#yoshlarkuni #30iyun #yoshlarbilan

Наманганда Ёшлар байрамига "Ёшлар юриш марафони" билан старт берди

Эрта тонгдан илк тадбир "Янги Ўзбекистон ёшлари бирлашайлик" шиори остида саломатлик учун беш минг қадам ташлашдан бошланди. Унда вилоят ёшлар ишлари бошқармаси бошлиғи, Наманган шаҳар, Давлатобод ва Янги Наманган туманлари ҳоким ўринбосарлари, нуронийлар вакиллари, Жасорат мактаби иштирокчилари, ҳарбийлар ҳамда минглаб ёшлар соғлом турмуш тарзи учун қадам босишди.

Маълумот учун, мунтазам пиёда юриш — қон босимини меъёрлаштиради, кайфиятни ва организмнинг умумий ҳолатини яхшилайди. Бундан ташқари, холестерин миқдорини меъёрлаштиради.

Кун давомида 30-июн ёшлар куни муносабати билан турли лойиҳа ва тадбирлар ўтказилиши режалаштирилган.

➡️ Sayt | Telegram | Facebook | Instagram | X | YouTube | Murojaat | Guruh

#yoshlarkuni #30iyun #yoshlarbilan

Давлатобод туманида Ёшлар куни кенг нишонланмоқда

Давлатобод туманида жойлашган Наманган муҳандислик-технология институтида 30-июнь куни Ёшлар куни муносабати билан "Янги Ўзбекистон ёшлари, бирлашайлик!" шиори остида йирик ёшлар фестивали ўтказилди.

Тадбирда институтнинг ёшлар масалалари ва маънавий-маърифий ишлар бўйича биринчи проректори Маъруфжон Қаюмов нутқ сўзлаб, барча ёшларни бугунги байрам билан табриклади. У ўз нутқида ёшларнинг жамиятдаги муҳим ўрни ва келажакдаги улкан вазифалари ҳақида сўз юритди. У ёшларни фаол ва мақсадли бўлишга, янги ғоялар ва ташаббусларни амалга оширишга чорлаб, уларни янги Ўзбекистонни қурилишида иштирок этишга ундади.

Ушбу фестивал ёшларни бирлаштириш, уларнинг ўзаро ҳамкорлик ва дўстлик ришталарини мустаҳкамлаш, шунингдек, ёшларни янги Ўзбекистонни қурилишидаги ролини кучайтиришга қаратилгандир. Фестивалнинг юқори даражада ўтказилиши ёшлар учун катта илҳом манбаи бўлиб, уларнинг келажакдаги ютуқлари учун мустаҳкам пойдевор бўлди.

➡️ Sayt | Telegram | Facebook | Instagram | X | YouTube | Murojaat | Guruh