#Adliya_xabari

Navoiyda G‘ozg‘on shahar adliya bo‘limi binosi foydalanishga topshirildi.

Mustaqilligimizning 32 yilligi munosabati bilan G‘ozg‘on shahar adliya bo‘limi yangidan qad ko‘tarib, g‘ozg‘onliklar uchun bayramga munosib tuhfa bo‘ldi.

Zamonaviy me’moriy yechimga ega binoda davlat xizmatlari markazi, davlat notarial idorasi, FHDY bo‘limi, yuridik xizmat ko‘rsatish markazi joylashgan. Bu esa g‘ozg‘onliklar uchun juda qulay imkoniyat.

Adliya bo‘limida  G‘ozg‘on shahrining 7 000 nafardan ortiq aholisiga huquqiy xizmat ko‘rsatish uchun barcha shart-sharoitlar mavjud. Barcha xizmatlar elektron navbat orqali yo‘lga  qo‘yilgan. 5 ta xizmat ko‘rsatish oynasida fuqarolarga 300 dan ortiq davlat xizmati ko‘rsatiladi.

@adliyangiliklari

#Adliya_tabrigi

Aziz yurtdoshlar!

Sizlarni xalqimizning eng ulug‘, eng aziz bayrami – O‘zbekiston davlat mustaqilligining 32 yilligi bilan chin qalbdan muborakbod etamiz.

Bugungi qutlug‘ ayyomda barchangizga sihat-salomatlik, oilaviy baxt va xotirjamlik tilaymiz.

Yurtimizda tinchlik bardavom bo‘lsin, xonadonlarimizdan osoyishtalik, ahillik, fayzu baraka hech qachon arimasin.

Hurmat bilan Adliya vazirligi jamoasi

@adliyangiliklari

#Bilasizmi

🏠Ko'chmas mulk sotib olish arafasida bo'lsangiz hamda turli xil noqulay va noxo'sh vaziyatlarga tushmaslikni oldini olishni istasangiz, unda ushbu obyekt buzilishga tushgan yoki tushmaganligi to'g'risida ma'lumotga ega bo'lish foydadan holi bo'lmaydi.

❓Buni qanday amalga oshirish mumkin?

✅Juda oddiy, siz onlayn tarzda – YIDXP (my.gov.uz) yoki oflayn tarzda – Davlat xizmatlari markazi orqali murojaat qilib, ma'lum bir ko'chmas mulk buzilishga tushgan yoki tushmaganligi to'g'risida ma'lumotnoma olishingiz mumkin.

🔢Xizmatdan foydalanish uchun faqatgina ko'chmas mulk obyektining kadastr raqami kerak bo'ladi

👥Xizmatdan jismoniy va yuridik shaxslar foydalanishi mumkin

💰Xizmat narxi - 16 500 so'm (BHMning 5 foizi) miqdorida

⏳Xizmat ko'rsatish muddati – 3 ish kuni

Kanalga ulanish👇👇👇
https://t.iss.one/davxizmat

#Qonunchilikdagi_yangiliklar

Davlat xizmatlarini joylarga chiqqan holda ko‘rsatish tartibi belgilandi

Hukumat qarori (435-son, 31.08.2023 y.) bilan Davlat xizmatlarini joylarga chiqqan holda ko‘rsatishning maʼmuriy reglamenti tasdiqlandi

📝 Reglamentga ko‘ra, davlat xizmatlari Adliya vazirligining Aloqa markaziga (“Call-markaz”) yoki uning rasmiy veb-saytiga murojaat qilish orqali ko‘rsatiladi.

⏳ “Call-markaz” orqali so‘rovnomalar soat 09:00 dan 18:00 gacha ish vaqti davomida qabul qilinadi.

Kanalga ulanish👇👇👇
https://t.iss.one/davxizmat

❕Rasmiy veb-sayt orqali sutkaning istalgan vaqtida murojaat qilinishi mumkin.

☑️ Davlat xizmatlarini ko‘rsatish vaqti Davlat xizmatlari markazlari (vakolatli organ)ning ish vaqti doirasida belgilanadi.

➡️ “Call-markaz” masʼul xodimi ariza beruvchi nomidan so‘rovnomani to‘ldiradi va so‘rovnomadagi maʼlumotlar tasdiqlangandan so‘ng ariza beruvchiga to‘lov invoysini yuboradi.

🗓 So‘ng masʼul xodim ariza beruvchi bilan telefon orqali bog‘lanib, so‘rovnomada ko‘rsatilgan joyga chiqadi hamda maxsus texnik qurilmalar yordamida (planshet yoki kompyuterga o‘rnatilgan daktiloskopiya, printer va boshqalar) davlat xizmatini ko‘rsatadi yoki davlat xizmatlaridan foydalanish uchun ariza yuboradi (so‘rovnomada belgilangan muddatlarda).

