Cәлем, достар👋👋

«Жасанды интеллект және машинаны үйрету» саласындағы кездесуіміздің уақыт кестесін назарларыңызға ұсынамыз!

🕐12:45-13:00
Жиналу уақыты

🕐13:00-13:25
🧑‍💻ТОҚТАҒАНОВ ӘДІЛХАН
LEAD PRODUCT ANALYST, Aviata (ex. Tinkoff, VK, MTC)
📋“AutoML: Уақытты үнемдеңіз, өнімділікті арттырыңыз!”

🕐13:25-13:50
🧑‍💻ЖАРҚЫНБЕК ТЕМІРЛАН
ML Engineer, Dereknet AI
📋“Металлургия саласындағы ML проектер”

🕐13:50-14:15
👩‍💻ИКРАМ ҒАЙНИ
Data Scientist, Tele2
📋“ML алгоритмдерін үйрету үшін жасанды деректерді құру”

🕐14:15-14:40
🧑‍💻АМРИН АЙДАР
ML Engineer, Cerebra
📋“Machine learning in Medtech”

🕐14:40-15:05
🧑‍💻ЖАРМАҒАМБЕТОВ АРМАН
AI Researcher, Meta AI (FAIR)
📋“LLM модельдерінің қауіпсіздігі мен сенімділігі”

🕐15:05-16:00
Нетворкинг, сұрақ-жауап уақыты

🗣️Кездесу модераторы:
Бекзат Тұраров
Data Analyst, Freedom Finance

📅 22.06.2024 13:00 - 17:00
📍 Абай көшесі 8а, UIB университеті, 126 аудитория
💵: тегін
📥Тіркелу сілтемесі: https://forms.gle/8fpPoyeRc4i49nvL6

@digitaldala-мен бірге білімді де білікті мамандары тыңдауға шақырамыз⚡️

☄️IT-ді бірге қазақша сөйлетейік!
@qazaqtech

Қайырлы күн, достар 👋

Бүгінгі митаптың өтетін орынына төмендегі картамен бара аласыздар

📅 22.06.2024 13:00 - 17:00
📍 Абай көшесі 8а, UIB университеті, 126 аудитория
💵: тегін
📥Тіркелу сілтемесі: https://forms.gle/8fpPoyeRc4i49nvL6

@digitaldala-мен бірге білімді де білікті мамандары тыңдауға шақырамыз⚡️

☄️IT-ді бірге қазақша сөйлетейік!
@qazaqtech

Барлықтарыңызға біздің Qazaq Meetup-пен бірге жасаған «Жасанды интеллект және машинаны үйрету» кездесуімізде болғандарыңызға алғысымызды білдіреміз 🫰

Митабымызды Әділхан AutoML жайлы бастап күшті ойлармен, және құралдармен бөлісті, сосын Темірлан Металлургия саласындағы қандай қызықты кейсттар болғанымен бөлісіп, қалай оларды шешкенімен бөлісті. Біздің митабымыздың гүлі Ғайни жасанды деректерді неліктен және қалай қолдану жайлы ақпаратпен бөлісіп, жақсы сұрақ қойған тыңдаушыға сыйлығын ұсынды. Ары қарай келесі қызық тақырып ол - МЛды қалай Медицинада инсультты анықтауға қолданатын жайлы Айдар қызықты түрде айтып берді. Кездесуіміздің хедлайнері - Арман LLM Модельінің қыр сырын ашып талдап көрсетті, осында нотада бәрі қызықты да керемет өткен сияқты. 😏

Инстаграм парақшымызда екі эфир сақталып тұр, қарап көрсеңіздер болады 🤩 Және қалай өткенін көргіңіз келсе, бәрі хайлайстта жиналып тұр ✌️

Құрметті оқырмандар!

Біздің Digital Dala медиа ресурс ұйымы өзінің веб-сайтын іске қосқанын қуана хабарлаймыз. Енді сіз біздің медиа ресурсымызға қатысты маңызды ақпаратқа, жаңалықтарға және ресурстарға ыңғайлы және заманауи форматта оңай қол жеткізе аласыз.

