#Bilasizmi

🔰 Ko‘chmas mulk sotish yoki sotib olishda "Ko‘chmas mulk tarixi haqida ma’lumot" olish xizmatidan foydalanib, mulkka nisbatan amaldagi va avvalgi huquqlar, mulk davlat ro‘yxatiga qachon kiritilgani, huquqni tasdiqlovchi hujjatlar turi, kim tomonidan berilgani, sanasi va raqami haqidagi ma’lumotlarni bilib olish mumkin.

📄Ma’lumotnomani olish uchun davlat xizmatlari markaziga kelib murojaat etish, yoki Yagona interaktiv davlat xizmatlari portalida (YIDXP) yoki O‘zbekiston Respublikasi Iqtisodiyot va moliya vazirligi huzuridagi Kadastr agentligining davreestr.uz veb-saytida ro‘yxatdan o‘tish kerak.

🏢Davlat xizmatini ko‘rsatuvchi vakolatli organ(lar):
O‘zbekiston Respublikasi Iqtisodiyot va moliya vazirligi huzuridagi Kadastr agentligi Davlat kadastrlari palatasining hududiy boshqarmalari.

💰Davlat xizmatini ko‘rsatganlik uchun undiriladigan yig‘im miqdori:
BHMning 50 foizi. Davlat xizmatini ko‘rsatish uchun YIDXP orqali murojaat etilganda, yig‘im summasining 90 foizi undiriladi.

🗓Davlat xizmatini ko‘rsatish muddati: 3 ish kuni.

Asos: O‘zbekiston Respublikasi Vazirlar Mahkamasining 2023-yil 14-avgustdagi 380-son qarori.

Kanalga ulanish👇👇👇
https://t.iss.one/davxizmat

#Bilasizmi

Sport pasportini olish tartibi qanday?

Ariza beruvchi davlat xizmatidan foydalanish uchun davlat xizmatlari markaziga o‘zi kelib murojaat qiladi yoki elektron tarzda Yagona interaktiv davlat xizmatlari portali (YIDXP) tizimidan ro‘yxatdan o‘tadi.

🏢Davlat xizmatini ko‘rsatuvchi vakolatli organ: O‘zbekiston Respublikasi Sport vazirligi.

💰Davlat xizmatini ko‘rsatganlik uchun undiriladigan yig‘im miqdori: BHMning 1/6 (oltidan bir) qismi.
▫️Ariza YIDXP orqali taqdim etilganda, ariza beruvchidan davlat xizmatlari markazlari orqali murojaat etganda to‘lanadigan summaning 90 foizi miqdorida yig‘im to‘lanadi.
▫️“Ijtimoiy himoya yagona reyestri” axborot tizimida ro‘yxatga olingan, shuningdek, I va II guruh nogironligi bo‘lgan shaxslarga yig‘im miqdorining 50 foizi undiriladi.

🗓Davlat xizmatini ko‘rsatish muddati: 7 kun.

📌Sport pasportining amal qilish muddati 5 yil.

📑Davlat xizmatidan foydalanish uchun 16 yoshga to‘lmagan shaxslarning elektron shaklda 3x4 o‘lchamli oq fondagi fotosuratini elektron nusxasini tayyorlab qo'yish maqsadga muvofiq.

✔️ Izoh: sport pasporti — yagona namunadagi hujjat bo‘lib, sportchining jismoniy tarbiya va sport tashkilotiga mansubligini hamda uning sport malakasini tasdiqlaydi.

Asos: O‘zbekiston Respublikasi Vazirlar Mahkamasining 2023-yil 24-iyuldagi 309-son qarori.

Kanalga ulanish👇👇👇
https://t.iss.one/davxizmat

🚀 Davlat xizmatlaridan foydalanish yanada oson bo'ladi!💻

“O‘ZBEKISTON — 2030” Strategiyasiga asosan YIDXPda joriy etilgan davlat xizmatlari “3 qadam” tamoyili asosida soddalashtirilmoqda.

