Ayni paytda viloyat hokimi Erkinjon Turdimov Samarqand shahar Super qo'rg'oni hududida ko'p qavatli uylarda aholiga yaratilgan shart-sharoitlar bilan tanishmoqda. Shuningdek, tarmoq mas'ullari bilan hududda olib borilgan qurilishlar holati ham monitoring qilinmoqda...

Siz suratda ko’rib turgan hovuzlar Past Darg’omdagi “Po’lat baliq havzasi” baliqchilik klasteriga tegishli. Bu yerda Vetnam sazani, Afrika laqqasi, Oq amur kabi jahon bozorida savdosi yuqori bo’lgan 8 turdagi baliq yetishtiriladi. Umumiy maydoni 15 gektarni tashkil etadigan havzalarda 1 yilda 1000-1200 tonna baliq yetishtiriladi.

Baliqlar Xitoy texnologiyasi bilan intensiv usulda boqiladi. Ozuqalar Eron va Daniyadan keltiriladi. Chunki ushbu ozuqalar baliq go’shti sifati va ta’mida muhim rol o’ynaydi. Mazkur havzada baliqlarning boqilish davri 4 oy bo’lib, shu muddatda 3 kilogacha bo’lgan baliqlar sotuvga chiqariladi va yangi baliqlar parvarishi boshlanadi.

Xo’jalik rahbari Umid Obloqulovga ko’ra, intensiv usulning qulayligi shundaki, bunda suv va maydon tejaladi. Masalan, an’anaviy usulda 1 gektarda yiliga o’rtacha 3-5 tonna baliq yetishtirasiz. Intensiv usulda esa xuddi shuncha maydonda, aytaylik, Afrika laqqasidan 200-250 tonna olish mumkin.

Dala madaniyati — fermer daromadi


Bugun erta tongdan viloyat hokimi Erkinjon Turdimov rahbarligida Samarqand tumanida “Dala madaniyati — fermer daromadi” shiori ostida ko‘rgazmali seminar o‘tkazildi.

Unda qishloq xo‘jaligi korxonalari  xususan, fermer xo‘jaliklari, MChJ va klasterlar avvalo, dalalarda yerga-yer qo‘shish, uning chetlariga oziq-ovqat ekinlarini ekish, yerlardan unumli foydalanish kabi tartiblar asosida dala madaniyatiga rioya etishi kerakligiga e‘tibor qaratildi.

Shuningdek, tejovchi texnologiyalarni joriy qilish orqali suv resurslaridan samarali foydalanish, sabzavot, poliz va moyli ekinlarni parvarish qilish, ularni zararkunandalardan himoyalash bo‘yicha fikr-mulohazalar bildirildi.