Сіз жаңа сайттан таба аласыз:
- Өзекті жаңалықтар мен оқиғалар;
- Подкасттар;
- Бағдарлар;
- Пайдалы ресурстар;
- Авторлар жайлы ақпарат;

Сізді біздің сайтқа кіруге шақырамыз: https://digitaldala.kz

Әзірше, Tilda деген конструкторының көмегімен сайт жасалынған, бірақ жақын арада толық қанды платформа ретінде жасауды ниеттеніп отырмыз, сол үшін командаға бағдарламаушыларды және көмек бергісі келетін жандардың бәрін күтеміз.

Бүкіл қазақша авторлардың посттары бір жерде сақталуына, және бүкіл tech жайлы ақпарат бір платформа болсын деген мақсатпен жасап жатырмыз. Қазақша жазатын авторларға осы постты жіберсеңіздер немесе осы посттың астында белгілеп өтсеңіздер ⭐️

Кеш жарық, достар 👋

Бүгін біз мүмкіндіктер айдарында IT мамандарының инстаграмына айналған әлеуметтік желі LinkedIn жайлы бірнеше бөлімге бөліп сөз қозғаймыз, кетті пе?

1-бөлім:

1) Жалпы ең басты нәрсе - мақсатты айқындап алу ✍️

LinkedIn сізге неге керек деген сұраққа жауап беру. Егер де бұл сұрақтың жауабы, әріптестермен нетворкинг құру, соңғы жаңалықтардан бірінші хабардар болу немесе жұмыс табуға/ұсынуға керек десеңіз, онда пост сізге арналады. ☕️

- Ең бірінші кезекте назар аударатын тұс - профильдің дұрыс толтырылуы. LinkedIn-де индексация маңызды, себебі сол арқылы сіздің профиліңіз сұрауларда көрінеді. Кез келген ақпаратты қоспас бұрын, мына сұрақтарды өзіңізден сұраңыз: ❓

- Мен қосайын деп жатқан ақпарат жұмыс табуыма қалай көмектеседі? Мәселен, сіз оған дейін әртүрлі салада жұмыс атқарсаңыз, топтап қойыңыз. Барынша іздеп жатқан позицияға сай қабілеттер мен жетістіктеріңізді жазуға тырысыңыз. Неғұрлым айқын болса, соғұрлым жұмысты тезірек табуға мүмкіндік көп 👀

2) Профильді сауатты толтыру✍️

Headline немесе Title деп аталатын бөлік ең маңызды. Себебі, сол арқылы сіз өзгелерге ұсыныс ретінде шығып тұрасыз, сонымен қатар рекрутерлер хедлайндағы кілт сөз арқылы сізді таба алады. Ендеше, онда не болу керек?

- Профильдің ең «индекстелген» бөлігі болғандықтан мұнда сіз өз позицияңызды көрсетуіңіз керек, бұл бөлімді жұмысыңыздағы дәрежелермен, стэкпен т.б. толықтыра аласыз. 🧐

Мысалы: X компаниясының фронтэнд бағдарламаушысы, бұрынғы компаниялар туралы, ex Kaspi, ex Yandex және т.б деп көрсетңіз де болады. Толық мысал: 🤓
Пәленшиев Түгенше
Senior Product Manager HyperAuditor | ex-Google, ex-Vk;

- Егер сізде бірнеше рөлдер болса немесе қайсысында басым фокус екеніне сенімді болмасаңыз, оны LinkedIn-де іздеп көріңіз, сізді сол позициялар қызықтырады ма? Қай позиция қызықтырады, соны бірінші жазған дұрыс; 🥇

3) LinkedIn-нің түйіндемеден айырмашылығы профиль фотосуретті қосуды талап етеді. Түріңіз анық көрінетін, қарапайым фондағы кәсіби фотоны таңдаған абзал; 🤓

- Профильге қысқа сілтеме жасап, оны түйіндемеңізге қосуды ұмытпаңыз! 💡

(жалғасы келесі посттарда)