🔺Rejalar qanday?
Joriy yilning 23 oktabr kuni kommunal sohadagi davlat xizmatlaridan foydalanish jarayonlarini soddalashtirish masalalari Adliya vazirligi, Raqamli texnologiyalar vazirligi va vakolatli organlarning mas'ul xodimlari ishtirokida muhokama qilindi.
Muhokama natijasida davlat xizmatidan foydalanishni yanada avtomatlashtirish va talab qilinadigan hujjatlarni qisqartirishga kelishib olindi.

⏳Tez orada xizmatlarning yangi talqinidan foydalanish imkoniyati yaratiladi.

✔️Hozirgi vaqtga qadar 100 dan ortiq ommabop davlat xizmatlaridan foydalanish jarayonida talab etiladigan ortiqcha ma'lumotlar olib tashlandi. Bu esa fuqarolarga davlat xizmatlaridan yanada qulay va tezkor foydalanish imkoniyatini bermoqda.

Kanalga ulanish👇👇👇
https://t.iss.one/davxizmat

#OAV_biz_haqimizda

Axborot 24 | Sayyor qabulda aholi murojaatlari hal etilmoqda

Kanalga ulanish👇👇👇
https://t.iss.one/davxizmat

#Bilasizmi

🔰“Hunarmand” uyushmasi a’zosi bo‘lgan va tadbirkor sifatida davlat ro‘yxatidan o‘tgan shaxslar internet saytlarini tashkil etish, o‘z mahsulotlarini jahon elektron savdo maydonchalariga chiqarish yoki reklama xarajatlarni qoplash uchun subsidiya ajratish bo‘yicha tavsiya berishni so‘rab o‘zining doimiy yashash manzilidagi hokim yordamchisiga yozma, “Onlayn mahalla” elektron platformasi yoki Yagona interaktiv davlat xizmatlari portali orqali elektron ariza bilan murojaat qilishi mumkin.

🏢Davlat xizmatini ko‘rsatuvchi vakolatli organ: Tuman (shahar) Kambag‘allikni qisqartirish va bandlikka ko‘maklashish bo‘limlari.

💰Davlat xizmatini ko‘rsatganlik uchun undiriladigan yig‘im undirilmaydi

📌Mahalliy mehnat organi usta va dasturchi o‘rtasida tuzilgan shartnomada ko‘rsatilgan umumiy summaning:
1 — 3-toifadagi tuman (shahar)lar uchun xarajatlarning 50 foizi, biroq bazaviy hisoblash miqdorining yigirma besh baravarigacha,
4-5-toifadagi tuman (shahar)lar uchun xarajatlarning 75 foizi, biroq bazaviy hisoblash miqdorining o‘ttiz baravarigacha bo‘lgan miqdorda subsidiya ajratadi hamda ikki ish kuni ichida subsidiyani ustaning bankdagi hisobvarag‘iga o‘tkazib beradi.

❕Ushbu subsidiya turidan foydalanish huquqi bir marta beriladi.

Asos: O‘zbekiston Respublikasi Vazirlar Mahkamasining 2023-yil 22-iyuldagi 307-son qarori.

Kanalga ulanish👇👇👇
https://t.iss.one/davxizmat

Oʻzbekistondagi Qonunchilik palatasi va mahalliy kengashlarga saylovlarni kuzatishga kelgan Rossiya Davlat dumasi raisi oʻrinbosari Vladislav Davankov bugun Chilonzor tumani davlat xizmatlari markazi faoliyati bilan tanishdi.

Adliya vaziri oʻrinbosari X. Meliyev markazda V. Davankov bilan uchrashuv oʻtkazdi. Tomonlar fuqarolarga muhim masalalarni tez va qulay hal qilishga koʻmaklashadigan raqamlashtirilgan, proaktiv va kompozit xizmatlarni joriy etish masalalarini muhokama qildi.

Taʼkidlanishicha, davlat xizmatlari markazlari orqali 400 ga yaqin turdagi xizmatlardan foydalanish mumkin. Oʻtgan yilning oʻzida markazlar orqali mamlakat aholisiga 13 millionga yaqin davlat xizmatlari koʻrsatilgan.

