Депутатлар минбари.
66 subscribers
45.7K photos
20.8K videos
14 files
38.1K links
Мурожаат учун
https://t.iss.one/joinchat/Rayu2-laBJqaTA3g
Юртимиз сиёсий майдонида рўй бераётган янгиликлар билан бир қаторда, 150 нафар депутат ва 100 нафарга яқин сенаторлар билан тўғридан-тўғри мулоқот ўрнатиш учун платформа!
Download Telegram
#ЯҚИН_ТАРИХГА_НАЗАР
ФОЗИЛ ФАРХОД
#28_апрел_2020_йил

КИМКИ ЮРТНИНГ ДАВЛАТ ТИЛИНИ ҲУРМАТ ҚИЛМАСА, БУ ЎША МАМЛАКАТНИ ҲУРМАТ ҚИЛМАГАНИДИР

Адлия вазирлиги муҳокамага қўйган қонун лойиҳасини тўлиқ қуллаб-қувватлайман. Эътироз ҳақида гап-сўз бўлиши мумкин эмас. Қолаверса, таклифим шуки, ривожланган давлатларнинг бу борадаги қонунчилиги ўрганилиб, уни янада такомиллаштириш тарафдориман. Жазо чоралари бундан-да оғир бўлсин.

Тил бор – миллат бор. Тил йўқ – миллат йўқ. Чунки ҳар бир сўзда миллатнинг биттадан руҳи бор. Руҳ бутунлиги учун ҳам уни асраш керак.

Авар шоири Расул Ҳамзатовнинг “Менинг Доғистоним” бадиасида узоқ йиллар Францияда яшаган рассом йигит ва унинг авар онаси ҳақида ҳикоя бор. Ҳар сафар ўқиганимда аллатовур бўлиб кетаман.

Муаллиф Париждан қайтгач, мусаввирнинг қондошларини қидириб топади. Бахтни қарангки, унинг онаси ҳали ҳаёт бўлади.

Кампирнинг уйига йиғилган қариндошлари Ватанини ўзга ерларга алмашган ўғил ҳақидаги ғамгин ҳикояни тинглашди, адашган ўғилни кечиргандай бўлишди, тирик эканидан суюнишди.

Она эса кутилмаганда сўраб қолади: “Сизлар аварча сўзлашдингларми?” Расул Ҳамзатов жавоб қайтаради: “Йўқ, биз таржимон ёрдамида гаплашдик. Мен русча гапирдим, у французча”.

Шунда кампир юзига қора чодрасини туширади, аварларда ўз ўғлининг ўлганини эшитган оналар шундай қилишар экан.

Узоқ жимликдан кейин муштипар: “Расул, сен янглишибсан, менинг ўғлим аллақачон ўлган экан. Агар у ҳаёт бўлганида, авар онаси ўргатган тилни унутмаган бўларди!” дея суҳбатга нуқта қўяди.

Мана, миллий ғурур, она тилига бўлган садоқат! Бу йўлда ҳатто ўғлидан ҳам воз кечган муштипар ва миллатсевар аёл. Уни, ҳеч иккиланмай, миллат онаси, миллат қаҳрамони, десак бўлади. Аёл аллақачон оламдан ўтиб кетган бўлса керак. Ўз она тилига бўлган садоқати учун мен унинг руҳи олдида бош эгаман. Дунёдаги ҳамма оналар унга ўхшашини истайман.

Ўзбекистонда ҳам шундай оналар кўпайсиз. Бундай ғурур аслида миллатини яхши кўрган ҳар бир инсонда бўлмоғи лозим. Бизнинг ҳам ҳар бир онамиз фарзандлари қалбида ўзбек тилини яхши кўриши учун ўша аёлнинг юрагида ёниб турган оловдай ўт ёқа олсин!

Президент имзолаши кутилаётган ушбу тарихий ҳужжат лойиҳасини нотўғри талқин қилишга уриниш бу фитнадан бошқа нарса эмас. Буни ўзбекистонлик бошқа миллат вакиллари, бошқа тилда сўзлашувчилар ҳам ич-ичидан билишлари ва шунга қараб иш тутишлари керак деб ўйлайман.

