborot-resurs markazi foydalanishga topshirildi.

Markaz ochilish marosimida Oliy va o’rta maxsus ta’lim vaziri o‘rinbosari Sarvarxon Buzrukxonov ishtirok etib, professor-o‘qituvchilar va talabalarni samimiy qutladi.

Markaz barcha zamonaviy jihozlarga ega bo‘lib, 130 o‘ringa mo‘ljallangan o‘quv xonalari, 70 o‘ringa moslashgan 4 ta kompyuter xonasi hamda 200 o‘rinli faollar zalidan iborat.

Ahamiyatlisi, bir vaqtning o‘zida 500 nafar talaba markaz qulayliklaridan foydalanish imkoniyatiga ega.

Axborot-resurs markazi jami 25 500 nomda 288 000 nusxadagi ilmiy, o‘quv va xorijiy adabiyotlar bilan boyitilgan.

Telegram | Instagram | Facebook| You Tube

#Xalqaro_hamkorlik

Toshkentda professional ta’lim tizimining rivojlanish tendensiyalariga qaratilgan birinchi mintaqaviy ilmiy-amaliy konferensiya boʻlib oʻtmoqda

📹 Batafsil videolavhada

Telegram | Instagram | Facebook| You Tube

#Vazir_qabuli

Fuqarolar murojaatlarini o‘rganish va masalalariga yechim berish bo‘yicha navbatdagi qabul o‘tkazildi.

Unda fuqarolarning ma’naviy tadbirlar tashkil etish, o‘qishni ko‘chirish, masofaviy ta’lim, ishga qabul va boshqa masalalarga oid murojaatlari ko‘rildi.

Talabalar va yaqinlarining har bir murojaatiga tegishli boshqarma rahbarlari va mas’ullar ishtirokida huquqiy tushuntirish va maslahatlar berildi.

Qabulda 25 ta murojaat kelib tushib, shundan, 5 tasi joyida ijobiy hal etildi, 17 tasi bo‘yicha huquqiy tushuntirish hamda 3 ta qo‘shimcha o‘rganish talab etiladigan murojaat bo‘yicha mas’ullarga tegishli topshiriqlar berildi.
—
Telegram | Instagram | Facebook|You Tube