#Юртимиз_мустақиллигининг_33_йиллиги_Чилонзорда

#Бир_бўлсак_ягона_халқмиз_бирлашсак_Ватанмиз

#Туман_ҳокими_ташаббуси_билан

#Янги_лойиҳага_старт_берилди

Чилонзор тумани ҳокими, Маънавият ва маърифат кенгаши раиси Саидқаҳҳор Холхўжаевнинг ташаббуси билан туман Маънавият ва маърифат бўлинмаси ҳамда туман Маданият бўлими билан ҳамкорликда Ўзбекистон мустақиллигининг 33 йиллиги муносабати билан “Бир бўлсак - ягона халқмиз, бирлашсак - Ватанмиз!” шиори остида “Кинокарвон” лойиҳасига старт берилди.

Старт “Ал Хоразмий” МФЙ ҳудудидан бошланди. “Ал Хоразмий, ”Бектўпи”, “Гулистон”, “Бахористон” маҳаллалари аҳолисини бир жойда бирлаштирган ушбу лойиҳа аҳоли томонидан кўтаринки кайфиятда кутиб олинди.

Маълумот ўрнида айтиш жоизки, лойиҳа доирасида туман маҳаллаларида яшовчи аҳоли маданий ҳордиқ чиқариши учун ҳар куни соат 19-30да киноижодкорларимиз томонидан ватанпарварлик мавзусида ишланган кинофильмлар намойиш этилади.

👉👉👉 “Кинокарвон” лойиҳасининг навбатдаги манзили “Катта Қозиробод” ва “Қозиробод” маҳаллалари бўлади.

🔵 @Сhilonzor_tumani_hokimligi

#Ўрганиш

Туман ҳокими қурилиш ишлари олиб борилаётган кўчаларни кўздан кечирди

Бугун эрта тонгдан туман ҳокими Саидқаҳҳор Холхўжаев ва тегишли масъуллар қурилиш ишлари олиб борилаётган кўчаларда бўлиб, олиб борилаётган ишларни кўздан кечирди.

-Кўчалар, йўллар, аҳоли сайр қиладиган, ҳордиқ чиқарадиган майдонлар сифатли қурилиши ва тумандошларимизга узоқ йиллар хизмат қилиши керак. Шунинг учун ишнинг сифатига алоҳида эътибор қаратилиши жуда муҳим, - дея қурилиш ташкилоти масъулларига кўрсатма берди туман ҳокими.

Албатта, туманимиз аҳолисининг турмуш шароитини яхшилаш, туманимиз кўркига кўрк қўшадиган чиройли кўчалар, сайлгоҳ ва ҳордиқ чиқариш майдончаларини қуриш, аҳолини рози қилиш бугунги кунда туман ҳокимлиги олдида турган энг муҳим вазифалардандир.

Бундай ишларни талаб даражасида амалга ошириш мутасаддилардан ва масъул қурилиш ташкилотлари ходимларидан алоҳида масъулият талаб қилади. Шу боис, туман ҳокими олиб борилаётган қурилиш-таъмирлаш ишларини диққат билан ўрганиб, аниқланган камчиликларни ўз вақтида бартараф этиш бўйича қурилиш ташкилоти масъулларига ўз кўрсатма ва топшириқларини берди.

🔵 @Сhilonzor_tumani_hokimligi