#БРИФИНГ

Чилонзор тумани ҳокимлиги Матбуот хизмати томонидан туманда жорий йилда туман Фавқулодда вазиятлар бўлими томонидан амалга оширилган ишлар юзасидан туман ФВБ бошлиғи ўринбосари Нодир Зияев иштирокида брифинг ўтказилди.

Шунингдек, брифинг якунида Янги йил байрамини хавф-хатарсиз, хурсандчилик билан ўтказиш учун нималарга эътибор қаратиш юзасидан мутахассиснинг аҳолига мурожаатилари ҳам ҳавола этилган.

📣📣📣Қадрли тумандошлар!

Мутахассис берган тавсияларга амал қилган ҳолда эзгу ниятлар ва хурсандчиликлар байрами бўлган Янги йилни кўтаринки кайфиятда ўтказишингизни тилаб қоламиз!

👉👉👉 Лавҳамизда брифингда тақдим этилган маълумотлар билан батафсил танишишингиз мумкин

🔵@chilonzor_tumani_hokimligi

#Чилонзорда_Янги_йил_шукуҳи
#Арзонлаштирилган_ярмаркалар
#Чилонзор_деҳқон_бозори

Сара ва сархил мевалар, сабзавотлар, гўшт ва гуруч маҳсулотлари ҳамёнбоп нархларда

Қаерда экан, дейсизми?

Ҳа, бу "Чилонзор деҳқон бозори" МЧЖ ҳудудида ва унинг тумандаги 5та филиалида ташкил этилган арзонлаштирилган ярмаркаларда. Хабарингиз бор, давлатимиз раҳбарининг Янги йил байрамини аҳоли муносиб кутиб олиши ва нишонлаши, байрам дастурхонлари тўкис бўлиши учун барча бозорларда ва бозорларга узоқроқ масофада жойлашган маҳаллаларда арзонлаштирилган савдо ярмаркалари ташкил этиш ва аҳолига қулайлик яратиш бўйича берган топшириқлари ижроси доирасида айни пайтда барча деҳқон бозорларида ярмаркалар ташкил этилган.

Шунингдек, туманимиздаги "Чилонзор деҳқон бозори" МЧЖда ҳам бу борада самарали чора-тадбирлар кўрилмоқда.

👉👉👉Арзонлаштирилган ярмаркалар фаолияти ҳақида лавҳамиз орқали батафсил танишишингиз мумкин

🔵@chilonzor_tuman_hokimligi

#Маҳаллада_дув_дув_гап

Хабар берганимиздек, Чилонзор тумани ҳокимлиги томонидан туманимизда жойлашган Адиблар хиёбони боғида Президентимиз раислигида Республика Маънавият ва маърифат кенгашининг йиғилишида белгилаб берилган вазифалар доирасида  “Янги ҳаёт учун, Янги Ўзбекистон учун!” шиори остида “Маҳаллада дув-дув гап” маънавий-маърифий ва маданий-мусиқий тадбири бўлиб ўтди.  

Тадбирни туман ҳокими Саидқаҳҳор Холхўжаев очиб берди. Тадбирда Ўзбекистон бош муфтийси Нуриддин Холиқназаров, Ўзбекистонда хизмат кўрсатган маданият ходими Бобур Бобомурод, тарих фанлари доктори, профессор Дилором Бобожоновалар сўзга чиқиб, халқимизнинг маънавиятини ва маърифатини юксалтириш юзасидан мамлакатимизда олиб борилаётган ишлар ва унинг аҳамияти ҳақида ўз фикрларини баён этди ва чилонзорликларни яқинлашиб келаётган Янги йил байрами билан қутлади.

Туман Маданият бўлими хонандаларининг ва Маданият бўлими қошида ташкил этилган интернационал "Фахрия" жамоасининг дилтортар қўшиқ ва куйлари асносида давом этган тадбирда туманда маънавий-маърифий ишлар самарадорлигини ошириш бўйича амалга оширилган ишлар тўғрисида тайёрланган “Янги Чилонзор тараққиёти” деб номланган ролик ҳам намойиш этилди.

Янги йил байрами олдидан аҳолининг кайфиятини кўтариш, осойишта юртимизда миллий ўзлигимизга хос бўлган қадриятларимизни ёшларимиз онгига сингдириш, эл-юрт тинчлиги ва Ватан осойишталиги йўлида курашган жадид боболаримизнинг ғоялари ва амалга оширган ишларини ёшларга тарғиб қилиб, ёшларимизни ватанпарварлик руҳида тарбиялаш каби мақсадларда ўтказилган бундай тадбирлар юртдошларимиз орасида бирдамлик ва ҳамжиҳатликни янада мустаҳкамлашга хизмат қилади.

👉👉👉 Лавҳамизда жараёнлар

🔵@Сhilonzor_tuman_hokimligi