Қонун лойиҳасига эътироз билдираётганларнинг аксари русийзабон юртдошларимиз ва россиялик “трол”лар. Ўзбекистонда бошқа тилларга керагидан ортиқ ҳурмат кўрсатилган, бугун ҳам шундай. Керагидан ортиқ бағрикенглигимиз боис ҳам ўз юртимизда ўз тилимизнинг қадди сўроқ белгисига ўхшаб букилиб ётибди.

Энг алам қиладигани, таклиф этилаётган бу лойиҳага русийзабон ўзбек юртдошларимиз ҳам қаттиқ эътироз билдирмоқда. Буни уларнинг рус тилли боғча, рус тилли мактаб, рус тилли олий ўқув юртида ўқиб, ишхонада ҳам ўзбек тилига эҳтиёж сезмаганидан деб биламан. Давлатимиз ўз тилининг ҳурматини жойига қўйиб қўймоқчи бўлганда эса уларнинг руспарастлиги қўзиб қоляпти. Буни ўзбекларда палаги айниш дейилади.

Қайсики давлатнинг тилини ҳурмат қилсанг, ўша мамлакатни ҳурмат қилган бўласан. Аксинча бўлса, ўша мамлакатни писанд қилмаган бўласан. Шу боис, Ўзбекистонда яшаётган ҳар бир фуқаро давлат тилимизни ҳурматини жойига қўйиб қўйиши керак. Миллатидан қатъи назар.

Ўзбек тили юртимизда мулоқот тили бўлиши лозим. Ўзбек тили ўзбекистонлик ҳар бир инсонни руҳан боғловчи кўприкка айланиши учун нима зарур бўлса, давлатимиз ҳам, хақлимиз ҳам ҳамма чораларни кўриши керак. Бу учун маблағу бошқа ресурсларни аямаслик лозим. Бу йўлда, назаримда, ўзбекнинг ҳар бир зиёлиси ҳар қандай эзгу ишга тайёр. Шахсан мен ҳам. Бутун кучимни ҳам, истеъдодимни ҳам, умримни ҳам шу ишга сарф этишга розиман.

Фозил Фарҳод
Ўзбекистон Ёзувчилар уюшмаси
раисининг матбуот котиби
ёзувчи.

Аъзо бўлинг каналга;
https://t.iss.one/Deputatlar_minbari
#ЯҚИН_ТАРИХГА_НАЗАР
БАХРИДДИН АСРОР
#28_апрел_2020_йил

БАХРИДДИН АСРОР;

Мен Адлия вазирлигини қўллаб қувватлайман!

Бундан роппа роса 5 йил аввал (2015 йил, май) Қашқадарёлик олим, юридик фанлар номзоди Тўрабек Хўжаниёзовнинг (у кишини оллох рахматига олсин) «ДАВЛАТ ТИЛИ - МИЛЛАТ ТАҚДИРИ» деб номланган китоблари қўлимга тегди. У кишининг фарзанди Зилола Хўжаниёзова совға қилган эди.

Китобни бугунга қадар 3-4 марта ўқиганман.
Китобда тилимизнинг оғир инқирозининг сабаблари, ижтимоий сиёсий оқибатлари чуқур тарихий фактларга асосланган таҳлиллар билан мардона ёритилган.

Китобда миллатлар тилига ҳуқуқий мақомнинг бўлмаганлиги туфайли ўша миллат тили ва маданияти зарар кўрибгина қолмаганлиги фактлар билан ёритилган.

Миллатларнинг тенг ҳуқуқлилик принципига жиддий зиён етказилгани аччиқ қилиб ёзилган.

Аҳолининг миллий тилига ўз ҳуқуқий мақомининг йўқлиги учун улар ҳурматининг қадрсизланиши ва рус тили обрўсининг ошишига сабаб бўлгани, ерли халқ тили эътиборсиз даражага тушиб қолгани каби оқибатлар келтириб ўтилган.

Китобдан:

«... Хатто кўчиб келган славян оғаларимиз маҳаллий халқ тили, маданиятига менсимаслик даражасида муносабатга ўта бошладилар.

