Сәлем, Digital Dala оқырмандары!

Бұл жолғы жазба IT саласындағы немесе осы салаға қызығатын қыз балаларға арналады.

IT саласында дамуды, шетелде жұмыс істеуді, жеке дамуға көңіл бөліп, бірдей көзқарастағы құрбы табуды жоспарлап жүрсеңіз онда бұл қыздар құрылтайы сізге арналады.

Спикерлер:

Ғинаятова София - Сингапур компаниясында Growth Hacker,
Сауд Арабиясының проектінде Project Manager;

Ачилова Алина - Professor of Practice AlmaU, Lector SDU,
Google Developer Group мүшесі, Startup Business expert;

Ұйымдастырушы және кері байланыс:

Жұмадір Надира - Backend-Java бағдарламаушысы,
КБТУ лекторы
@nadira_zhumadir

Уақыты: 6.03.2024 сағат 19:30
Орны: Unihub, Сәтпаев көшесі 22
Қыздар, орын саны шектетулі, Надираға жазып тіркеліп қойыңыздар;

(бұл ешқандай жарнама емес, қыздарға пайдалы болады деп осында жариялайық деп шештік, және кездесу қазақ тілінде өтеді)

Сіздің аналитикалық ойлау қабілетіңізді арттыратын үш кітап:

Аналитикалық ойлау қабілетіңізді жақсарту үшін дата аналика және статистика туралы кітаптардан бөлек, әртүрлі шынайы мысалдарға негізделген кітаптарды да оқу өте маңызды. Осы мақсатта DataAcademy.kz назарларыңызға үш кітап ұсынады:

1. Кез келген нәрсені қалай өлшеуге болады

Дуглас У.Хаббардтың «Кез келген нәрсені қалай өлшеуге болады: бизнестегі «материалдық емес активтердің» құнын табу» - шынайы өмір жағдайлары арқылы аналитикалық ойлауын жақсартуды қалайтын кез келген адам үшін ерекше ресурс.

Бұл қысқа да нұсқа кітап бизнестің кейбір аспектілерін өлшеуге келмейді деген көзқарасқа қарсы шығып, өлшеусіз болып көрінетін дүниені сандық бағалаудың сенімді әдістерін ұсынады. Бұл абстрактылы деректерді пайдалы бизнес идеяға айналдырғысы келетіндер үшін қызықты оқу процессі болмақ.

Түпнұсқасы: Douglas W. Hubbard’s “How to Measure Anything: Finding the Value of ‘Intangibles’ in Business”

Сілтеме: https://clck.ru/39NXm9

2. Сигнал және шу

Нейт Силвердің «Сигнал және шу: Неліктен көптеген болжамдар орындалмай қалады, ал кейбіреуі орындалады» атты туындысы - болжау өнері мен ғылымына енетін негізгі жұмыс. Сайлау туралы нақты болжамдарымен танымал Силвер кездейсоқ шудан маңызды үлгілерді (сигнал) айырудың қыр-сырын ашады.

Кітап қаржыдан ауа-райын болжауға дейінгі әртүрлі салалар бойынша, неліктен кейбір болжамдардың сәтті, ал басқалары сәтсіз болатынын түсіндіреді. Үнемі өсіп келе жатқан деректер дәуірінде болжамды қалай жақсырақ жасауға болатынын түсінгісі келетін және болжамды аналитиканың практикалық қиындықтарын бағалайтын кез келген адамға міндетті түрде оқу керек кітап болып табылады.

Түпнұсқасы: “The Signal and the Noise: Why So Many Predictions Fail — but Some Don’t” by Nate Silver 

Сілтеме: https://clck.ru/39NXn6

3. Қалай қателеспеу керек

Джордан Элленбергтің «Қалай қателеспеу керек: математикалық ойлаудың күші» атты кітабы математикалық принциптердің өмірлік сценарийлерде қалай қолданылатынын көрсетеді. Элленберг ұшқыр ойымен математиканың абстрактілі теңдеулер қатары ғана емес, жақсы шешім қабылдауға және пайымдаудың жалпы қателерінен аулақ болуға көмектесетін құрал екенін анық көрсетеді.

Қызық әңгімелер мен мысалдар арқылы кітап оқырмандарды математиканың күнделікті өмірдегі рөлі туралы басқаша ойлауға шақырады. Сандық сауаттылықтың маңыздылығы артып келе жатқан әлемде логикалық және мәселелерді шешу дағдыларын шыңдағысы келетіндер үшін маңызды кітаптардың бірі.

