"Янги Ўзбекистон" боғи қурилиш ишлари кўздан кечирилди

Давлатобод туманида мамлакатимизнинг янгича қиёфасини намоён этувчи янги лойиҳа амалга оширилмоқда. Туманнинг 65 гектар майдонида замонавий, кўркам ва кўнгилочар "Янги Ўзбекистон" боғи барпо этилмоқда. Ушбу лойиҳа мамлакатимизда амалга оширилаётган кенг қамровли ижтимоий-иқтисодий ислоҳотлар ва урбанизация жараёнларининг ёрқин намунасидир.

Лойиҳа доирасида боғнинг ички инфратузилмаси ва дизайни замонавий талаблар ва экологик стандартларга мувофиқ равишда ишлаб чиқилди. Боғ ҳудуди бир неча қисмга бўлинади: дам олиш зонаси, маданий тадбирлар майдони, спорт майдончалари ва болалар ўйин зонаси. Ҳар бир қисмда замонавий услубдаги боғ ва хиёбонлар, фавворалар, сайр йўлаклари ва яшил майдонлар ташкил этилади. Бундан ташқари, лойиҳа доирасида сунъий кўл, аттрационлар ва очиқ ҳавода кино кўрсатиш жойлари ҳам қурилиши режалаштирилган. "Янги Ўзбекистон" боғи Наманган вилоятининг диққатга сазовор жойларидан бирига айланиши кутилмоқда. Боғнинг очилиши туризм салоҳиятини оширишга, янги иш ўринлари яратишга ва аҳолининг маданий ҳордиқ чиқариш имкониятларини кенгайтиришга хизмат қилади.

Давлатобод тумани ҳокимлиги Ахборот хизмати

➡️ Sayt | Telegram | Facebook | Instagram | X | YouTube | Murojaat | Guruh

Bo‘sh ish o‘rinlari mehnat yarmarkasi o‘tkazildi

Davlatobod tuman Madaniyat markazi binosida ishsiz yoshlar hamda jazo muddatini o‘tab qaytganlar uchun bo‘sh ish o‘rinlari mehnat yarmarkasi o‘tkazildi.

Mazkur mehnat yarmarkasiga 30 nafar fuqaro jalb etildi, ular orasida bugungi kunda bandligi taʼminlanmagan ishsiz yoshlar, xotin-qizlar hamda Probatsiya hisobidagi shaxslar ham bor.

Unda tumandagi 15 ta tashkilot, muassasa va yirik ishlab chiqarish korxonalari o‘zlaridagi 268 ta mavjud bo‘sh ish o‘rinlarini taklif etishdi. Ishtirokchilarning 2 nafariga ishga joylashish uchun yo‘llanmalar berildi.

➡️ Sayt | Telegram | Facebook | Instagram | X | YouTube | Murojaat | Guruh

Исъҳоқхон Ибрат номидаги Наманган Давлат чет тиллар Институти яқин кунларда фойдаланишга топширилади

5 гектар майдонда курилиш ишлари олиб борилаётган олийгоҳ ўз ичига 1000 ўринли ўқув биноси, 400 ўринли талабалар тураржойи, 100 ўринли Ахборот кутубхона маркази ҳамда 250 ўринли фаоллар залини ўз ичига олади.

Институтда жаҳон тиллари факультети, 6 та кафедра ва 16 та таълим йўналиши бор. Ҳозирда икки босқичда 1 минг 523 нафар талаба сабоқ олмоқда. Келгуси йилларда уларнинг сони яна ортади.

Давлатобод тумани ҳокимлиги Ахборот хизмати

➡️ Sayt | Telegram | Facebook | Instagram | X | YouTube | Murojaat | Guruh