Чилонзор тумани ҳокимлиги мутасаддилари Ангрен шаҳрида маҳаллабай ўрганиш ўтказмоқда
Давлатимиз раҳбари топшириғи асосида Уй-жой коммунал хизмат кўрсатиш вазири Ш. Ҳидоятов ва туманимиз мутасаддиларидан ташкил топган жамоа Тошкент вилоятининг Ангрен шаҳрига тажриба алмашиш учун борди.
Ангрен шаҳар ҳокимиятида ишчи гуруҳ учун ҳудудлар тақсимланди. Чилонзор тумани ҳокимлиги мутасаддиларидан иборат ишчи гуруҳга 1- ва 2- секторларга қарашли 25 та маҳалла аҳолисининг муаммоларини ўрганиш белгиланди.
Ангрен шаҳрида маҳаллабай ўрганишлар жараёнида бугун 7 та маҳалладаги аҳоли муаммолари ўрганилди.
Тоғли ҳудудда жойлашган Дукент, шаҳар чеккасида жойлашган "Самарчўғ", " Қорабоғ", "Қатағон" каби маҳаллалар ҳудудидаги ички кўчаларни таъмирлаш, кўп қаватли уйларнинг ташқи қисмларини бўяш, ертўлаларни тозалаш, болалар майдончалари, пиёдалар йўлакчаси, автотураргоҳ барпо қилиш, ёритиш тизимларини ўрнатиш, яроқсиз ҳолдагиларини янгисига алмаштириш, гул ва дарахт кўчатларини ўтқазиш каби ишлар ўрганилди ва керакли топшириқлар берилди. Бундан ташқари, аҳолининг ижтимоий муаммолари ҳам тингланиб, ҳал этиш чоралари кўрилди.

Чилонзор тумани ҳокимлиги
Матбуот хизмати

🌸 1-март... Аввало, баҳорнинг биринчи куни бўлса, айни шу кунда Ўзбекистон халқ шоираси Зулфияхоним туғилган. Зулфияхоним баҳор куйчиси сифатида бу фаслнинг гўзаллиги ҳақида кўп шеърлар ёзган, бу ижод намуналари ҳалигача барчамизнинг қалбимизга баҳор қувончларини олиб киради.

Баҳорингиз муборак бўлсин, азиз юртдошлар! 🌸🌸🌸🌸🌸

#Обод_маҳалла_обод_кўнгиллар

Давлатимиз раҳбари томонидан берилган топшириқлар ижроси юзасидан Чилонзор туманидаги маҳаллаларда барча ҳамкор ташилотлар билан биргаликда “Обод маҳалла” дастури доирасида кенг кўламли ободонлаштириш ва бунёдкорлик ишлари олиб борилмоқда.

Жумладан:

Маҳалла ҳудудлари тозаланиб, тартибга келтирилмоқда.

Уйларнинг олди ва орқа майдонларидаги аҳоли учун ноқулайлик туғдираётган ноқонуний қурилмалар бартараф этилиб, ички кўчалар, йўллар ва йўлаклар таъмирланмоқда.

Кўп қаватли уйларнинг фасадлари бўялиб, ертўлалар тозаланяпти. Аҳоли учун эса маҳалланинг ўзида иш ўринлари яратилмоқда.

Иссиқлик қуввати қувурлари, ичимлик суви ва оқова сувлар қувурлари, газ қувурлари, электр кабеллари, кўчани ёритиш тизими, газ ва электр тақсимлаш пунктлари таъмирланмоқда.

Болалар майдончаси ва спорт майдончалари барпо этилмоқда.

Лавҳамизда халқ розилиги учун, аҳолининг турмуш фаровонлигини ошириш учун амалга оширилаётган ишлардан хурсанд аҳолининг бу ҳақдаги эътирофлари билан танишинг

🌸🌸🌸Баҳорингиз муборак, азиз тумандошлар!🌸🌸🌸