🖤 İmam Hüseyn (ə) haqqı müdafiə və bəşəriyyətin azadlığı uğrunda öz ailəsindən keçdi...

👉 Kim belə bir iş görə bilər?

#Azərbaycan_imam_huseyn_yurdu
#Biz_Hüseyn_Millətiyik
#Bizhüseynmillətiyik
#whoishussein
#İmam_Hüseyn
#İmamhüseyn
#məhərrəm
#Kərbəla
#Kerbela
#Aşura
#Şiə

💎 Gözəl aqibətə həqiqi ümid

Gözəl və ali aqibəti tələb etmək və olna ümid bağlamaq o zaman bitir ki yaxşı əməllərdə istiqaməti ola və həqiqi ümid odur ki, insan gözəl aqibəti üçün çalışdığı halda ona ümidli olsun və əməlsiz ümid təxəyyüldən başqa bir şey deyil.

#yaxşı_əməl
#əməli_saleh
#ümid
#həqiqi_ümid
#istiqamət

✍️ Mərhum ayətullah Səadətpərvər, mərhum ayətullah Bəhcətdən belə nəql edir :

Varlılar öz işlərinin və problemlərinin həlli çarəsini sərvətdə (pulda, var-dövlətdə) görürlər (yəni, pulu, varı-dövləti öz problemlərinin həlli bilirlər). Amma elə insanlar var ki, hətta kasıb olsalar belə, öz problemlərini sahib olduqları mənəvi sərmayə ilə "müalicə" edirlər (öz mənəvi məqamları ilə problemlərini həll edirlər).

👉 Samirra şəhərinin böyük şəxsiyyətlərindən olan mərhum axund molla Fətəlinin qohumlarından biri nəql edir ki :

Bir axşam gözlənilmədən axundun evinə qonaq gəlir. O zamanlar Samirrada xüsusi çörək bişirilən yerlər yox idi. Çörək almaq istəyən, qürubdan (gün batmazdan) əvvəl evlərində çörək bişirən şəxslərdən çörək alarmış. Təsadüfən həmin axşam axundun evində çörəyi olmur. Qonağa qulluq ilə məşğul olan zaman axundun qonaqlarından biri onun evinə gəlir.
Axund ondan soruşur : Çörək gətirməmisən?.
Cavab verir : Xeyr.
Axund deyir : Bayıra çıx. Bir neçə qədəm sola, bir neçə qədəm sağa addımla və sonra evə qayıt.
Həmin şəxs axundun dediyi kimi edir və ətəyi dolu çörək ilə evə qayıdır.
Əhvalatı nəql edən şəxs ondan soruşur : Bu nə məsələ idi?
Cavab verir : Bizim, alimlərin sözünə imanımız var (sözsüz qəbul edirik). Bayıra çıxıb, axundun dediyi kimi etdim. Bir nəfər gəlib mənə dedi : Ətəyini aç. Ətəyimi açdım. Çörəkləri ətəyimə töküb, getdi.


#ayətullah_səadətpərvər
#ayətullahsəadətpərvər
#ayətullah_bəhcət
#ayətullahbəhcət
#sərvət
#pul

✍️ İmam Hüseyn (ə) buyurur :
İnsanlar dünyanın bəndələridir (dünyaya çox bağlıdırlar) və din dillərinin ucundadır (yalnız dildə dindarlar)

İnsan ilahi dini başa düşüb qəbul etmək yolunda müxtəlif cür imtahan olunur. Həm fikri, həm etiqadi və həm də əməli şəkildə imtahan olunur. Bunlardan hər biri insanın vücudunda xüsusi təsir qoyur.

İmam (ə) bu yolda və buyurduğu bu kəlamda daim Allahın həqiqi dinini və həqiqi dindarları, Allahın dinini şeytani və qeyri ilahi hədəflər üçün vasitə qərar verən şəxsləri insanlara tanıtdırmaq üçün cəhd edirdi.

#məhərrəm
#İmam_Hüseyn
#İmamhüseyn
#Ayətullah_Təhtiri
#məhərrəm
#Kərbəla
#Kerbela
#Aşura
#Şiə

💢#Allah buyurdu :

Ey Musa, Məni heç bir halında unutma (Məni hər halında yada sal)...

🔸Bütün hallarınızda Məni yada salın və unutmayın. Xüsusilə də, insanın günaha düçar olan hallarında. Əgər insan günaha düçar olan zaman həqiqi şəkildə (yalnız dildə yox) Allahı yad etsə, günahdan və qəlbdə qəsavət (daşlaşma) yaradan günahın təsirlərindən amanda qalacaq.

