#Эрталабки_саф_йиғилиши

Чилонзор тумани ҳокимлиги олд майдонида туман ҳокими Саидқаҳҳор Холхўжаев ва сектор раҳбарлари бошчилигида эрталабки саф йиғилиши бўлиб ўтди.

Туманимиздаги барча маҳалла еттиликлари, масъул ташкилотлар раҳбарлари иштирокидаги ушбу йиғилишда ҳудудларда санитар тозаликни сақлаш, ободонлаштириш ишларини олиб бориш масалалари муҳокама этилди ва бугун айни йўналишда амалга ошириладиган ишлар режалаштириб олинди.

🔵@Сhilonzor_tumani_hokimligi

#Таъмирлаш

Чилонзор тумани Сув тармоқлари бўлими ходимлари томонидан сув қувурларидаги носозликларни бартараф этиш учун қазилган жойлар ўз вақтида текисланиб, таъмирланмоқда.

Шунингдек, туманимизнинг "Хайробод", "Хирмонтепа", "Шуҳрат" маҳаллаларидаги сувсозлар таъмирлаш ишларини олиб борган йўллар текисланиб, асфальт қопламаси ётқизилди.

🔵@Сhilonzor_tumani_hokimligi

#Оналар_мактаби

Она бўлиш-ҳар бир аёл учун катта бахт. Оналар чинакам бахтли бўлиши учун эса фарзандлар соғлом бўлиши, соғлом ўсиши ва онанинг дуоларида акс этгандек баркамол инсон бўлиши керак.

Бунинг учун эса, аввало оналарнинг ўзи соғлом бўлиши, соғлом фарзандни дунёга келтириши ва болани соғ-саломат ўстириши керак.

Шу боис ҳам, туманимиздаги Оилавий поликлиникаларда "Оналар мактаби" машғулотларини ўтказишга алоҳида эътибор қаратилмоқда.

Шунингдек, туманимиздаги 36-сонли Оилавий поликлиникада "Оналар мактаби"нинг бу галги машғулоти "Шахсий гигиенага амал қилиш" мавзусида бўлди. Машғулот давомида шифокор ёш оналарнинг мавзу юзасидан берган барча саволларига батафсил жавоб берди.

🔵@Сhilonzor_tumani_hokimligi