"Бизга у тилни ўрганишга зарурати қолибдими?" (А зачем собственно, его знать),-деган фикрлар пайдо бўлди...»

Бу китоб яқин тарихда ёзилган бўлсада, китоб муҳокамаси вақтида айрим олимлар китоб муаллифи "қози домла" нинг фикрларидан чўчишган ҳолатлари бўлган.

Зилола шу китобнинг электрон вариантини қилиб, интернет сайтларига жойлаштирса яхши бўларди. Кўпчилик ўқийдиган илмий ва оммабоп нашр сифатида тавсия қиламан.

Аъзо бўлинг каналга;
https://t.iss.one/Deputatlar_minbari
ДОНИЁР ҒАНИЕВ;

BALKI KEYINGI YALPI YIG'ILISHGA QADAR BOSHQA DEPUTATLARIMIZDA HAM G‘URUR, MILLAT VA ONA TILGA B’OLGAN MUHABBAT HISLARI UYG’ONIB QOLAR.

“Davlat tili to’g’risida”gi qonun ijrosini ta’minlashning samarali mexanizmi ishlab chiqilishi zarur.

Bugun “Davlat tili to’g’risida”gi qonun loyihasining 2-o’qish muhokamasi davom etib, loyiha moddama-modda ko’rib chiqildi.

Garchi muhokamalar jarayonida davlat tili himoyasi yuzasidan bildirgan keskin va qat'iy fikrlarim ko'pchilikka yoqmagan bo'lsada, lekin qonun loyihasini takomillashtirish bo’yicha o’zimni bir qator takliflarimni qonun loyihasida aks ettirishga erishdim. Jumladan, qonun loyihasining nomi, davlat organlaridan boshqa tashkilotlarda ham ish yuritish davlat tilida olib borilishi, rasmiy qabul va boshqa tadbirlar faqat davlat tilida o’tkazilishi kabi asosiy takliflarim qabul qilindi.

Lekin shu bilan birga, afsuski loyihaning 12-moddasi yuzasidan yakuniy kelishuvga erisholmadik. Qo’mita taklifiga ko’ra, davlat organlariga murojaatlar davlat tilidan boshqa tillarda ham qilinishi mumkinligi hamda murojaatlarga javob mumkin qadar murojaat qilingan tilida qilinishi belgilangan.

Tabiiyki, men bu normaga qat’iy qarshiman. Chunki davlat tili o’z nomi bilan davlatning fuqarolar bilan rasmiy muloqot tili bo’lishi kerak.

Fuqarolarning o’zaro shaxsiy muloqot tilini erkin tanlash huquqini kafolatlash bilan bir qatorda ularning davlat organlari bilan rasmiy muloqoti davlat tilida bo’lishi muhim. Aks holda davlat tilini tushunish va o’rganish ehtiyoji hech qachon yaratilmaydi. Davlat tilidan kundalik hayotda foydalanishda ehtiyoj yaratilmas ekan, iste’molda u xuddi hozirgi kabi doimo ikkinchi darajali til bo’lib qolaveradi.

Muhokama davomida aytilgan fikrlar va tortishuvlar, shuningdek, yig’ilish oldi deputatlar orasida qilingan targ’ibot va muzokaralarga qaramay, ming afsuski yetarli sondagi deputatlarni biz ilgari surgan taklifni ma’qullashga ko’ndirolmadik. Lekin qo’mita taklif etgan tahrir ham yetarli ovoz ololmadi. Demak hali umid bor. Balki keyingi yalpi yig’ilishga qadar boshqa deputatlarimizda ham g’urur, millat va ona tilga bo’lgan muhabbat hislari uyg’onib qolar.

Garchi qonun loyihasida asosiy takliflarim qabul qilingan bo’lsada, lekin qonunning amaliyotda tatbiq etilishi va uning ijrosi ta’minlanishi meni xavotirga solmoqda. Chunki, qonunchiligimizda davlat tili to’g’risidagi qonun hujjatlarini buzishga oid holatlarni aniqlash, oldini olish, nazorat qilish va ma’muriy bayonnomalarni tuzishning aniq mexanizmlari ishlab chiqilmagan.

