Устозлар ва мураббийлар куни муносабати билан Давлатобод тумани 53-сонли умум таълим мактабида "очиқ дарслар" ташкил этилди.

Бугунги кунда дунё миқёсида рақобат янада кучайиб борадиган, ўта мураккаб бир даврда яшайдиган болаларимизни келажакка тайёрлаб, соғлом ва баркамол инсонлар этиб вояга етишлари учун устозларимизнинг ўрни беқиёс.

Давлатобод тумани халқ таълими бўлимига қарашли 53-сонли умум таълим мактабида Устозлар ва мураббийлар куни муносабати билан "очиқ дарслар" ташкил этилди. Очиқ дарслар давомида мактабнинг билимга чанқоқ ўқувчилари томонидан саҳналаштирилган чиқишлар, расм чизишлар ҳамда байрамона кўринишлар мактаб ўқувчиларини кўнгилларини шод айлади.

Жонкуяр ўқитувчиларимзга, шарафли ва масъулиятли фаолиятларида катта муваффақиятлар, хонадонларингизга файзу барака тилаймиз.

Давлатобод тумани ҳокимлиги ахборот хизмати

🌐Web sayt ✉️ Тelegram  📱Facebook 📱 Instagram 🌐YouTube 📱 Twitter

Тиббиётдаги ислоҳотлар - инсон қадри учун

Давлатобод туман "Порлоқ" маҳалласида туман тиббиёт бирлашмаси раҳбари ва туман ҳокими ўринбосарлари билан аҳоли билан учрашув ташкил этилди.

Олиб борилаётган ислоҳотлар, аҳолининг кам таъминланган қатламлари орасидаги беморларга юқори технологик жаррохлик амалиётларини бепул амалга ошириб борилаётганлиги такидлаб ўтилди.

🔶Учрашувда сўз олган туман тиббиёт бирлашмаси бошлиғи Н.Турсунова йиғилганларга тиббий хизмат сифатини яхшилаш, мақсадида оила поликлиникаларида кундузги бўлимлар фаолиятини кучайтирилиб беморларга бепул дори дармонлар билан даволаш ишларини амалга оширилаётганлигини айтиб ўтди. Ундан ташқари фуқаро мурожатлари уларни қийнаётган муаммолар ечими тўғрисида ҳам ахборот берилди.

Давлатобод тумани ҳокимлиги ахборот хизмати

🌐Web sayt ✉️ Тelegram 📱Facebook 📱 Instagram 🌐YouTube 📱 Twitter

“ЗАКОВАТ” ИНТЕЛЛЕКТУАЛ ЎЙИНЛАРИНИНГ ВИЛОЯТ БОСҚИЧИ ҒОЛИБЛАРИ АНИҚЛАНДИ

Давлатобод туманидаги “Янги Ўзбекистон - зиё маскани” ахборот-кутубхона мажмуасида “Заковат” интеллектуал ўйинларининг вилоят босқичи баҳслари бўлиб ўтди. Ўқувчи-ёшларнинг билим-иқтидори ва қобилиятини синовдан ўтказиш, эртанги кунга муносиб ҳар жиҳатдан етук ва баркамол авлод сифатида илм-маърифатга ошно улғайтиришга қаратилган баҳсларнинг мазкур босқичи 42 та жамоанинг 252 нафар интеллектуал ёшларини беллашувга чорлади. Қизғин баҳсларга бой бўлган интеллектуал ўйинлар якунига кўра Тўрақўрғон туманидаги 37-умумтаълим мактаби жамоаси ғолибликни қўлга киритди. Норин туманидаги 44-умумтаълим мактаби вакиллари 2-ўринни, Давлатобод туманидаги 3-ДИМИ билимдонлари 3-ўринни эгаллаб, республика босқичида иштирок этиш ҳуқуқига эга бўлдилар.

Наманган вилояти халқ таълими бошқармаси Ахборот хизмати

🌐Web sayt ✉️ Тelegram 📱Facebook 📱 Instagram 🌐YouTube 📱 Twitter