#мүмкіндіктер
#мүмкіндіктерайдары
#LinkedIn

UI/UX әлемінен тағы бір сәлем 😊

Қалайсыздар, қазақ IT әлемінің жанашыр қауымы? 😍

Дизайн туралы әңгімемізді жалғастырайық. Олардың да өздерінің ережелері, қағидалары бар дейді. Олар қандай екен? 🤔

UX/UI дизайнының да басқа салалар секілді өзінің құндылықтары бар. Олардың ішіндегі ең бастысы: user-friendly принципі, яғни пайдаланушы үшін мүмкіндігінше ыңғайлы интерфейс құру, оларға ең жақын дос болу. 🤗
UX дизайны контекстінде бұл интерфейс түсінікті, ыңғайлы және пайдалану оңай болуы керек дегенді білдіреді. Бұл, әсіресе, өнімнің белгілі бір мақсатты аудиториясы үшін өте маңызды - пайдаланушылар оны оңай түсініп, өзара әрекеттесуі керек. ✅

Дизайнның UI бөлігінде көзге жағымды көрініс пен қолдау - негізгі аспектілер болып табылады. UI интерфейстегі маңызды сәттерді бөліп көрсетіп, ақпаратты түсінікті және жеңіл оқылатындай қолайлы етуі керек. Сондай-ақ, UI-дың да user-friendly болуы маңызды. Мәселен, мәтін оңай оқылуы керек, ал стиль пайдаланушыға қолдау көрсетіп, бетті толық шарлап, түсінуге көмектеседі. Бұл өнімді пайдалану кезінде пайдаланушының өзін жайлы және сенімді сезінуін қамтамасыз етеді 💻

Ал жақсы, қолыңызда бір шаруа, бір жоба бар делік. Оның дизайнын жасаудың ең тиімді әдісі қандай? 🤔

Біріншіден, бұл жобаның шын мәнінде не үшін жасалғанын түсінуі керек. Яғни, оның мақсаттары қандай? Сату ма, оқыту ма, ақпарат жеткізу ме, ойын жасау ма - соны біліп алып, есте ұстау керек. Өзіңізге "Бұның бизнеске қандай пайдасы тиеді?" деген сұрақты қойыңыз.
Әрі қарай, адамдар үшін шешілетін қиындықты түсіну. Өзіңізге "Жасағаным қандай мәселені қамтиды және оны қалай шешеді?" деген сұрақты қойып көріңіз. Осылайша сіз аудиторияңызға не керегін түсініп, оларға ең жағымды, ең ұнамды өнім жасап шығара аласыз. 🥳

#uiux #bagdar #design #ui #ux

Сәлем, әлем!

Біздегі подкасттар айдары жаңа леппен қайта келді. ⚡️

Эпизод тақырыбы: Кәсіпкерліктің жол картасы: дәстүрлі бизнестен стартап әлеміне

Осы жолғы қонағымыз ерекше және түсірілім барысында да команда мүшелерін өзінің тәжірибесімен таңқалдырып, шабыттандырумен болды.

Бұл подкасттың қонағы - көп жылдық, ең бастысы табысты тәжірибесі бар кәсіпкер Айдос Телжан. «Rumi Group» кофаундері, Antler инкубаторының түлегі сіздермен дәстүрлі бизнес пен стартаптың айырмашылығы, бизнес майндсет, оны қалай IT бағытымен байланыстыру секілді және тағы да басқа акуталды және қызықты тақырыптар туралы ой бөліседі.

Айта кетелік, Antler инкубаторы - Остин, Нью-Йорк, Лондон, Берлин, Стокгольм, Бангалор, Джакарта, Сингапур, Сеул, Токио және Сиднейді қоса алғанда, алты континенттегі 27 қалада кеңсесі бар әлемдік деңгейдегі стартап инкубаторы. Қонағымыздың бұл тәжірибесі өте құнды ақпарат деп санаймыз, сондықтан подкастты жіберіп алмаңыздар!