MJtKning 42-moddasida davlat tilini mensimaslik ma’muriy javobgarlikka sabab bo’lishi belgilangan bo’lsada, lekin amaldagi tartibga ko’ra davlat tili to’g’risidagi qonunga rioya etilishi ustidan nazorat etish, aniqlangan qonun buzilish holatlari yuzasidan ma’muriy yoki intizomiy javobgarlik to’grisida ish qo’zg’atish faqatgina prokuratura organlari tomonidan amalga oshiriladi.

Prokurorlarning nazorat predmet doirasi kengligi va ish hajmining kattaligi inobatga olinsa, amaliyotda davlat tiliga oid qonun hujjatlari buzilish holatlarini aniqlash yoki qonun buzilayotganligi to’g’risidagi shikoyatlarni o’rganish prokurorlar ish rejasining oxirida qolib ketishi aniq. Birgina oxirgi 4 yil davomida bu turdagi ma’muriy javobgarliklar soni atiga bir nechtani tashkil etgani o’ylashimcha fikrimni tasdiqlaydi.

Shu bois, davlat tiliga oid qonun hujjatlariga rioya etilishi ustidan samarali nazorat o’rnatishni ta’minlash maqsadida aniqlangan qonun buzilishlari bo’yicha ma’muriy huquqbuzarlik to’g’risida bayonnoma tuzish vakolati aniq bir vakolatli organga yuklatilishi muhim. MJtKga tegishli o’zgartirishlar kiritish orqali davlat tilida ish yuritish talablarini buzganlik holatlari aniqlangan taqdirda deylik Adliya vazirligi (yoki boshqa tegishli vakolatli organ) mansabdor shaxslari tomonidan ma’muriy bayonnoma tuzilib, sudga yuborish tartibi belgilanishi lozim.

Аъзо бўлинг каналга;
https://t.iss.one/Deputatlar_minbari
УМИДАХОН ЗОКИРОВА;

Лақмалик мусулмонга хос ишмас!

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам: «Ҳар бир эшитган нарсасини гапиравериш кишининг ёлғончилигига кифоя қилади», дедилар».

Муслим ривоят қилган.

Инсон қалби яхшиликка мойил.

Ҳар бир инсоннинг кўнглида меҳр бор: гоҳи ошкор, гоҳида яширин.

Ҳамманинг онгида яхши фикр бор, амалга ошириш учун уни ниятга айлантиради.

Одамзотнинг руҳиятида эзгу ишларга рағбат бор, ҳаракатлари қилган амалларида кўринади.

Яхши ниятларингиз Сизни хам эзгу ишларга рағбатлантирсин.

Қалб гўзаллиги!

Қалб гўзаллиги - бу ички гўзалликдир.
Қалб гўзаллиги ўз-ўзидан инсонни янада гўзаллаштиради.

Қалбни нималар гўзаллаштиради?

Хасад қилишни тўхтатинг.
Хасад вақтни бекорга кетгазишдир. Хасад қилиш ўрнига, фақат ўз мақсадларингиз томон ҳаракат қилинг. Ҳаётингизга ижобий ўзгаришлар киритинг. Хасад сизни пастга олиб тушади, ҳавас эса юқорига кўтарилишингизга ёрдам беради.

Ўтмишдаги муоммо ва хафагарчиликларни унутинг. Утмишдаги хато ва камчиликлар, алам ва нафрат билан хозирги ширин бахтингизни бахтсизликга айлантирманг.

Кимларнидир ёмон кўрманг. Кечиришни ва кечиримли бўлишни ўрганинг. Бу бахтга етакловчи энг асосий йўлдир.

Ҳеч кимни айбламанг, жавобгарликни ўзингизга олишни ўрганинг. Сизнинг бахтли ёки бахтсизлигингиз учун, ўзингиздан бўлак ҳеч ким жавобгар эмас.