Bir binoda DXM bilan bir qatorda adliya boʻlimi, bepul huquqiy maslahat beruvchi “Madad” NNT va yuridik xizmat koʻrsatish markazi joylashgani tufayli, fuqarolar barcha huquqiy masalalarni boshqa idoralarga qoʻshimcha tashrif buyurmasdan, joyning oʻzida hal qilish imkoniyatiga ega boʻlmoqdalar.

https://t.iss.one/yuldasheva_shoxidaxon

📢 Yangi davlat xizmati joriy etiladi!

Endilikda to‘lovga qobiliyatsizlik alomati mavjud bo‘lgan korxona rahbari sudgacha sanatsiyani davlat tomonidan yordam ko‘rsatilgan holda o‘tkazish uchun Davlat xizmatlari markazlari yoki Yagona interaktiv davlat xizmatlari portali orqali murojaat qilishlari mumkin bo‘ladi.

✅ Sudgacha sanatsiya – qarzdor yuridik shaxsning muassislari (ishtirokchilari) yoki uning mol-mulki egasi, kreditorlar va boshqa shaxslar tomonidan qarzdorning to‘lov qobiliyatini tiklash hamda to‘lovga qobiliyatsizligining oldini olish uchun ko‘riladigan chora-tadbirlar hisoblanadi.

🏛 Sudgacha sanatsiyani davlat tomonidan yordam ko‘rsatilgan holda o‘tkazish haqidagi qaror Davlat aktivlarini boshqarish agentligi tomonidan qabul qilinadi.

Batafsil ma'lumot

Kanalga ulanish👇👇👇
https://t.iss.one/davxizmat

🚀 Davlat xizmatlaridan foydalanish yanada qulaylashmoqda!💻

“O‘ZBEKISTON — 2030” Strategiyasi doirasida davlat xizmatlari “3 qadam” tamoyili asosida soddalashtirilgan tartibda takomillashtirilmoqda.

🔹 Yangi o‘zgarishlar qanday bo‘ladi?
Joriy yilning 30-oktabr kuni Adliya vazirligi, Raqamli texnologiyalar vazirligi va suv ta’minoti tashkilotlari vakillari ishtirokida suv ta’minotiga oid davlat xizmatlarini soddalashtirish bo‘yicha uchrashuv bo‘lib o‘tdi. Unda suv ta'minoti xizmatlaridan foydalanishni avtomatlashtirish va talab qilinadigan ortiqcha hujjatlarni qisqartirish masalalari muhokama qilindi.

⏳ Tez orada fuqarolar oson, tezkor va byurokratiyadan holi bo'lgan suv ta’minoti xizmatlaridan foydalanish imkoniyatiga ega bo‘ladilar.

Kanalga ulanish👇👇👇
https://t.iss.one/davxizmat

#Bilasizmi

Nogironligi bo‘lgan yoshlarga (o‘n to‘rt yoshga to‘lgan va o‘ttiz yoshdan oshmagan) o‘qish xarajatini qoplash uchun subsidiya ajratish tartibidan xabardormisiz?

Ariza beruvchi subsidiya olish uchun istalgan davlat xizmatlari markaziga murojaat qiladi yoki Yagona interaktiv davlat xizmatlari portalida (YIDXP) davlat xizmatidan elektron tarzda foydalanish uchun ro‘yxatdan o‘tadi.

🏢 Subsidiya O‘zbekiston Respublikasi Yoshlar ishlari agentligi tomonidan ajratiladi.

💰Davlat xizmatini ko‘rsatganlik uchun undiriladigan yig‘im undirilmaydi

📌Agentlikning Yoshlarga oid davlat siyosatini qo‘llab-quvvatlash jamg‘armasi mablag‘lari hisobidan nogironligi bo‘lgan har bir yoshga uning talabiga muvofiq bazaviy hisoblash miqdorining 50 baravarigacha bo‘lgan miqdorda subsidiya ajratiladi.