Подкаст жүргізушісі: 🎤
Алина Ачилова - Professor of Practice AlmaU, Lector SDU, GDG мүшесі, Startup Business Expert

Төменде подкаст таймкоды: ⌛

0:00 Кіріспе
1:59 Айдос Телжанмен танысу
3:40 Айдостың ең алғашқы жобасы және кәсіп бастамасы
6:53 “Rumi” идеясының пайда болуы
9:50 “Rumi” ресторанының ашылуы, алғашқы сауда туралы
11:45 Бизнес нюанстары
12:50 “Rumi” бизнесінің дамуы, қазіргі жағдайы
15:03 Бизнесте қандай қиыншылық бар?
16:00 Бизнестің өзін ақтау уақыты
18:37 Айдостың “Tech” сферасына өту себебі
21:30 Стартапқа идея таңдау
28:20 Инкубатор мен акселераторлық бағдарламалардың айырмашылығы қандай?
30:15 Антлер бағдарламасы жайлы
31:51 Неліктен Антлер?
32:52 Антлер бағдарламасының шарттары қандай?
35:05 Бағдарлама тарапынан болған көмектер, қолдаулар
36:36 Бағдарламаға қатысу үшін идеямен бару керек пе?
37:59 PaySaction стартапы туралы
40:50 Қазақстан мен Сингапурлық нарықтың басты айырмашылықтары
44:10 Шетелге Қазақстандық стартаптарды шығару
45:12 Серіктестер таңдаудағы басты прициптер
48:05 Идеяны тексеру туралы
51:53 Бизнес бастау үшін керекті қабілеттер мен қасиеттер
53:26 Жастардың энергия мәселесі
54:43 Телефон - нығмет, ал ізденіп зерттеу қазіргі заманные ең басты қабілеті
55:22 Кәcіпкерлік жолдағы қателіктер, және олардан алған сабақтар
57:47 Қазақтарда бейімділік (adaptability) төменде ма?
59:26 Antler-ден алған ең үлкен инсайт
01:01:01 Antler-дегі қазақтардың басқа елдерден ерекшелігі
01:02:08 Инвестиция алу үшін не істеу керек?
01:05:51 Antler-ден бөлек акселераторлар
01:07:10 Кәсіпкерлерге және кәсіп бастағысы келген жандарға кеңес
01:14:03 Көрермендерге тілек - мақсаттың жоғары болуы жайлы

Подкастқа сілтеме 📺
Подкастқа сілтеме 📺
Подкастқа сілтеме 📺

YouTube арнамызға тіркеліп, өз ойларыңызды жазып, пайдалы болса кез келген әлеуметтік желіде белгілеп инсайттарыңызбен бөлісе отырыңыздар! 🤝

Бәріне сәлем 👋

Сіздермен видео ойындар туралы сөз қозғайық. 🙌

Кемінде бір рет ұялы телефонға немесе компьютерге жүктеп, ойын ойнаған боларсыздар? “Сол ойындар қалай жасалады? Шығу тарихы қандай? Бір ойын жасауға қанша адам еңбектенеді? Жалпы қанша уақыт кетеді?” деген ойлар сіздерді мазалап па еді? ✍️

Әлемдегі ең алғашқы компьютер ойыны 1958 жылы 18 қазанда американың физик ғалымы Уильям Хигинботаммен ұсынылған. Қазіргі уақытта ойын жасауға арналған ең мықты 2 қозғалтқыш бар: Unity және Unreal Engine. 💡

Көптеген жасөспірімдер ойын ойнағанды, стримде видео ойыншылардың ойнағанын қарағанды жақсы көреді. Сөйтіп өздері де ойын құрастырушысы болуды армандайды. Құрастыруға кіріспес бұрын алдымен ойынның идеясын ойластырып, қандай болатынын, картасын сызып алу керек. Сосын “ойынның әр бөлімінің толық сипаттамасы, қандай бөліктерден тұрады, қандай жанрда болады, қолданушыға сіздің негізгі жеткізетін ойыңыз қандай?” деген сұрақтарға жауап беру қажет. ❓

Жаңа бір қосымша жүктеп алып, оны қалай ойнауды, не істеу керектігін сіз қалай түсінесіз? Қандай анықтамалар бар? Соның барлығы қолданушыға бірден кірген уақытта түсінікті етіп жасау ойын құрастырушысының мақсаты болу тиіс.

