#parij2024

👍 Мялин дастлабки уринишини амалга оширди

Ўзбекистон делегацияси яна бир йўналишда Олимпия ўйинларида дебют қилди. Сувга сакраш дастурида Игор Мялин ўз иштирокини бошлади. Ҳамюртимиз биринчи уринишдан кейин 64.00 балл жамғаришга эришди. Мазкур йўналишда 26 нафар спортчи қатнашмоқда. Якунда энг яхши натижа кўрсатган 18 иштирокчи ярим финалга йўл олади.

@darakchisport

#parij2024

👍 Жасур Жайсунов Олимпиададаги иштирокини мағлубият билан бошлади

Таэквондо WТ бўйича Ўзбекистон терма жамоаси аъзоси Жасур Жайсунов Париж-2024 ёзги Олимпия ўйинларидаги дастлабки жангини ўтказди. Эронлик номдор спортчи, Меҳран Барҳордорига қарши баҳс олиб борган Жайсунов 1:2 ҳисобида имкониятни бой берди. Энди Барҳордори финалга етиб борган тақдирда Жайсунов бронза медали учун курашиш имкониятига эга бўлади.

@darakchisport

#parij2024

👍 Жавраил Шапиев кечки дастурда бронза медали учун курашади

Кечки дастурда бронза медали учун курашадиган эркин ўзбекистонлик курашчилар сони яна биттага ортди. -86 кг вазн тоифасида иштирок этаётган Жавраил Шапиев ўтиш босқичида канадалик Алекс Мурни мағлубиятга учратишга муваффақ бўлди. Терма жамоамиз аъзоси энди кечки дастурда бронза медали учун америкалик Арон Бруксга қарши гиламга чиқади.

@darakchisport

#parij2024

👍 Разамбек Жамалов Олимпиада финалчисини мағлубиятга учратди

Эркин кураш бўйича Ўзбекистон терма жамоаси аъзоси Разамбек Жамалов (-74 кг) Париж-2024 ёзги Олимпия ўйинларида дастлабки баҳсини муваффақиятли ўтказди. Токио-2020 ёзги Олимпия ўйинлари финалчиси, нейтрал мақомда курашаётган Магомедҳабиб Кадимагомедов билан беллашган ҳамюртимиз иродали ғалабага эришиб, кейинги даврага йўл олди.

@darakchisport

#parij2024

👍 Разамбек Жамалов ғалабали юришини давом эттириб, чорак финалга йўл олди

Эркин курашчимиз Разамбек Жамалов яна бир жиддий рақибни ортда қолдирди. -74 кг вазн тоифасида иштирок этаётган полвонимиз словакиялик Таймураз Сайкалов устидан ғалаба қозонишга муваффақ бўлди. Терма жамоамиз аъзоси энди ярим финал йўлланмаси учун албаниялик Чермен Валиев ҳамда озарбайжонлик Туран Байрамов ўртасидаги баҳс ғолиби билан беллашади.

@darakchisport

#parij2024

👍 Озода Собиржонова сербиялик рақибига мағлуб бўлди

Таэквондо WТ бўйича Ўзбекистон терма жамоаси аъзоси Озода Собиржонова (-67 кг) биринчи давра баҳсини ўтказди. Сербиялик Александра Перишич билан жанг қилган Собиржонова 2:1 ҳисобида имкониятни бой берди. Энди Перишич финалгача етиб борса, Собиржонова бронза медали учун курашиш имкониятига эга бўлади.

@darakchisport

#parij2024

👍 Разамбек Жамалов ярим финалда!

Ўзбекистонлик эркин курашчи Разамбек Жамаловдан (-74 кг) яна бир ғалаба. Чорак финални албаниялик Чермен Валиевга қарши ўтказган Жамалов ишончли ҳаракатлари билан баҳсни ўз фойдасига ҳал қила олди ва ярим финал йўлланмасини қўлга киритди. Энди у финал йўлланмаси учун тожикистонлик Виктор Рассадин билан курашади.

@darakchisport

#parij2024

👍 Ўзбекистонлик гимнастикачи қизлар финалга йўлланма олди

Бадиий гимнастика бўйича гуруҳ машқи йўналишининг саралаш босқичи ортда қолди. Унда иштирок этган Ўзбекистон терма жамоаси аъзолари Мумтоза Исъҳоқзода, Шаҳзода Ибрагимова, Ирода Содиқова, Эвелина Аталянс ҳамда Амалия Мамедова 64.000 балл билан 7-ўринни эгаллашди. Бу орқали улар эртага бўлиб ўтадиган финал босиқичида иштирок этиш имкониятига эга бўлишди.

