📣 Ўзбекистонда “Давлат сирлари тўғрисида”ги қонун янгиланмоқда

✔️ 1993 йил 7 майда қабул қилинган “Давлат сирларини сақлаш тўғрисида”ги Ўзбекистон Республикасининг Қонуни қарийб 30 йил деганда илк бор янгиланмоқда.

✔️ Янгиланган қонун лойиҳаси бугун, 23 октябрь куни Олий Мажлис Сенатининг эллик тўққизинчи ялпи мажлисида сенаторлар томонидан бир овоздан маъқулланди.

🎤 Толибжон Мадумаров, Сенатнинг Мудофаа ва хавфсизлик масалалари қўмитаси раиси ўринбосари:

✅Давлат сирлари билан танишиш ва танишишга рухсат бериш тартиби, махфийлаштирилмайдиган маълумотлар тоифалари, давлатлар ўртасида давлат сирларини ўзаро алмашиш тизими амалдаги қонунда тартибга солинмаганлиги бугунги кунда мамлакатда олиб борилаётган очиқлик ва ахборот алмашиш талабларига зиддир.

❗️Давлат сирлари тўғрисидаги маълумотлар 4 тоифага бўлинади:

🟣Ҳарбий соҳадаги,

🟣Ташқи сиёсат ва ташқи иқтисодий соҳадаги,

🟣Разведка ва контр-разведка, тезкор қидирув фаолияти ва бошқа давлат хавфсизлиги йўналишларига оид,

🟣Иқтисодиёт, таълим ва техника соҳаларига оид чегараланган рўйхати тасдиқланмоқда.

✅ Амалда ушбу рўйхат ҳукуматнинг 1994 йилдаги қарори билан тасдиқланган йўриқномада махфий грифда берилган. Ушбу рўйхатнинг қонун билан очиб берилиши бугунги кундаги очиқлик сиёсатига мос келади.

✅ Махфийлаштирилмайдиган маълумотлар рўйхати ва ушбу маълумотларни махфийлаштириш бўйича асоссиз қарор қабул қилганлик бўйича жавобгарликни белгилаш ҳамда фуқароларнинг шахсий хавфсизлигига таҳдид соладиган ахборотларни давлат сирларига киритилишини маън этиш аниқ белгилаб қўйилмоқда.
〰️〰️〰️〰️

❓ Қонун янгиланиши орқали қандай ўзгаришлар кутилмоқда?

⚫️Батафсил

Telegram | Facebook | Instagram | Youtube | Медиабанк

#AntiFake_uz_огоҳлантиради

💻Сўнгги кунларда Телеграм мессенжерида онлайн фирибгарликнинг янги усуллари кенг тарқалмоқда. Жиноятчилар фойдаланувчиларни алдаш учун "Салом, бу сенмисан суратда?" каби сохта хабарлар ва вирусли файллар юбормоқда.

⚡️Бириктирилган иловани юклаб олган заҳоти қурилмангиз хавф остида қолади ва шахсий маълумотлар ўғирланиши мумкин.

‼️Фирибгарларга алдовига тушиб қолмаслик учун ҳушёрликни оширинг ва нотаниш аккаунтлардан келган файлларни юклаб олманг!

Facebook ‖ Instagram ‖ Twitter ‖ Telegram

❕ Қиш мавсумини беталофат ўтказиш ва юзага келиши мумкин бўлган нохуш вазиятларни олдини олиш мақсадида тегишли идоралар билан ҳамкорликда жами 825 та ишчи гуруҳлар ташкил этилган

Бу ҳақда АОКАда ўтказилган брифингда Фавқулодда вазиятлар вазирлиги ахборот хизмати раҳбари ўринбосари Самандар Ҳикматуллаев маълум қилди.

❌ Турмушда газдан фойдаланишда истеъмолчиларга қуйидагилар тақиқланади:

▪️ўзбошимчалик билан уйни газлаштириш, газ жиҳозлари ўрнини алмаштириш ёки таъмирлаш;

▪️газ асбоблари ўрнатилган хоналар режасини ўзгартириш;

▪️газ асбоблари конструкциясига, дудбурон ва шамоллатиш тизимларига ўзгартиришлар киритиш;

▪️шамоллатиш каналларини тўсиб қўйиш;

▪️хавфсизлик ва созлаш автоматикасини узиб қўйиш. Газ асбоблари, автоматикаси ва газ баллонлари носозлигида газдан фойдаланиш;

▪️дудбурон ва шамоллатиш каналларини ўз вақтида текширмасдан газдан фойдаланиш;

▪️махсус маълумотга эга бўлмай ва газ хўжалиги корхонасидан рухсатнома олмай туриб, дудбурон ҳамда шамоллатиш каналларини тозалаш, текшириш ҳамда газ-баллон қурилмасининг баллонларини алмаштириш;

▪️форточкалар (фрамугалар), жалюзали панжаралар, шамоллатиш каналларининг панжаралари, ваннахона ва ошхона эшиклари остидаги тирқишлар ёпиқлигида, дудбурон ҳамда шамоллатиш каналларида тортиш бўлмаган ҳолларда газдан фойдаланиш;

▪️узлуксиз ишлашга мўлжалланмаган, тегишли автоматикага эга бўлмаган газ асбобларини қаровсиз қолдириш;

▪️ёш болаларга, шунингдек ўз ҳаракатларини назорат қила олмайдиган ва газ асбобларидан фойдаланиш қоидаларини билмайдиган шахсларга фойдаланишга рухсат бериш;

▪️газ чиқаётганлигини аниқлаш учун олов ёқиб текшириш;

▪️табиий газдан фойдаланишда турли хилдаги резина шланглар, газ сўргичлардан фойдаланиш;

▪️автомобилларга ўрнатилган ёки улардан яроқсиз деб ечиб олинган техник кўрикдан ўтмаган метан ва пропан газ балонлардан фойдаланиш.

📞 Ёнғин ёки заҳарланишлар содир бўлганда қуйидаги шошилинч телефон рақамларига қўнғироқ қилиб ёрдам сўранг:

⚫️101 – ёнғин хавфсизлиги хизмати;
⚫️104 – газ авария диспетчерлик хизмати;
⚫️103 – тез тиббий ёрдам хизмати;
⚫️1050 – қутқарув хизмати.
⚫️112 – ягона навбатчи диспетчерлик хизмати.

✍️ Батафсил

Telegram | Facebook | Instagram | Youtube | Медиабанк