🇺🇿 “BIRINCHI QO‘NG‘IROQ” – YANGI O‘QUV YILIGA QADAM

✅ Denov tumanidagi 100-sonli umumiy o‘rta ta’lim maktabida yangi o‘quv yili tantanalari – “Birinchi qo‘ng‘iroq” tadbiri katta shodu-xurramlik bilan o‘tkazildi. “Vatan uchun, millat uchun, xalq uchun!” shiori ostida tashkil etilgan ushbu bayram o‘quvchilar, ota-onalar va ustozlar uchun haqiqiy quvonchga aylandi.

✅ Tadbirda 36691-Harbiy qism komandiri Ibrat Masharipov, Denov tumani Adliya bo‘limi boshlig‘i Begali Xidirov, A.Jomiy MFY raisi Bahodir Mirzayevlar ishtirok etdi. 36691-Harbiy qism Faxriy Qorovuli va harbiy Orkestr jamoalarining chiqishlari tadbir ishtirokchilarida katta taassurot qoldirdi.

✅ Tadbir davomida 1-sinf o‘quvchilariga "Prezident sovg‘alari" tantanali ravishda topshirildi. Shundan so‘ng Harbiy qism komandiri I.Masharipov "Jasorat sinfi" o‘qucilariga bir soatlik dars mashg‘uloti o‘tib, o‘qucilar bilan suhbat olib bordi.

📣 DENOV TUMANIDA DAVLAT MAKTABGACHA TA’LIM TASHKILOTI DIREKTORLARI ISHTIROKIDA O‘QUV AMALIY SEMINAR O‘TKAZILDI

✅ Joriy ylning 5-sentabr kuni tumandagi Davlat maktabgacha ta’lim tashkilotlari direktorlari, direktor o‘rinbosarlari hamda tegishli mas’ul xodimlari ishtirokida o‘quv amaliy seminar o‘tkazildi.

✅ Seminarda Surxondaryo viloyati maktabgacha va maktab ta’limi boshqarmasi mutaxassis xodimlari ishtirok etishib, O‘zbekiston Respublikasi Maktabgacha va maktab ta’limi vaziri tomonidan 2025-yil 29-avgust kuni “Maktabgacha ta’lim tashkiloti va pedagoglarning ish hujjatlarini tasdiqlash to‘g‘risida” 323-sonli buyrug‘i mazmun mohiyati bilan seminar ishtirokchilarini tanishtirdi.

✅ Ushbu seminardan asosiy maqsad — pedagoglar ish faoliyatini samarali tashkil etish, ish yuritish jarayonlarini tartibga solish va ortiqcha qog‘ozbozlikka chek qo‘yishdir.