Мысалға, тек бір Үндістанда күніне 3000 инди ойын жарыққа шығады, яғни бәсекелестік жоғары. Ойынның әрбір бөлігі тіптен бір кішкене тастың өзін модельдеу керек. Егер ауқымды жоба болса, онда көптеген адамдардың жұмыла жұмыс істеуін талап етеді, ал инди-құрастырушылары әдетте кішірек жобалар жасағанда ол жұмыстың барлығын өздері атқарады. Мысалы, бөлшектердің өзін модельдеу үшін сіз Blender немесе Maya 3D сияқты бағдарламаларды білуіңіз керек. Яғни, сіз тек құрастырушы емес дизайнерлік, модельерлікте қабілетіңіз болғаны абзал. 📌

Танымал Star Wars, Tekken7, Witcher3, S.T.A.L.K.E.R.2 сияқты ойындар Unreal Engine қозғалтқышында жазылған. ⭐️

Жалпы ойын жасаудың 2 түрлі тәсілі бар: программалау тілі С++ арқылы және мүлде код жазусыз, Blueprint-тарды қолдану арқылы.

1️⃣Код жазбай-ақ ойын құрастыру жақсы естілгенімен, алдымен оның ішінде блоктарды бір-бірімен қалай байланыстыруды үйрену керек. Мысалы, ойыныңызда басты кейіпкерге бір әрекет беру үшін С++ функция жазсаңыз, бұл жерде сіз ішкі қосымшада көптеген блоктарды бір-бірімен байланыстыруыңыз керек. ✅

2️⃣ Unreal Engine түрлі кітапханаларға, тегін ассеттерге өте бай. Негізгі шығару компаниясы Epic Game кітапханасы болғандықтан олар өзінің көптеген ресурстарын қозғалқышта тегін алу мүмкіндігін қосқан.

3️⃣ дизайнға арналған артықшылығы. Егер сіз масштабты немесе жалғыз өзіңіз визуалға фокус қойып ойын жасаймын десеңіз, онда Unreal Engine сізге тура келеді. Себебі компания өзінің жобасын жылдан-жылға түрлі ресуртарға көбейтіп ,жаңартуда. Әсіресе, Unreal Engine 5 бөлімі түрлі анимациялар мен редакторларға бай. Қозғатлқышта 2Д, 3Д ойындар жасауға болады. ✍️

Келесіде екінші қозғалтқыш Unity туралы сөз қозғайтын боламыз… 🫰

Пост авторы: Жазира Жұмахан

#gamedev #game #bagdar

Сәлем 🤝

Бүгін біз әлемге әйгілі GitHub платформасының статистикасы бойынша бағдарламалау тілдерінің артықшылықтарына, кемшіліктеріне, қолданылуына тоқталамыз 📊

#бағдарламалау_тілдері #бағдарламалау #бағдар

Ал ендеше кеттік 🔍

Python
➕ : Қарапайым синтаксис; үлкен стандартты кітапхана; бірнеше бағдарламалау парадигмаларын қолдау (OOP, функционалды).
➖: Құрастырылған тілдермен салыстырғанда орындау жылдамдығы баяу; жадты жоғары тұтыну;
🟰: Веб әзірлеу (Django, Flask); ғылыми есептеу және деректерді талдау (NumPy, pandas), жасанды интеллект және машиналық оқыту (TensorFlow, PyTorch).

Java
➕: JVM арқасында платформа тәуелсіздігі; күшті типті жүйе; үлкен стандартты кітапхана.
➖: Орындаудың баяу басталуы; қарапайым тапсырмалар үшін көп код; жадты жоғары тұтыну;
🟰: Корпоративті қолданбалар, веб әзірлеу (Spring); мобильді қосымшалар (Android); таратылған жүйелер.

