#Идоралараро_ишчи_гуруҳи_фаолиятидан

Ўзбекистон Республикаси Президенти Администрациясининг топшириғига асосан Тошкент шаҳар туманларида амалга оширилаётган ишларни ўрганиш ва тизимли ташкил қилиб, жадаллаштириш мақсадида тузилган идоралараро ишчи гуруҳи фаолияти Чилонзор туманида ҳам давом этмоқда.

Бугун тумандаги 4 та сектор кесимида маҳаллаларда иш ташкил этилди. Жумладан, Ал Хоразмий маҳалласида туман ҳокими Саидқаҳҳор Холхўжаев ва Тошкент шаҳар ИИББ бошлиғи ўринбосари Муродилла Аликариев ҳамда бошқа масъуллар иштирокида бўлиб ўтган йиғилишда 1 – сектордаги “Ал Хоразмий” ва “Бектўпи” маҳаллаларида аҳоли муаммоларини ўрганиш ва аниқланган муаммоларни бартараф этиш бўйича ишлар режалаштирилди.

Кун давомида айни маҳаллалардаги ижтимоий соҳа объектлари, кўп қаватли уйларнинг коммунал тизимлари, аҳоли муаммолари ўрганилди ва ободонлаштириш, тозалаш, коммунал тизимлардаги муаммоларни бартараф этиш ишлари олиб борилди.

Шунингдек, Ал Хоразмий маҳалласидаги 126-сонли умумтаълим мактаби ва 204-сонли МТТ бинолари атрофлари ва оралиқдаги йўл таъмирланиши ҳамда сайилгоҳга айлантирилиши, бундан ташқари Чилонзор тумани ва Учтепа туманини бирлаштириб турувчи Гулистон кўчасини ҳам ободонлаштириб, сайилгоҳга айлантириш бўйича режалар тузилди.

🔵@chilonzor_tuman_hokimligi