💰Davlat xizmatlarini joyiga chiqqan holda ko‘rsatish yoki davlat xizmatlaridan foydalanishga ariza yuborish uchun Toshkent shahrida BHMning 50 foizi, viloyat markazlarida BHMning 40 foizi, tuman (shahar)larda BHMning 30 foizi miqdorida bir martalik to‘lov undiriladi.

❌ O‘zgalar yordamiga muhtoj qariyalar, sog‘lig‘ining holatiga ko‘ra mustaqil harakatlanish imkoniyati cheklangan hamda I va II guruh nogironligi bo‘lgan shaxslarga davlat xizmatlari ko‘rsatilganligi uchun to‘lov undirilmaydi.

❗️Shuningdek, ushbu Reglament quyidagilarga nisbatan tatbiq etilmaydi:

🔸milliy haydovchilik guvohnomasini rasmiylashtirishga;

🔸O‘zbekiston fuqarosi, O‘zbekistonda doimiy yashovchi chet el fuqarosi va fuqaroligi bo‘lmagan shaxsning identifikatsiyalovchi ID-kartasini hamda xorijga chiqish biometrik pasportini rasmiylashtirishga;

🔸jismoniy shaxsning shaxsiy identifikatsiya raqamini berish bo‘yicha davlat xizmatlarini ko‘rsatishga.

Kanalga ulanish👇👇👇
https://t.iss.one/davxizmat

#Litsenziyalash_xizmati

⚡️"Litsenziya" axborot tizimi orqali "Arxitektura-shaharsozlik hujjatlarini ishlab chiqish faoliyati uchun litsenziya" olish mumkin.

🔸Murojaatlar qabul qilinadi:

– "Litsenziya" AT - license.gov.uz;
– YIDXP – my.gov.uz orqali;

🔰Xizmatdan foydalanuvchilar: yuridik shaxslar;

💠Arizani ko‘rib chiqish uchun to‘lanadigan yig‘im miqdori — 990 000 so'm (BHMning 3 baravari)

💸Litsenziya berilganligi uchun davlat boji miqdorlari 👈

⏱Arizani ko‘rib chiqish muddati — 7 ish kuni

🗓Ruxsatnomaning amal qilish muddati: Cheklanmagan

Kanalga ulanish👇👇👇
https://t.iss.one/davxizmat

#OAV_biz_haqimizda

Davlat xizmatlari ko‘rsatishda fuqaro e'tibor markazida tamoyili amal qiladi

Yangilangan Konstitutsiyada mamlakatimizning ijtimoiy davlat ekanligi belgilandi. Ijtimoiy davlat o‘z mohiyatiga ko‘ra, har bir fuqaroning munosib hayot kechirishiga erishishdir.

Bu borada davlat va fuqarolar o‘rtasidagi munosabatlarda alohida o‘rin tutuvchi davlat xizmatlari sohasi rivojlantirilmoqda. Sohada keyingi paytda muhim o‘zgarishlar yuz berdi

O‘zA muxbiri adliya vazirining o‘rinbosari Xudoyor Meliyev bilan shu haqda suhbatlashdi.

Batafsil 👉 https://uza.uz/posts/516898

@adliyangiliklari

#Bilasizmi

💠Elektron raqamli imzoni olish tartibidan xabardormisiz?

❗️Davlat xizmatini ko‘rsatuvchi davlat organi: Yangi texnologiyalar ilmiy-axborot markazi.

📝Davlat xizmatidan foydalanish tartibi:

🔹 DXMga kelgan holda yoki YIDXP (my.gov.uz) orqali so‘rovnoma yuboriladi.

🔹Onlayn tarzda murojaat etilganda:
– pasporti yoki ID-kartaning nusxasi va asosiy sahifasi bilan “selfie” usulida olingan fotosurat.

📌ERIning paroli mobil telefon raqamga “SMS” xabar shaklida yuboriladi.

🔹Yig‘im miqdori:
– yuridik shaxslar va tadbirkorlik subyektlaridan – BHMning 10 foizi;
– jismoniy shaxslardan – BHMning 7 foizi;

✅ “Ijtimoiy himoya yagona reyestri” ATda ro‘yxatga olingan va I va II guruh nogironligi bo‘lgan shaxslarga 50 foizi miqdorida chegirma mavjud

🔹Xizmat ko‘rsatish muddati – real vaqt rejimida.

🔹ERIning amal qilish muddati – 2 yil.

❗️Ma'lumot uchun: Elektron imzo kalitingiz, login va parollaringizni hech qachon birovga bermang. Sizning nomingizdan boshqalar ish koʻrishlarga yoʻl qoʻymang. Oʻzingiz bilmagan holda noqonuniy harakatlarning ishtirokchisiga aylanmang!

⚡️Unutmang! Elektron kalitingiz orqali barcha mol-mulkingiz oʻzlashtirilishi mumkin.

Kanalga ulanish👇👇👇
https://t.iss.one/davxizmat