Түпнұсқасы: “How Not to Be Wrong: The Power of Mathematical Thinking” by Jordan Ellenberg

Сілтеме: https://clck.ru/39NXo7

+ Сыйлыққа:

Ойлау, жылдам және баяу

Дэниел Каннеманның «Ойлау, жылдам және баяу» туындысы - адамның ойлау процестерін және пайымдауларымыз бен шешімдерімізді басқаратын қос жүйелерді терең зерттеу. Экономикалық ғылымдар бойынша Нобель сыйлығының иегері Каннеман өзінің жаңашыл зерттеулерін шешім қабылдауға қатысты болжамдарымызға қарсы келетін қолжетімді әңгімеге айналдырады. Кітап тез, интуитивті және эмоционалды ойлау жүйесін баяу, ойластырылған және логикалық жүйемен салыстырып, когнитивтік бейімділіктің біздің мінез-құлқымызға әсерін көрсетеді.

Бұл таңдаудың психологиялық негіздеріне және интуиция мен ұтымдылықтың өзара әрекеттестігіне қызығушылық танытатын кез келген адам үшін маңызды туынды.

Түпнұсқасы: “Thinking, Fast and Slow” by Daniel Kahneman 

Сілтеме: https://clck.ru/39NXpu

Мақала дата аналитик Қазыбек Бекеннің DataAcademy.kz  сайтынан аударылды.

P.S Егер де басқа да пайдалы мақалалардың қазақ тілінде жарық көргенін қаласаңыз, пікір қалдырып кетіңіз

📢Сәлем, әлем, Digital Dala ұжымы командаға дизайнер іздейді.📢

🖇️ Дизайнердің міндеті Digital Dala - ны алғашқы қазақша IT media ретінде YouTube, Instagram, Telegram, LinkedIn, TikTok әлеуметтік желілерінде және сайтында оқырманға қолайлы визуал жасау.

🖇️ Егер де сіз кәсіби дизайнер болсаңыз және қазақ тілін бізбен бірге дамытқыңыз келсе, команда сізді асыға күтеді☺️

🖇️ Ұсынатын адамдарыңыз болса да мархабат😌

Сәлем, әлем, қалайсыздар?

Бүгін бізде инкубатор және акселераторлар жайлы пост болады, сіздер инкубатор деген не немесе әлемдік акселераторлық бағдарламалар жайлы естігендеріңіз бар ма?

✏️ Инкубатор және Акселератор - 1 бөлім.

Негізі әлемдік инкубатор және акселераторлар көп мүмкіндіктер береді, бірақ біздің елде олар қатты танымал емес. Мысалы, тек стартаптарға емес, идея келгенде не стартап жасаймын деген сезім келгенде осындай бағдарламарға қатыссаңыз болады. Көп инкубатормен акселератордың басты талабы сол елге өз қаражатыңызға ұшып бару, сосын олар сізге қаражат беріп, виза және үймен көмек көрсетіп, инкубаторға қатысуға мүмкіндік береді. Керек болса, сол бағдарлама барысында өзіңізге идея қарастырып, кофаундер тауып алсаңыз да болады. Мәселен: gust, f6s, antler сияқты жобалар.

Инкубатор және Акселератор - бұл кәсіпкерлерге өз компанияларын дамытуға көмектесетін стартаптарды қолдау бағдарламаларының түрлері. Олар стартаптардың өсуіне және нарыққа сәтті шығуына көмектесу үшін оқытумен, ресурстармен, сараптамалық қолдаумен және инвестициялармен қамтамасыз етеді.

Жан-жақты тәжірибені іздеп, фаундерлер (компания негізін қалағандар) ертелі-кеш инкубатормен және/немесе акселератормен бірлесіп жұмыс істеу туралы ойлайды. Бірақ мәселе мынада: венчурлық нарықтан алыс адамдар немесе жаңадан бастаған кәсіпкерлер бұл ұйымдардың бар екенін білсе де шатастырады. Біз осы материал арқылы осы көп кездесетін қате пікірді «жоюға» тырысамыз.

Көптеген инкубаторлар кәсіпкерлер ай сайынғы ақыға жұмыс кеңістігін, тәлімгерлік қолдауға, жеке іс-шараларға қол жеткізе алатыні және басқа да құнды ресурстарды алатын кеңістіктер болып табылады, олар арқылы олар бизнесті нөлден бастап құруды және дамытуды үйренеді.

Инкубаторлар, әдетте, өз қызметтері үшін стартаптардан үлес алмайды, бірақ олар қаржыландыруды да қамтамасыз етпейді. Олардың басты мақсаты басқа: стартаптарға арзан кеңсе кеңістігін беру емес, жаңадан бастаушы кәсіпкерлерге жаңадан бастаған қателіктерін болдырмауға және сол арқылы бизнестің ерте кезеңде аман қалуына көмектесу.

Әлемдегі алғашқы бизнес-инкубатор 1996 жылы негізі қаланған американдық IdeaLab болды. 23 жыл ішінде IdeaLab-тың 45 түлегі сол немесе өзге түрде оқудан шықты. Ең танымал түлектер арасында GoTo.com, Tickets.com бар.