Go
➕: Машиналық кодқа компиляцияның арқасында жоғары өнімділік; қарапайым синтаксис; кірістірілген параллельді қолдау (goroutines);
➖: OOP үшін шектеулі мүмкіндіктер, жас экожүйе; тәуелділікті қатаң басқару.
🟰: Веб-қызметтері және микросервистері, жүйелік бағдарламалау; желілік қолданбаларды әзірлеу; бұлттық қызметтер және DevOps құралдары.

JavaScript
➕: Әр браузерлерде жұмыс істейді; үлкен экожүйе және көп кітапханалар; әртүрлі бағдарламалау парадигмаларына жақсы қолдау.
➖: Браузердің әртүрлі нұсқалары арасындағы сәйкессіздік; қауіпсіздік мәселелері (XSS, CSRF);
🟰: Веб әзірлеу (React, Angular, Vue.js), серверді дамыту (Node.js); мобильді қосымшаларды әзірлеу (React Native); Desktop қосымшаларды әзірлеу (Electron).

C++
➕: Жоғары өнімділік, аппараттық ресурстарды бақылау; кең стандартты кітапхана; бағдарламалау парадигмаларына кең қолдау (OOP, функционалдық, процедуралық); төмен деңгейлі бағдарламалауды қолдау.
➖: Күрделі синтаксис; ұзақ компиляция уақыты.
🟰: Жүйелік бағдарламалау; ойын әзірлеу (Unreal Engine); енгізілген жүйелер, жоғары өнімді қолданбаларды әзірлеу.

TypeScript
➕: Статикалық типизация; қазіргі заманғы JavaScript стандарттарын қолдау; әзірлеу кезеңінде қателер саныныі аз болуы;
➖: Қосымша компилияция қадамын талап етеді; JavaScript білімі қажет;
🟰: Веб әзірлеу (Angular); серверді дамыту (Node.js); үлкен JavaScript қосымшаларын әзірлеу.

PHP
➕: Үйрену және пайдалану жеңілдігі; кең веб-хостингті қолдау; үлкен стандартты кітапхана және көптеген фреймворктар; деректер қорымен жақсы интеграция.
➖: Қауіпсіздік мәселелері; экожүйедегі ескі кодтардың көптігі; басқа тілдермен салыстырғанда оқылуы ыңғайсыз код.
🟰: Веб әзірлеу (WordPress, Laravel, Symfony); сервер скрипттері; веб-қосымшалар және API интерфейстері.

C
➕: Жоғары өнімділік және аппараттық ресурстарды бақылау; қарапайымдылық пен минимализм; жүйелік бағдарламалауда кеңінен қолданылады; енгізілген жүйелерге жақсы қолдау.
➖: Кірістірілген OOP қолдауының болмауы; жадты басқарудың күрделілігі; кірістірілген функциялар мен стандартты кітапхана азырақ.
🟰: Енгізілген жүйелер; жүйелік және төмен деңгейлі бағдарламалау; драйверлер мен жүйелік утилиталарды әзірлеу.

Ruby
➕: Синтаксистің қарапайымдылығы; метабағдарламалау үшін күшті қолдау; белсенді қауымдастық және көптеген кітапханалар;
➖: Баяу өнімділік; жадты жоғары тұтыну; басқа тілдермен салыстырғанда танымал емес.
🟰: Веб әзірлеу (Ruby on Rails); сценарийлер, автоматтандыру; прототиптеу.

C#
➕: Windows және .NET-пен жақсы интеграция; күшті типті жүйе; ойынның дамуына жақсы қолдау.
➖: Платформаның тәуелсіздігі шектеулі (бірақ .NET Core оны жақсартады); үлкен стандартты кітапхананы үйренуді талап етеді; Microsoft экожүйесінен тыс танымал емес.
🟰: Windows жүйесіне арналған қолданбаларды әзірлеу; веб әзірлеу (ASP.NET); ойын дамыту (Unity); корпоратив қолданбалары.