O‘qish xarajatlari uchun har oyda ajratiladigan subsidiya miqdori:
▫️kasb-hunarga o‘rgatish, kasbiy ko‘nikmalarni shakllantirish, axborot texnologiyalari, kompyuterda dasturlash amaliyoti uchun BHMning besh baravaridan;
▫️umumta’lim fanlari uchun BHMning uch baravaridan;
▫️xorijiy tillarni o‘rgatish uchun BHMning uch baravaridan ko‘p bo‘lmasligi lozim.

❗️Bunda ariza beruvchiga faqat bir turdagi o‘quv kursida 12 oydan oshmagan muddatda o‘qish uchun subsidiya ajratiladi.

Asos: O‘zbekiston Respublikasi Vazirlar Mahkamasining 2022-yil 21-iyundagi 341-son qarori.

Kanalga ulanish👇👇👇
https://t.iss.one/davxizmat

👉 So‘rovnoma

🟡 Sizning fikringiz davlat xizmatlaridan foydalanishni yengillashtirishga sabab bo‘lishi mumkin.

📱 Bugun raqamlashtirish tufayli aholiga 670 dan ortiq davlat xizmatlari onlayn shaklda ko‘rsatilmoqda.

❗️ Shunga qaramay, byurokratik to‘siqlarni kamaytirish, davlat organlari faoliyatining ochiqligini ta’minlash maqsadida amalga oshiriladigan ishlar ko‘p. Bu jarayonda har bir yurtdoshimizning ishtiroki juda muhim. 

🧑‍💻 Ushbu maqsadlarga erishish uchun Sizni qisqa so‘rovnomamizda ishtirok etishga taklif etamiz.

💬💬💬💬💬💬

👉 Опрос

🟡 Ваше мнение может облегчить пользование госуслугами.

📱  Сегодня, благодаря цифровизации, более 670 государственных услуг предоставляются населению онлайн.

❗️Однако, вместе с тем, необходимо проделать большую работу в плане сокращения бюрократических барьеров и обеспечения открытости государственных органов. Участие каждого гражданина в этом процессе очень важно.

🧑‍💻В целях достижения поставленных задач мы приглашаем Вас принять участие в нашем небольшом опросе.

🌐  my.gov.uz | egov.uz
🚀Telegram 🔵 Facebook  ▶️YouTube 📷instagram 🚀 Bot

🆕 Yangi Qulaylik ❗️

Endilikda, giyohvandlik vositalari, psixotrop moddalar va prekursorlarning muomalada bo‘lishi bilan bog‘liq faoliyatni litsenziyalash uchun yuridik shaxslar "Litsenziya" axborot tizimi orqali murojaat qilishlari mumkin bo'ladi 📲.

🔹 Litsenziyalar 🏛 Sog'liqni saqlash vazirligi tomonidan ✅ 5 yil muddatga taqdim qilinadi.

🔜 2026-yil 1-yanvardan boshlab ushbu faoliyatning ayrim kichik turlari ham alohida litsenziyalash tartibiga kiritiladi. Misol uchun:

🚚 Giyohvandlik vositalari, psixotrop moddalar va prekursorlarning olib kirish faoliyati;
🏬 Giyohvandlik vositalari, psixotrop moddalar va prekursorlarni saqlash va realizatsiya qilish faoliyati;
⚙️ Giyohvandlik vositalari, psixotrop moddalar va prekursorlarni ishlab chiqarish, tayyorlash va saqlash faoliyati va boshqalar.

Asos: Vazirlar Mahkamasining 2024-yil 31-oktabrdagi 725-son qarori.

Batafsil ma'lumot


Kanalga ulanish👇👇👇
https://t.iss.one/davxizmat

🌟 Yangi imkoniyatlar "Mening biznesim" modulida! 🆕

🖥 Tadbirkorlik subyektlarini davlat ro‘yxatidan o‘tkazish (new.birdarcha.uz) tizimida yangi “Mening biznesim” moduli joriy etildi. Ushbu modul orqali tadbirkorlar o'z bizneslariga doir bir qator muhim ma’lumotlarni bir joyda olishlari mumkin.