✅ Qəlbin qəsavətinin və daşlaşmasının əlamətləri - qəlbin Allahın, Quranın, övliyaların nurani moizələri qarşısında az, yaxud heç təsirlənməməsi və yaxud da ibrət zamanı az və ya heç ibrət götürməməsidir.

✅ İnsan ibrət zamanı Allahı yada salır. #İbrət - yəni insanın qəflətdə olduğu mövqeyindən keçib getməsi (ayılması) və Allahı xatırlamasıdır...

🌹 Şəhid Məşhədi Elnurun vəsiyyəti anasına

🌹Allah ruhun şad eləsin🌹

❤️ Qəlbin qəsavətini aradan aparan amillər :

1️⃣ - #Moizəyə qulaq asmaq, İnsanın qulağı və qəlbi moizə ilə birgə olsun...

2️⃣ - #Qəbiristana getmək...

3️⃣ - #Ölümü xatırlamaq qəlbin qəsavətini aradan aparan mühüm amillərdən biridir...

4️⃣ - #Zikr, Allahı və dini maarifi və həqiqətləri yad etmə məclisləri - xüsusilə də Əhli Beytin (ə) fəzilətləri, məzlumiyyətləri və zalımların onlara etdiyi zülmlər danışılan məclislər. Belə məclislər sayəsində insanda Allahın düşmənlərindən bizarlıq və İlahi övliyalara məhəbbət yaranır. Bu da, qəlbin qəsavətini aradan aparan amillərdəndir...

5️⃣ - #Quran təfsiri və Əhli Beytin (ə) maarifini öyrənmək...


#Qəlb
#Quran
#Ölüm
#Moizə
#Zikr
#qəsavət

🔹 İmam Zaman (ə.f) ağa buyurub:

" Allahu Mutəal bizimlədir, heç kəsə ehtiyacımız yoxdur. Haqq bizimlədir, kiminsə bizdən üz çevirməyindən qorxumuz yoxdur."

✍️ *Qeyd*:

Zəmanə İmamının (ə.f) bizə ehtiyacı yoxdur amma bəşəriyyətin o Həzrətə (ə.f) çox böyük ehtiyacı var. Dünyada baş verən bütün fitnə-fəsadın, bəla və müsibətlərin ən ümdə səbəbi bəşəriyyətin Zəmanə İmamından (ə.f) üz döndərməsinə görədir...

Bizim onlardan üz döndərməyimizin onlar üçün bir qorxusu yoxdur çünki haqq onlarladır lakin, bizim onlardan üz döndərməyimiz dünya və axirət məşəqqətinə səbəb olar...

#İmam_Zaman
#Zuhur
#haqq

İmam Zamana (əc) dil uzadanlar bilsinlər ki, Bir gün üç yüz on üç ay ilə yetmiş iki günəşin intiqamın alacaq...

#yahüseynzuhurunsirridir
#ya_hüseyn_zuhurun_sirridir
#imamhüseyn
#imam_hüseyn
#imam_zaman
#imamzaman
#aşura
#kərbəla
#məhərrəm
#zuhur



https://twitter.com/ziaossalehin_az/status/1430612595145330699

✅ Mərifətdən sonra ən fəzilətli əməl

✍️ Zürarə nəql edir ki, İmam Sadiqə (ə) dedim:

أيُّ الأَعمالِ هُوَ أفضَلُ بَعدَ المَعرِفَةِ؟

“(Allahı) tanıdıqdan sonra ən fəzilətli əməl hansıdır?”

İmam (ə) buyurdu:

ما مِن شَيءٍ بَعدَ المَعرِفَةِ يَعدِلُ هذِهِ الصَّلاةَ، ولا بَعدَ المَعرِفَةِ والصَّلاةِ شَيءٌ يَعدِلُ الزَّكاةَ، ولا بَعدَ ذلِكَ شَيءٌ يَعدِلُ الصَّومَ، ولا بَعدَ ذلِكَ شَيءٌ يَعدِلُ الحَجَّ، وفاتِحَةُ ذلِكَ كُلِّهِ ‏مَعرِفَتُنا، وخاتِمَتُهُ مَعرِفَتُنا

“Onu tanıdıqdan (ilahi mərifətdən) sonra heç bir əməl bu namaza bərabər deyil; (Allahı) tanıma (#mərifət) və namazdan sonra heç bir əməl zəkatla, ondan sonra heç bir əməl orucla, ondan sonra da heç bir əməl həcc ilə bərabər deyildir. Bütün bunların başlanğıc və sonunda isə bizi tanımaq durur.”