@darakchisport

#parij2024

👍 Игор Мялин иштирокини якунлади

Хабар бериб ўтганимиздек, ўзбекистонлик спортчилар Олимпия ўйинларида сувга сакраш дастурида ҳам дебют қилишди. 10 метрли платформадан сакраш бўйича иштирок этган Игор Мялин саралашда 357.10 балл жамғарди ва 21-натижани қайд этди. Афсуски, бу ҳамюртимизга ярим финал йўлланмаси учун камлик қилди.

@darakchisport

#parij2024

👍 Таэквондочиларимиз Жасур Жайсунов ва Озода Собиржонова бронза медали учун курашишадиган бўлди

Ҳамюртларимизни биринчи даврада мағлуб этган рақиблари финалгача етиб боришгани боис, атлетларимиз учинчи ўрин учун баҳс олиб боришади. Улар бироздан кейин қуйидаги рақибларига қарши ўтиш босқичида даянга кўтарилишади:

-80 кг: Жасур Жайсунов – Симоне Алессио (Италия)
-67 кг: Озода Собиржонова – Сасикарн Тонгчан (Таиланд)

@darakchisport

#parij2024

👍 Разамбек Жамалов финалда!

Узоқ йиллик танаффусдан кейин ўзбекистонлик эркин курашчилар яна Олимпия ўйинларида финалида. -74 кг вазн тоифасида иштирок этаётган Ўзбекистон терма жамоамиз аъзоси Разамбек Жамалов ярим финалда тожикистонлик Виктор Рассадинни мағлубиятга учратиб, эртага бўлиб ўтадиган финал йўлланмасига эга чиқди. Олтин медаль учун баҳсда Жамаловга япониялик Даичи Такатани рақиблик қилади.

@darakchisport

#parij2024

👍🥉 Ғуломжон Абдуллаев - Олимпия ўйинлари бронза медали соҳиби!

Эркин кураш бўйича Ўзбекистон терма жамоаси аъзоси Ғуломжон Абдуллаев қирғизистон вакили Бекзат Алмаз Улууга қарши бронза медали учун гиламга чиқди ва ғалаба қозониб, Ўзбекистон делегацияси ҳисобига навбатдаги бронза медалини келтирди.

@darakchisport

#parij2024

👍 Жасур Жайсунов бронза медали учун ўтиш босқичидаги жангини якунлади

Таэквандо бўйича -80 кг вазн тоифасида Ўзбекистон шарафини ҳимоя қилаётган Жайсуновга италиялик икки карра жаҳон чемпиони Симоне Алессио рақиблик қилди. Шиддатли жангда европалик спортчининг қўли баланд келди ва Жайсунов Олимпиададаги иштирокини шу нуқтада тугатди.

@darakchisport

#parij2024

👍 Озода Собиржонова Париж-2024 медали учун беллашади

Таэквондо WТ бўйича Ўзбекистон терма жамоаси яна бир медаль қўлга киритишга яқин. -67 кг вазн тоифасида иштирок этаётган юртдошимиз Озода Собиржонова ўтиш босқичида таиландлик Сасикам Тонгханни мағлубиятга учратиб, бир оздан сўнг бронза медали учун даянга кўтариладиган бўлди. Унда ҳамюртимизга бельгиялик Сара Чари рақиблик қилади.

@darakchisport

#parij2024

👍 Жавраил Шапиев бронза медали учун кечган баҳсда мағлуб бўлди

-86 кг вазн тоифасида эркин кураш бўйича Ўзбекистон шарафини ҳимоя қилаётган Жавраил Шапиев бронза учун баҳсда америкалик Аарон Бруксга қарши баҳс олиб борди ва имкониятни бой берди. Шапиев Олимпиадани 5-ўрин билан якунлади.

@darakchisport

#parij2024

👍 Озода Собиржонова бронза медали учун кечган баҳсда имкониятни бой берди

Таэквондо WТ бўйича -67 кг вазн тоифасида Ўзбекистон шарафини ҳимоя қилган Озода Собиржонова бронза медали учун бельгиялик Сара Чари билан беллашди. Деярли тенг курашлар остида ўтган баҳсда бельгиялик спортчи ғалабани илиб кетди.

@darakchisport

#parij2024

👍🥇 Асадхўжа Мўйдинхўжаев - бокс бўйича Олимпия ўйинлари чемпиони!

Ҳозиргина якунига етган финал жангида Асадхўжа мексикалик рақибини зарбалари олдида ожиз қолдирди ва Париж-2024 ёзги Олимпия ўйинларини олтин медаль билан якунлади.

@darakchisport