#Аёл_хотиржам_жамият_барқарор
МФЙлардаги аёллар билан ишлайдиган ходимларнинг психологик билимлари оширилди
🔷 Аёллар муаммоларини тизимли равишда ҳал этиш, уларни ижтимоий қўллаб-қувватлаш бўйича Республика комиссиясининг 2020 йил 21 декабрдаги кенгайтирилган йиғилишининг 2-сонли баёни ижроси юзасидан Чилонзор туманидаги 51 та маҳалла раисининг оила, хотин-қизлар ва ижтимоий-маънавий масалалар бўйича ўринбосарлари ва мутахассисларининг психологик билимларини ошириш бўйича семинар-тренинг ташкил этилди.
🔷З та гуруҳга бўлиб ўтказилган ушбу тадбирларга малакали психолог ва мутахассислар жалб этилди.
🔷 Семинар-тренинг машғулотларида иштирокчиларга маҳаллаларда ижтимоий тушкунликка тушган, эҳтиёжманд, боқувчисини йўқотган аёллар билан суҳбатлашиш, уларнинг масаласини ҳал этишда тегишли ташкилотларнинг ўрни ва вазифалари тўғрисида тушунчалар берилди.
Чилонзор тумани ҳокимлиги
Матбуот хизмати

💎Марказий Осиёда энг йирик ҳисобланган заргарлик заводининг айнан пойтахтимиз Тошкентда қайтадан бунёд бўлганини нафақат юртимиз аёллари балки барча юртдошларимиз илиқ кутиб олдилар. Қуйидаги репортаж - мазкур “Фонон” заргарлик заводида меҳмон бўлган ОАВ ходимлари ва блогерларнинг таассуротлари ва заводнинг ишлаб чиқариш имкониятлари ҳақида.

🌐 Web-site 🌏 Telegram

#toshkentyoshlari2021
#молодёжьташкента2021

📍Бугун эрта тонгдан пойтахтимиздаги “Бунёдкор” стадионида Чилонзор тумани миқёсида 3 ва 5 километр масофага оммавий юриш марафони ўтказилди.

Соғлом турмуш тарзини тарғиб этишга қаратилган тадбирда тиббиёт соҳаси ходимлари билан бир қаторда турли идора ва ташкилотлар вакиллари, фаол юртдошларимиз иштирок этдилар.

Мазкур лавҳамизда нафақат ёшлар, балки барча ёшдаги фуқароларни оммавий юришга жалб қилиш орқали соғломлаштиришни мақсад қилган спорт тадбири тафсилотларини кўринг.

🌐 Web-site 🌏 Telegram

#Депутат_халқ_билан_ҳамнафас Депутатлар “Мевазор”, “2-Қатортол” ва “Яккабоғ” маҳаллалари аҳолиси муаммоларини ўрганди
🇺🇿 Депутат – халқ сайлаб қўйган вакил. У аслида ҳар доим халқ орасида бўлиши ва уларнинг муаммо ва таклифларини ўрганиши ва шу орқали умумманфаатига хизмат қиладиган ва барча бирдек амал қиладиган қонунларни ишлаб чиқишга ўз ҳиссасини қўшиши керак.
✅ Сир эмас, шу пайтгача маҳаллий кенгашлар депутатлари ҳам, Олий Мажлисдаги депутатларимиз ҳам фаол бўлмаган. Афсуски, ҳанузгача ўз округи депутати кимлигини билмайдиган аҳоли вакиллари бор.
👉Айтиш жоизки, давлатимизда бошқа соҳаларда бўлгани каби депутатлар кенгаши фаолиятида ҳам ислоҳотлар амалга оширилмоқда. Бунинг натижасида депутатларимиз халқ билан ҳамфикр ва ҳамнафас бўлаётганлиги қувонарли ҳолдир.
👉 Бу борада Чилонзор тумани Халқ депутатлари ҳам ўз округлари аҳолиси муаммоларини ўрганиб, уларга ҳар томонлама кўмак бериб келмоқда. Жумладан, фаол депутатларимиздан бири бўлган Зафаржон Мирзаулуғов ҳам Олий Мажлис Қонунчилик палатаси депутати Мўътабар Ҳусанова билан биргаликда ўз округига тегишли “Мевазор”, “2-Қатортол”, “Яккабоғ” маҳаллаларида бўлиб, аҳоли билан бевосита мулоқотлар қилди.
👉 Маҳаллалар қарашли бўлган сектор идорасида, МФЙ идорасида ҳам бўлиб, аҳоли мурожаатлари билан батафсил танишди.
🔷 Депутатлар томонидан мазкур маҳаллаларда аҳоли дуч келаётган муаммолар таҳлил қилиниб, уларни бартараф этиш йўллари ҳақида масъуллар билан кенгашиб олинди.
✅ Албатта, депутатларимиз томонидан амалга оширилаётган бундай ўрганишлар аҳоли муаммоларининг тез фурсатларда ижобий ҳал этилишига, асосийси, халқимизнинг давлатимизга ишончи янада ортишига хизмат қилади.
Чилонзор тумани ҳокимлиги
Матбуот хизмати Telegram|Instagram|Facebook|YouTube

Чилонзор тумани ҳокимлиги ва туман Тиббиёт бирлашмаси томонидан ташкил этилган спорт марафони "Ўзбекистон-24" телеканали дастурларида кенг ёритилди.