📍Misol uchun:
- Tadbirkorlik subyektlarining umumiy ma’lumotlarini
- Soliq hisobotlari va ma'lumotlarini
- Litsenziya va intellektual mulk ma’lumotlarini
- Ko‘chmas mulk ma’lumotlarini
- Bandlik va YHXX ma’lumotlarini
- Taqiqlar va It park ma’lumotlarini
- Davlat aktivlarini boshqarish agentligi ma’lumotlarini
- Qimmatli qog‘ozlarning markaziy depozitariysi ma’lumotlarini.

Yangi imkoniyatlar yordamida biznesingizni rivojlantirish uchun zarur bo‘lgan barcha ma’lumotlarga tezda ega bo‘ling! 🏢📊

Kanalga ulanish👇👇👇
https://t.iss.one/davxizmat

📢 Yangi qulaylik! Xorijga chiqish biometrik pasporti endi pochta orqali o'zi yetib keladi! 🆕

🔺Buning uchun fuqaro so'rovnoma to'ldirganda xorijga chiqish biometrik pasportini pochta orqali olishni belgilab ketishi kerak. Pasport tayyor bo'lganida maxsus ma’lumotlarni yig‘ish punkti xodimlari tomonidan pochta xizmatiga topshiriladi.

Bu xizmat uchun to‘lov xarajatlari fuqaroning o‘zi tomonidan qoplanadi, va to‘lov miqdorini pochta xizmati belgilaydi.

📩 Pochta xizmati xodimi pasport kelganidan so‘ng foydalanuvchi bilan bog‘lanib, uning manziliga yetkazib beradi. Bunda, Toshkent va viloyat markazlarida bir ish kunida, boshqa hududlarda esa ikki ish kunida yetkazib berish amalga oshiriladi.

❗️ Agar kelishilgan vaqtda manzilda bo‘lmasangiz, xorijga chiqish biometrik pasportini o‘n ish kuni davomida shu hududdagi pochta bo‘limidan olishingiz mumkin bo'ladi.

Asos: 2024-yil 4-noyabrdagi 380-son Prezident qarori

Kanalga ulanish👇👇👇
https://t.iss.one/davxizmat

📍Adliya vaziri o‘rinbosari X.Meliyev Qarshi mahsus prokurori U.Elmurodov bilan birgalikda O‘zbekiston Respublikasi Ichki ishlar vazirligi huzuridagi Jazoni ijro etish departamentining Qarshi shahridagi 4-mintaqaviy muvofiqlashtirish markazi faoliyati bilan tanishdi.

Vazir o‘rinbosari tomonidan ichki ishlar organlarining mas’ul xodimlariga jinoiy huquqbuzarliklar, avf etish va jazoni ijro etish faoliyatiga oid so‘nggi vaqtlarda qabul qilingan qonunchilik hujjatlari bo‘yicha tushuntirishlar berildi.

Shuningdek, huquqni muhofaza qiluvchi organlar faoliyatida, jumladan adliya organlari faoliyatida so‘nggi vaqtlarda amalga oshirilayotgan huquqiy islohotlar va yangi tashabbuslar haqida batafsil ma’lumotlar taqdim etildi.

🦟 Uy-joyingiz termit va boshqa hasharotlardan zararlanganmi?

🆕 Yangi davlat xizmati aynan shuni aniqlashga yordam beradi!

🔶 2025-yil 1-yanvardan boshlab, uy-joylarni termit va hasharotlardan zararlanganlik holatini aniqlash va yashash uchun yaroqsiz deb topish bo‘yicha maxsus davlat xizmati ishga tushadi.

✔️ Bu xizmat tuman va shahar hokimliklari tomonidan tashkil etilgan maxsus komissiyalar orqali ko‘rsatiladi. Yuridik va jismoniy shaxslar xizmatdan foydalanish uchun Davlat xizmatlari markazlariga murojaat qilishi yoki Yagona interaktiv davlat xizmatlari portali orqali elektron tarzda ariza yuborishi mumkin.

Asos: Vazirlar Mahkamasining 2024-yil 4-noyabrdagi 734-son qarori

Kanalga ulanish👇👇👇
https://t.iss.one/davxizmat