Миннатдор бўлинг.
Ҳар бир дақиқадан миннатдор бўлишни билинг. Миннатдорлик янада кўпроқ хурсандчиликлар сабабчисидир

Хайрли тонг жаннат юзли калбдошларим

Сенга нисбатан қилган ишлари сабабли, ҳеч кимдан ғазабланма! Аксинча хиёнат қилганларга ташаккур эт, садоқатни ўргатганлари учун...

Ёлғончилардан миннатдор бўл, тўғриликни ажрата олишни ўргатганлари учун...
Сени бахтсиз қилганларнинг ҳақларига дуо қил, сенга бахтиёрликни кўпроқ ҳис эттирганлари учун...
Ҳар кимни сев, ҳаётингга бир маъно бахш этгани учун...
Ҳаёт шу сабаб яна ҳам гўзал, қоралар оқни ажратиб бергани учун...

Жалолиддин Румий.

Аъзо бўлинг каналга;
https://t.iss.one/Deputatlar_minbari
This media is not supported in your browser
VIEW IN TELEGRAM
РАЪНО ЯРАШЕВА;

Байтуллоҳни тавоф этишдан ортиқ бахт борми?

Аллоҳнинг уйига борганларнинг севинчи, ҳаяжони, соғинчи қандай?

"ЖИМ ТУРИНГ" лойиҳасининг навбатдаги меҳмони ушбу бахтни чинакам тотган Раъно Ярашева.

Аъзо бўлинг каналга;
https://t.iss.one/Deputatlar_minbari
#ИБРАТ
#ОНАХОН

Кафтдек ердан катта даромад олиш сирлари.

Айни пайтда иссиқхонамизда 50 туп лимон, 25 туп апельсин, 25 туп мандарин, 3 туп киви, папая ва бошқа ўсимликларни парвариш қилмоқдамиз. Ўтган йили илк бор лимон ҳосилини бозорга чиқардик. Бу йил насиб қилса, оладиган даромадимиз янада ошади деган умиддамиз.
https://uzlidep.uz/news-of-party/8948

#uzlidep #tomorqa #Jizzax

Аъзо бўлинг каналга;
https://t.iss.one/Deputatlar_minbari
МУҚАДДАС ТИРКАШЕВА;

Ассалому алайкум Азизларим!

Роббимнинг марҳамати ила берилган яна бир янги тонг, янги кун барчамизга муборак, хайрли бўлсин!

Илохим хар бирингизнинг кўнглингиз
ХОТИРЖАМЛИКни,
Юзингиз ТАБАССУМни,
Хонадонингиз БАРАКАни,
Ҳамёнингиз ДАРОМАДни,
Қалбингиз ИЙМОНни,
Танингиз САЛОМАТЛИКни,
Юрагингиз МЕҲРни йўқотмасин!

Кунингиз эзгу амаллар ила мазмунли ва файзли ўтсин!

Аъзо бўлинг каналга;
https://t.iss.one/Deputatlar_minbari
Депутатлар минбари.
ТУРСУНОЙ МУРАТОВА; Аъзо бўлинг каналга; https://t.iss.one/Deputatlar_minbari
ТУРСУНОЙ МУРАТОВА;

АССАЛОМУ АЛАЙКУМ АЗИЗЛАР!

Янги тонг муборак бўлсин!

• Тонгни соғиниб кутиб, хушнуд қарши олиш катта Бахт! Чунки...
•Тонг - кунимизнинг яхши нияту режаларга бой бир бўлаги...

Аллоҳ ушбу тонгда муродимизни хосил, мушкулимизни осон қилсин, қилган яхши ниятларимизни ижобат айлаб, хайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин..

Ота-онамиз, фарзандларимиз, оиламиз ва яқинларимизни Ўз паноҳида асрасин..!!

Бошланган янги кунимиз омадли ва файзли бўлсин!
Ўзингизни ва яқинларингизни эҳтиёт қилинг.

Аъзо бўлинг каналга;
https://t.iss.one/Deputatlar_minbari
Депутатлар минбари.
ЖАХОНГИР ЗИЯЕВ; Аъзо бўлинг каналга; https://t.iss.one/Deputatlar_minbari
ЖАХОНГИР ЗИЯЕВ;

Бир юртда яшаб туриб, ўша халқ тилини билмаслик:

Биринчидан - ўша халққа нисбатан ҳурматсизлик.

