У Міжнародны дзень роднай мовы навучэнцы нашай установы адукацыі прынялі ўдзел у сацыяльна-педагагічным праекце "#РоднаеМоднае"

22 лютага ў ДУА “Чудзінская сярэдняя школа” ў рамках адзінага дня інфармавання адбылося чарговае пасяджэнне Школы Актыўнага Грамадзяніна на тэму «Радзіма мая Беларусь у асобах. Абаронцы Айчыны» (пра супрацоўнікаў Узброеных Сіл, пагранічнай службы, мытнай службы, МНС).
Ва ўсе часы абарона Радзімы была, ёсць і будзе свяшчэнным патрыятычным і ганаровым абавязкам.
Ганаровым госцем мерапрыемства стаў інспектар сектара прапаганды і ўзаемадзеяння з грамадскасцю Ганцавіцкага РАНС Сіманчук Ілья Аляксандравіч.

22 лютага ў ДУА “Чудзінская СШ” прайшоў круглы стол “Брэстчына: мінулае, сучаснасць, будучае”. У ходзе мерапрыемства вучні апавядалі пра геаграфічнае становішча і адміністрацыйны падзел Брэсцкай вобласці, зазірнулі ў мінулае рэгіёна, даведаліся пра дасягненні Брэстчыны ў эканоміцы і культуры. У ходзе віртуальнага падарожжа вучні наведалі Брэсцкую крэпасць, музейны комплекс “Бярэсце”, Белую вежу, Косаўскі палац і іншыя цікавыя мясціны роднай старонкі.

У рамках рэспубліканскага інфармацыйна-адукацыйнага праекта “Школа Актыўнага Грамадзяніна” па тэме “Я і грамадства. Абаронцы Айчыны” прайшла класная гадзіна з вучнямі 7 класа. На мерапрыемстве ўспомнілі тых, хто стаіць на варце парадку, тых, хто гатовы абараніць нас у любы час. На прыканцы зрабілі вывад: быць абаронцам Айчыны – гэта не толькі служыць у войску, але і быць гатовым заўсёды дапамагаць сваёй Радзіме, быць гатовым абараніць сябе і сваіх блізкіх.

1 сакавіка вучні Чудзінскай СШ наведалі ДУК "Косаўскі палацава-паркавы комплекс" і "Мемарыяльны музей-сядзіба імя Тадэвуша Касцюшкі", якія з'яўляюцца вядомымі помнікамі гісторыі і культуры. У час экскурсіі па палацава-паркавым комплексе навучэнцы пазнаёміліся з яго гісторыяй, наведалі разнастайныя залы, упрыгожаныя раскошнымі фрэскамі і антыкварнай мэбляй.
У музеі выклікалі цікавасць экспанаты, дакументы і фотаздымкі, звязаныя з жыццём і дзейнасцю Т.Касцюшкі.