Бұл тізімнен бөлек Kotlin тілін атап өткіміз келеді. Себебі ол Java кітапханалары мен әзірлеу құралдарын пайдалануға мүмкіндік беретін Java тілімен толық үйлесімді. Дұрыс таңдау жасау үшін алдымен өзіңізді қызықтыратын бағытты таңдап, нарыққа талдау жасаған абзал😉

Ал сіз қай тілде бағдарлама жазасыз?

Сәлем, достар 👋

Мына сұраққа бірге жауап іздеп көрелік: "Дизайн арқылы қолданушы тәжірибесін қалай жақсартуға болады?" 🔍

Пайдаланушы тәжірибесін жақсарту – оңай шаруа емес, ол дұрыс дизайн арқылы мүмкін болады ‼️ Өзіңіздің өніміңізді тұтыну кезінде қандай қиындықтар бар екенін түсініп, қолданушылардың қажеттіліктерін зерттеу арқылы сіз юзерлерге жайлы және тиімді интерфейс ұсына аласыз. 😉

Біріншіден, пайдаланушылардың ауырсыну сәттерін келесі жолдармен анықтаңыз:
- Сұхбаттар мен сауалнамалар арқылы: "Сіздің ең сүйікті бөлігіңіз қандай?" деген сұрақтан бастамай-ақ қойыңыз. Оның орнына, "Қай жері сізді қынжылтады?" деп сұраңыз. 🤨
- Бәсекелестерді талдау: Бәсекелестеріңіздің жақсы шешімдерін және нашар қателіктерін анықтау арқылы, өзіңізді жақсы жаққа қарай бағыттай аласыз. Кейде бәсекелестердің жасаған қателіктері сізге жақсы идеялар береді. 💻

Екіншіден, интерактивті сәттерге назар аударыңыз:
- "Сатып алу" батырмасын басқан кезде, пайдаланушыға кері байланыс беру керек. Мысалы, "Себетке қосылды!" деген хабарламаны көргенде, бір қуанып қалуы тиіс. 😀
- Пайдаланушыларға түсінікті индикаторларды ұсыныңыз. Мысалы, себеттегі тауарлар санының өзгеруі немесе түсінікті хабарламалар арқылы пайдаланушы не болғанына көз жеткізеді. 🫡

Ал қолданушы тәжірибесін тестілеуді қалай жүргізу керек ❓

Пайдаланушы тәжірибесін тестілеу – бұл өз дизайныңыздың қалай жұмыс істейтінін тексерудің маңызды қадамы. Тестілеуді әр түрлі жолдармен жүргізуге болады, тіпті егер сіздің командаңызда "менде бәрі жұмыс істейді" деген дизайнерлер болса да, оны жасау өте маңызды. Идеяны тексеру мақсатында бірінші mockup-жобалар, кейінірек бүкіл дизайн жасалады. ✔️

Тестілеуді қалай жүргізуге болады:
- Екі рет тестілеу: Бірінші нұсқасы дайын болған кезде және соңғы нұсқасы дайын болған кезде тестілеу жасаған жөн. Бұл түзетулерді оңай жасауға көмектеседі. ✔️
- Соңында бір рет тестілеу: Егер екі рет тестілеуге мүмкіндік болмаса, онда соңында бір рет жасаңыз. Бірақ мұқият болыңыз, "Бізде тек бір мүмкіндік бар!" екенін естен шығармаңыз. ✔️

Жақсы дизайн – бұл пайдаланушының тәжірибесін жақсарту арқылы оларды қуанту, өз өніміңізге ғашық ете алу. Тестілеу әр қадамда маңызды, өйткені ол сіздің дизайнның жұмыс істеуін қамтамасыз етеді және оны жақсартуға мүмкіндік береді. ✔️

Ендеше, шайыңызды құйып, өз өніміңізді қолданушының сүйіктісіне айналдыруға дайын болыңыз! ☕️

Пост авторы: Нұрбол Молдабай

#uiux #bagdar #design #ui #ux #бағдар