#Чиноз туманида “Беш ташаббус олимпиадаси” вилоят босқичи ғолиблари тақдирланди.

“Беш ташаббус олимпиадаси” доирасидаги спорт мусобақаларида вилоятда ўрин олиб Республика босқичга йўлланма олган спортчиларга спортни ривожлантириш вазирлиги томонидан спорт сумкаси ва комплект спорт формалари тарқатилди.
 
Мазкур спорт сумкаси ва комплект спорт кийимлари Тошкент вилояти спортни ривожлантириш бош бошқармаси томонидан барча туман шаҳар спортчиларига етказилиб берилмоқда.
 
Чиноз тумани ҳокимлиги биносида ташкиллаштирилган спортчиларни тақдирлаш маросимида туман ҳокими Б.Алимбеков, туман поркурори Ғ.Абдусаломов, ИИБ бошлиғи Б.Қўзибоев, туман ҳокими ўринбосари Н.Қорабоева, Спортни ривожлантириш бўлими бошлиғи С.Абдуқаххоров ҳамда Ёшлар ишлари агентлиги раҳбари Д.Қодировлар иштирок этишди.

Маълумот ўрнида “Беш ташаббус олимпиадаси” доирасидаги мусобақаларда тумандан жами 6 та спорт туридан 25 нафар ёшлар республика босқичида иштирок этиш ҳуқуқини қўлга киритган.

Чиноз тумани ҳокимлиги ахборот хизмати.

#Chinoz_tumani
#Zakovat

✳️Yurtimizda bilimli yoshlarni kashf etish va ularni qo'llab quvvatlash maqsadida ta'lim muassasalarida zakovat o'yinlari tashkil etiladi
Joriy yilning 23-noyabr kuni prezident ta'lim muassasalari agentligi tasarrufidagi Nurafshon shahridagi prezident maktabida zakovat turniri tashkil etildi. Bu turnirda 13ta tuman ixtisoslashtirilgan maktablari va Nurafshon shahridagi prezident maktabi o'z jamoalari bilan faol ishtirok etishdi.
✅Prezident ta'lim muassalari tasarrufidagi Chinoz tumani ixtisoslashtirilgan maktabining "Chinoz" jamoasi ham o'yinda faol ishtirok etib 14ta maktab jamoalari orasidan faxrli 4- o'rinni egalladi.

Chinoz tumani hokimligi axborot xizmati.

#Chinoz_tumani
#Jarayon

Chinoz tumanida Investitsiya dasturi asosida bir qancha ijtimoiy soha obyektlari barpo etilmoqda.

Toshkent viloyati Chinoz tumani Xizmat ko‘rsatish texnikumini mukammal ta’mirlab maxsus ixtisoslashtirilgan maktab binosiga aylantirish ishlari davom etmoqda.

Mazkur obyekt Toshkent viloyati hokimligi huzuridagi “Yagona buyurtmachi injiniring kompaniyasi” orqali “Charog‘onustalar” mas’uliyati cheklangan jamiyat tomonidan qurilish va ta‘mirlash ishlari yakuniga yetkazilmoqda.

Hozirgi kunda maktab sinfxonalari obodonlashtirilib, bino hududi atrofida ko'kalamzorlashtirish ishlari olib borilmoqda.

Shu yaqin kunlarda maktab ochilish marosimiga tayyorgarlik ko'rilmoqda.

Chinoz tumani hokimligi axborot xizmati.