🇺🇿Xalq deputatlari Toshkent shahar kengashining to‘rtinchi sessiyasi bo‘lib o‘tdi

Bugun Poytaxt hokimligida Xalq deputatlari Toshkent shahar kengashining to‘rtinchi sessiyasi bo‘lib o‘tdi. Sessiya avvalida Toshkent shahar hokimining birinchi o‘rinbosari Baxtiyor Xaydarov poytaxtning 2025-yil uchun mahalliy byudjetini tasdiqlash bo‘yicha o‘z hisoboti bilan ishtirok etdi.

Shuningdek, sessiya davomida quyidagi masalalar yuzasidan mas'ul shaxslarning hisobotlari tinglandi:
📌 2025-yilda yuridik va jismoniy shaxslardan undiriladigan ayrim soliqlarga qo‘llaniladigan koeffitsiyentlar;
📌 Bektemir tumanida yangi barpo etilgan umumiy o‘rta ta’lim maktabiga yuridik maqom berish;
📌 Ijtimoiy himoya milliy agentligi Toshkent shahar boshqarmasi tomonidan 2024-yilda amalga oshirilgan ishlar va ularning natijalari;
📌 “Davlat tili haqida”gi qonun hujjatlariga rioya etilishi yuzasidan amalga oshirilgan ishlar;
📌 “Toshkent Invest kompaniyasi” AJning 2024-yil davomida amalga oshirilgan ishlari, faoliyatining natijadorligi.

Sessiya davomida qabul qilingan qarorlar Toshkent shahrining 2025-yildagi iqtisodiy, ijtimoiy va huquqiy rivojlanishi uchun muhim ahamiyatga ega bo‘lib, sohalarda samaradorlikni oshirishga xizmat qiladi.