Фаундерлер стартапты инкубаторға әкелгеннен кейін олар әдетте прототип немесе MVP жасайды, команданың өзегін құрайды және MVP-ті нарыққа шығаруға дайындалады. Содан кейін компания өсіп, инкубатордың құны төмендей бастайды.

Жобаның инкубатор деңгейінен асып кеткенін түсінуге мүмкіндік беретін әмбебап алгоритм жоқ — әдетте бұл фаундерлердің сезімдері туралы әңгіме. Егер сіз өзіңіздің өсіп келе жатқан компанияңыз үшін ұсынылатын орын тым аз деп ойласаңыз және тәлімгерлердің кеңесі барған сайын қарапайым болып көрінсе, онда сізге  бірінші жеке кеңсеңізге көшу, ары қарай өз бетімен өсу секілді келесі қадамды шешетін кез келді деген сөз.

✏️ Инкубатор және Акселератор - 2 бөлім.
[алдыңғы посттың жалғасы]


Егер осы ең маңызды қадамды жасағаннан кейін фаундер тәлімгерлік қолдау мен одан әрі даму, алға жылжуда көмекке мұқтаж болса, ол акселерациялық бағдарламадан өту туралы ойлануы керек. Ол үшін жергілікті және халықаралық нарықты зерттеп, өзі үшін ең тартымды нұсқаларды таңдағаны абзал.

Акселераторлар - компанияның жеке тәлімгерлік және серіктестер желісіне қол жеткізе алатын бағдарламалары. Мұндай бағдарламалар, әдетте, 3 айдан 6 айға дейін созылады, оның соңында демо-күн өткізіледі. Бағдарлама барысында инвесторларға жобалар ұсынылады. Бұл қаражат жинау науқанының басталғанын білдіреді.


Классикалық үлестік (equity) акселераторлар, әдетте 3-10% мөлшерінде акциялар алып, орнына бағдарламаның басында немесе барысында (әдетте $50-100 мың мөлшерінде) таңдалған компанияларға инвестиция салады. Үлестік емес (non-equity) акселераторлар жұмыс үдерісі өзгеше: олар қаржыландыруды қамтамасыз етпейді, жобаға қатысу үлесін алмайды, мемлекет немесе университеттер қаржыландыратын үлестік емес акселераторларды есептемегенде, мұнда стартаптар көптеген бағдарламаларды өту үшін төлеуі керек.


Акселератордың негізгі міндеті - жобаға қарқынды өсу нүктелерін табуға және оны институционалдық ақшаға дайындауға көмектесу: дұрыс және ауқымды бизнес моделін табу мен экспоненциалды өсу жоспарын бекіту.

Жалғасы бар…

Каналға дизайн, дэшбордттар, интерактив, талқылау, сауалнама және тесттер қосу ойда бар, егер сіздерде де жаңа идеялар болса - қосып отырыңыздар 🤙☺️

Ана тілімізде Tech жайлы контент қалыптастыруға және IT-де қазақ тілінің дәрежесінің көтерілуіне бізбен бірге үлес қосуға шақырамыз ✨

Сіздің қандай да бір жобаға көп күш, ақша, уақыт жұмсағаннан кейін кенеттен оның ешкімге қажет емес екенін анықтаған кезіңіз болды ма?

Бұл жағдайдың қайталанбауы үшін біз бүгін сізді Lean Startup деп аталатын тәсілмен таныстырамыз.

Егер сіз кез келген стартаперден, кәсіпкерден, кем дегенде бір нәрсені өз бетімен бастаған адамнан сіздің жасаған үлкен қателегіңіз қандай деп сұрасаңыз: мен осыны істедім, бірақ содан кейін ешкімге қажет емес екендігін анықтадым немесе нағыз керек затты істемедім деген жауап естуіңіз мүмкін.

"Неге бұлай болып жатыр?” деген сұраққа жауап алатын ең танымал тәсіл әрі кітап - Эрик Ристің Lean Startup туындысы.
Бұл кәсіпкерлер арасындағы мега-танымал кітап. Ол “Неліктен біз қателіктерге жол береміз? Олардың қалай алдын алуға болады?” деген сұрақтарға жауап береді. Сонымен қатар сіз өтуіңіз керек 5 негізгі қадам жайлы хабар береді.

Ендеше сіз қандай да бір жобаны, стартапты бастаған болсаңыз, бүгін сізге осы басты қадамдар туралы айтып береміз.

Ал сіз Lean Startup жайлы ұғымымен таныссыз ба?
(кез келген істе Lean Startup әдісін қолдануға болады, мейлі контент жүргізу болсын не торт сату ісі болсын)

#leanstartup #product #startup