#Chinoz_tumani

Chinoz tumanida O‘zbek tiliga davlat tili maqomi berilganligining 34 yilligi munosabati bilan “O‘zbek tili – milliy o‘zligimiz va mustaqil davlatchiligimiz timsoli” shiori ostida ma’naviy-ma’rifiy tadbir bo‘lib o‘tdi.   Unda tuman hokimining o‘rinbosari Nasiba Qoraboyeva soʻzga chiqib, tuman hokimining tabrigini o‘qib eshittirdi va barchani bayram bilan tabrikladi. Iqtidorli o‘quvchilar va san’atkorlar tomonidan oʻzbek tilini ulug‘lovchi she’r, kuy-qo‘shiqlar va sahna chiqishlari namoyish etildi. Bayram tadbirida O‘zbekistonda xizmat ko‘rsatgan artist Alisher Otaboyev ishtirok etib, o‘z chiqishlari orqali yig‘ilganlarga ko‘tarinki kayfiyat ulashdi.

Chinoz tumani hokimligi axborot xizmati.

Chinoz tumanida “Besh tashabbus olimpiadasi” doirasida kurash boʻyicha “Bosh prokuror kubogi” musobaqasining tuman bosqichi oʻtkazildi

Joriy yilning 21-oktabr kuni Chinoz tumanida “Besh tashabbus olimpiadasi” ikkinchi mavsumi doirasida kurash boʻyicha mahallalarda istiqomat qiluvchi yoshlar oʻrtasida “Bosh prokuror kubogi” musobaqasining Chinoz tumani bosqichi boʻlib oʻtdi.

Musobaqa g'olib va sovrindorlari diplom hamda qimmatbaho sovg'alar bilan taqdirlandilar.

Chinoz tumani hokimligi axborot xizmati.