📚 “Əmali”, Şeyx Tusi, səh.694, hədis 1478.

▪️Bir gün gələcək

Açmaram sirrimi bir kimsəyə pünhan elərəm.
Gedərəm gizlicə öz dərdimə dərman elərəm.

Qoymaram ağlımı vursun yerə nəfsin biləyi,
Bir ömür ağlımı öz nəfsimə düşman elərəm.

Neynirəm mən axı bu fani olan dünyanı?
Axirət eşqi ilə hər şeyi qurban elərəm.

Aşiqəm mən elə bir yarə onun bənzəri yox,
Kim onun bənzəri vardır desə üsyan elərəm.

Adil, əlbəttə ki bir gün gələcək Qaim olan,
Nəyi əmr etsə o gün Sahibi Dövran elərəm.

#imamzaman
#zuhur
#az_ziaossalehin_ir

✅ «Xalİs İncİlər sİlsİləsİndən»

✍️ İmam Sadiq (ə) buyurmuşdur:
“Xəlvətə çəkilib Allahla razü-niyaz edən, Onun pənahına sığınar və mühafizəsində olar. Xoş o kəsin halına ki, gizlində və aşkarda Allahı yad edər, Allahla olar! Allah yolunun yolçusunun on şeyi bilməsi zəruridir:

1️⃣. #Haqq və #batili tanımaq.

2️⃣. Sadə yaşamağı sevmək.

3️⃣. Zahidanə həyat sürmək və onun çətinliklərinə dözmək.

4️⃣. Xəlvət hallardan ruhi bəhrələr götürmək (Allahla munis olmaq üçün fürsətdən istifadə və tənhalığa çəkilmə).

5️⃣. İşlərin aqibəti haqda fikirləşmək (ölüm və qiyamət).

6️⃣. İbadətdə öz nöqsanlarına diqqət.

7️⃣. İbadətdə səy göstərmək.

8️⃣. #Ücb və xudbinliyin tərki (İlahinin tofiqlərinə görə qürurlanmamaq).

9️⃣. Allahı çoxlu #zikr və həmişə yad etmək və qəflətin tərki. Çünki #qəflət şeytanın torudur və hər bir giriftarçılığın başlanğıcıdır. Allahla bəndəsi arasında bütün hicablar qəflətdən yaranır.

🔟. #İbadət vaxtı fikri Allah və ibadətdən yayındıran şeylərdən uzaq olmaq.

✅Türbətinə qurban Ya Hüseyn...

✍Həzrəti-Ayətullahul-üzma Ərakinin həyat yoldaşı
vəfat etmişdi. Alimlərdən bir neçəsi yazıçı da olmaqla
yanaşı, Ayətullahul-Üzma Bəhaüddini ilə birlikdə
Ayətullah Ərakiyə baş sağlığı vermək üçün onun
xidmətinə getdik. Bu böyük alim müsibət görməsinə
baxmayaraq, çox şad və xüsusi bir mənəvi halda idi.
Ağlamaq halında İmam Hüseyndən(ə) hadisə və
məsələlər bəyan edirdi. O cümlədən: Bir dəfə atam
Hüseynin(ə) qəbrini ziyarət etməyə getdi. Atam orada
olanda İmamın qəbrini torpağından götürüb özü ilə
gətirmişdi. Çünki müxtəlif rəvayətlərdə gəlmişdir ki,
bu torpaq hər dərdə şəfa verəndir. Atam bu torpağı
saxlayırdı. Hər kəsin bir xəstəliyi olanda ona müraciət
edirdi. O, bir mərci miqdarında torpaqdan ona verirdi.
Torpağı istifadə etdikdən sonra şəfa tapırdılar.

#məhərrəm
#Kərbəla
#Aşura
#türbət
#ayətullah_əraki

🕌 Bibiheybət məscidi

#məscid
#ziyarətgah
#bibiheybət

✅ «Afərİn Seyyİd Məhəmməd!»

✍️ Axund molla Hüseynqulu Həmədaninin qız nəvəsi Məhəmməd Hüseyn öz babasından belə nəql edir:

👉 Bir gün Axund dərslərinin birində eyni sözü ardıcıl olaraq təkrar edirdi:

Afərin, Seyyid Məhəmməd Səid, afərin, Seyyid Məhəmməd Səid! (Seyyid Məhəmməd Səid Hububi (vəfatı 1333 q.) Axundun ilk şagirdlərindən idi. O, İrfanda böyük məqam sahibi olmasından əlavə, İraqda İngilis istismarçılarına qarşı mübarizədə doxsan min müsəlmana rəhbərlik etmişdi.) Məclisdə olanlar Axundun bu sözündən çox təəccüblənirlər (çünki Seyyid Məhəmməd Səid orada yox idi).

