Давлатобод туманида маданият ва маърифий ойлиги уюшқоқлик билан ўтказилмоқда.

Барчамизга маълумки юртимиз бўйлаб май ойида Ўзбекистон Маҳаллалари уюшмаси, Маданият вазирлиги ҳамкорлигида маданий-маърифий тадбирлар ойлиги ўтказилмоқда.

Давлатобод туманида ҳам 28 та маҳаллада ушбу тадбирлар уюшқоқлик билан ўтказиляпти.

Бугун туманда жойлашган вилоят Маданият марказида Алишер Навоий номидаги вилоят мусиқали драма театри ижодкорларидан, маҳаллаларда самарали фаолият олиб бораётган маҳалла раислари, ҳоким ёрдамчилари, ёшлар етакчилари, хотин-қизлар фаоллари шунингдек маҳаллаларда фаолликни қўлдан бермай келаётган фаоллар учун "Ибрат" трагедияси хавола этилди. Исҳоқхон Ибрат – жадидчи, ёзувчи, маърифатпарвар шоир, таржимон-полиглот, тилшунос, тарихшунос бўлган. У юнон, инглиз, турк, араб, форс, ҳинд, урду ва рус тилларини мукаммал даражада билган.

Спектакл давомида Ибратнинг ижодий фаолияти, тахликали ҳаёт йўли актёрлар томонидан мохирона ижро этилди.

Шунингдек йиғилганларга Маданият маркази томонидан куй қўшиқлар ҳавола этиб барчани мамнун этишди.

Давлатобод тумани ҳокимлиги Ахборот хизмати

Sayt|Telegram|Facebook| Instagram| X|YouTube|Murojaat|Guruh