#Конституцияга_30_йил

✅ Ҳамма учун виждон эркинлиги кафолатланади. Ҳар бир инсон хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди.

Ўзбекистон Республикаси Конституцияси, 31-модда

#Конституцияга_30_йил

✅ Мулкдор мулкига ўз хоҳишича эгалик қилади, ундан фойдаланади ва уни тасарруф этади. Мулкдан фойдаланиш экологик муҳитга зарар етказмаслиги, фуқаролар, юридик шахслар ва давлатнинг ҳуқуқларини ҳамда қонун билан қўриқланадиган манфаатларини бузмаслиги шарт.

❕Ер, ер ости бойликлари, сув, ўсимлик ва ҳайвонот дунёси ҳамда бошқа табиий захиралар умуммиллий бойликдир, улардан оқилона фойдаланиш зарур ва улар давлат муҳофазасидадир.

Ўзбекистон Республикаси Конституцияси, 54-, 55-моддалар

Каналга уланиш👇👇👇
https://t.iss.one/huquqiyaxborot

#Конституцияга_30_йил

✅ Президент:

▫️республика олий ҳокимият ва бошқарув органларининг баҳамжиҳат ишлашини таъминлайди;

▫️давлат бошқаруви органларининг ва ҳокимларнинг қабул қилган ҳужжатларини қонунчилик нормаларига номувофиқ бўлганда тўхтатади, бекор қилади;

▫️қонунларни имзолайди ва эълон қилади;

▫️Ўзбекистонга ҳужум қилинганда ёки тажовуздан бир-бирини мудофаа қилиш зарурияти туғилганда уруш ҳолати эълон қилади;

▫️фавқулодда вазиятлар юз берганда фавқулодда ҳолат жорий этади.

Ўзбекистон Республикаси Конституцияси, 93-модда

#Конституцияга_30_йил

✅ Вилоятлар, туманлар ва шаҳарларда ҳокимлар бошчилик қиладиган халқ депутатлари Кенгашлари ҳокимиятнинг вакиллик органлари ҳисобланади.

🔰Маҳаллий ҳокимият органлари ихтиёрига қуйидагилар киради:

▫️қонунийликни, ҳуқуқий-тартиботни ва фуқароларнинг хавфсизлигини таъминлаш;
▫️ҳудудларни иқтисодий, ижтимоий ва маданий ривожлантириш;
▫️маҳаллий бюджетни шакллантириш ва уни ижро этиш, маҳаллий солиқлар, йиғимларни белгилаш, бюджетдан ташқари жамғармаларни ҳосил қилиш;
▫️маҳаллий коммунал хўжаликка раҳбарлик қилиш;
▫️атроф-муҳитни муҳофаза қилиш;
▫️фуқаролик ҳолати актларини қайд этишни таъминлаш;
▫️норматив ҳужжатларни қабул қилиш.

Ўзбекистон Республикаси Конституцияси, 99-, 100-моддалар

#Конституцияга_30_йил

🔰 Фуқаролар давлат ҳокимияти вакиллик органларига сайлаш ва сайланиш ҳуқуқига эгадирлар.

❗️Ҳар бир сайловчи бир овозга эга.

✅ Овоз бериш ҳуқуқи, ўз хоҳиш иродасини билдириш тенглиги ва эркинлиги қонун билан кафолатланади.

📝 Сайловлар умумий, тенг ва тўғридан-тўғри сайлов ҳуқуқи асосида яширин овоз бериш йўли билан ўтказилади.

🗒 18 ёшга тўлган фуқаролар сайлаш ҳуқуқига эга.

Ўзбекистон Республикаси Конституцияси, 117-модда

Каналга уланиш👇👇👇
https://t.iss.one/huquqiyaxborot