👌 Bu əhvalatdan bir neçə gün keçəndən sonra Seyyid Məhəmməd Səiddən soruşurlar ki, sən həmin gün harada idin? O, belə cavab verir:

Qayıqda oturub, Kufədən Kərbəlaya gəlirdim. Bir ərəb kişi mənim yanımda başını çiynimə qoyub yatmışdı. O, xoruldayır və ağzının suyu da üstümə tökülürdü. Bununla belə onu qaldırmağa ürəyim gəlmədi. Kərbəlaya qədər beləcə davam etdi və mən onu yuxudan qaldırmadım.

Axundun həmin gün Seyyid Məhəmməd Səidi tərifləməsi buna görə idi.

📚 Təzkirətül muttəqin”, səh. 22

✍️ Həzrət Ayətullahul uzma Mər'əşi Nəcəfi (r) :

"Daima təharətli və dəstəmazlı olmağı sənə tövsiyə edirəm. Çünki, bu əməl batini nurun yaranmasına və qəm-qüssənin aradan qalxmasına səbəb olur."

✍️ ölümü yada salmaq

İmam Əli əleyhis-salam (ölümü yada salmaq barəsində) buyurmuşdur:

إِذَا كُنْتَ فِي إِدْبَارٍ وَ الْمَوْتُ فِي إِقْبَالٍ‏ فَمَا أَسْرَعَ الْمُلْتَقَى‏[1]

Sən (dünyaya) arxa çevirəndə və ölüm (sənə) üz tutanda (səninlə ölüm arasında) görüş və qovuşma necə də tez baş verəcək.[2]

 

Mənbələr:

1. نهج البلاغة (للصبحي صالح) - شريف الرضي، محمد بن حسين‏ - ناشر: هجرت‏ - مكان چاپ: قم‏ - سال چاپ: 1414 ق‏ - نوبت چاپ: اول‏ - ص: 472

2. Nəhcül-bəlağə (qisa kəlamlar) - Səhifə 10 

#Ölüm
#imaməli
#imam_əli
#hədis

🌹 Hacının haqqında ürək sözləri :

Eşq və məhəbbət heç zaman sərhəd tanımır ancaq bir inama çatmaq lazımdır....

#eşq
#məhəbbət
#iraq
#i̇ran
#suriya
#ziyaret

✅ «Qızıllara əl vurma»

Vaiz və Əhvaz şəhərinin pişnamazı Hacı Seyyid Tacəddin Dezfuli bir neçə vasitəylə əcdadlarından olan Seyyid Məhəmməd Əlidən belə nəql edir:

Ziyarət niyyətilə Nəcəf-Əşrəfə səfərə getdim. Özümlə götürdüyüm bir miqdar pulum da qurtardı. Hətta bir tanış yox idi ki, ondan borc pul alım. qürurumdan bu haqda alimlərdən biriylə danışmağa razı ola bilmədim. Buna görə də Həzrət Əlinin (ə) hərəminə gedib müşkülümü o həzrətə ərz edərək, dedim:

Əgər hacətim qəbul olmasa, necə olursa-olsun sənin hərəmindəki qızıllardan bir miqdar götürüb xərcləyəcəm. Sonra evə qayıdıb həmin gecə ac-qarına yatdım.

Səhər gördüm ki, kimsə məni çağırır. Özümü ona təqdim etdim. Həmin şəxs dedi: Mən Molla, Şeyx Ənsarinin xidmətçisiyəm. O səni görmək istəyir və dedi ki, səninlə karvansarada filan otaqda görüşə bilərəm. Xidmətçilə birlikdə Şeyxin hüzuruna getdim. Şeyx bir pul kisəsini mənə verib dedi:

Bu otuz tümən İran puludur ki, cəddin Əli (ə) xərclik üçün sənə verib. Pulları götürüb neçə addım uzaqlaşandan sonra məni çağırıb yavaşca dedi:

Daha Həzrət Əlinin (ə) qızıllarına əl vurma.

Onun sözlərindən çox təəccübləndim. Çünki bu, yalnız mənim zehnimdən keçmişdi və mən bunu, o böyük alimin kəramətlərindən hesab etdim.


📚 “Biharul-ənvar”, c. 72, səh. 131