Тошкент шаҳар ҳокимлиги аҳолини кучли қор ёғишидан огоҳлантирди

⚠️18 февраль куни кучли қор ёғиши, у камида 12 соат давом этиши кутилмоқда.
Дастлабки маълумотларга кўра, ёғингарчилик ҳажми икки ойлик меъёрдан ошади.

Шу муносабат билан биз сиздан:

❗️ Заруратсиз уйдан чиқмасликни, шахсий транспорт воситаларидан фойдаланишни минималлаштириш ва ҳаракатланиш учун жамоат транспортидан фойдаланишни;

❗️ Қор ва муз массалари тушиши мумкин бўлган кўп қаватли бинолардан сақланишни;

❗️ Қулоқчин таққан ҳолда ташқарига чиқмасликни сўраймиз - бу яқинлашиб келаётган машина ёки қор тушишини эшитмай қолишингизга олиб келиши мумкин;

❗️ Автомобилларни кўп қаватли бино ва иншоотлар, шунингдек, дарахтлар тагида қолдирмасликни;

❗️Электр ёки газ таъминотида узилишлар юзага келган тақдирда Марказий диспетчерлик хизматининг 1055 рақамига ёки Телеграм орқали мурожаат қилишни илтимос қиламиз.

✔️Қор ёғиши оқибатларини тезкорлик билан бартараф этиш учун ҳокимлик хизматлари, Йўл ҳаракати хавфсизлиги бош бошқармаси, Тошкент шаҳар ободонлаштириш бош бошқармаси ва бошқа тегишли ташкилотлар шай ҳолатда эканлигини маълум қиламиз.

Telegram | Facebook | Instagram | Youtube | Медиабанк