Иккинчидан - ўша халқдан ўзини устун қўйиш.

Учинчидан – ғирт нодонлик!

Ўткир Ҳошимов.

Ассалому алайкум.

Бугун Рамазон ойининг ўн олтинчи куни.

Аъзо бўлинг каналга;
https://t.iss.one/Deputatlar_minbari
Депутатлар минбари.
МУБОРАК АХМЕДОВА; Аъзо бўлинг каналга; https://t.iss.one/Deputatlar_minbari
МУБОРАК АХМЕДОВА;

АССАЛАМУ АЛАЙКУМ.

ХАЙРЛИ КУН АЗИЗ ЮРДОШЛАР!

Сизга Аллоҳдан хонадонингиз аҳиллиги-тинчлиги давомли
бўлишини;

Ўзингиз, ота-онангиз ва сизга азиз бўлган барча яқинларингизни мағфират қилишини сўрайман!

Аллоҳ ҳар бир тонгни саодат ила қарши олишингизни насиб қилсин!

Охиратда тутган рўзангиз сизни Райён дарвозасидан жаннатга олиб кирсин!

Амийн!

РАМАЗОН ОЙИ МУБОРАК БЎЛСИН!

Аъзо бўлинг каналга;
https://t.iss.one/Deputatlar_minbari
ЛЕЙЛИ СЕЙТОВА;

Xonimlar va janoblar!

Men bu postini nizo uchun emas, balki davlat tilida davlat organlariga majburiy murojaat qilish to'g'risidagi normaga nisbatan davlat tili to'g'risidagi Qonunning yangi tahririda bitta maqolani rad etgan bir qator deputatlarni qo'llab-quvvatlayman.

Men rus tilida yozaman, chunki u mening ish tilim. Hech kim davlat tilining maqomiga tajovuz qilmaydi, bu birinchi navbatda.

Ikkinchidan, mamlakat aholisining 90% ga yaqini o'zbek xalqi vakillari, shuning uchun ham davlat tillaridagi murojaatlarning aksariyati, ya'ni hech qanday muammo yo'q.

Uchinchidan, mamlakatimizning chet eldagi elchixonalari TIV davlat organining bir qismi ekanligini unutmang, shuning uchun investorlar o'zbek tilida yozishlari kerakmi?

Shuning uchun biz davlatimiz rahbarining qulay investitsiya muhitini yaratish siyosatini sabotaj qilish haqida gapiramiz. Bag'rikenglik, g'oya - "O'zbekiston bizning umumiy uyimiz" va boshqalar haqida gapirmayapman.

Hayotning o'zi asta-sekin aholi o'zbek tilini, keyin esa mentalitetni bilishiga olib keladi

Дамы и господа!

Я пишу этот пост не ради спора, а просто поддержать ряд депутатов, которые отклонили одну статью в новой редакции Закона о государственном языке относительно нормы об обязательном обращении в государственные органы на государственном языке.

Пишу на русском языке, так как он мой рабочий язык. Никто не посягает на статус государственного языка, это во-первых.

Во-вторых, около 90% населения страны представители узбекской нации, поэтому и так подавляющее большинство обращений на госязыке, то есть, проблемы нет вообще.

В-третьих, не забывайте, что Посольства нашей страны за рубежом это часть государственного органа МИД, а значит и инвесторы должны писать на узбекском?

Следовательно речь идет о саботировании политики Главы государства на создание благоприятного инвестиционного климата. Не говорю о толерантности, идеи - "Узбекистан наш общий дом" и т.д. И последнее.

Сама жизнь постепенно приводит к тому, что население знает узбекский язык, далее, ментальность узбекского народа - это уважение и терпимость, и нация Узбекистана - это все граждане страны, особенно, в период глобализации.

С уважением, берегите себя, все будет хорошо!

Аъзо бўлинг каналга;
https://t.iss.one/Deputatlar_minbari