#Муносабат

Ижтимоий тармоқларда Чилонзор туманининг “Кўтарма” маҳалласида аҳоли норози бўлгани учун қурилиши тўхтатилган объектни қуриш ишлари яна бошланиши, бунинг учун тегишли ташкилотлардан рухсат олингани ҳақидаги мурожаат чоп этилди.

Бу борада шуни маълум қиламизки, Чилонзор тумани 10-мвавзе, 3, 6 ва 9-уйлар оралиғида кўп қаватли турар жой биносини қуриш учун жисмоний шахс М.Мирходжаевга ажратилган.

Мазкур ажратилган 0,10 гектарли ер майдони ҳудудидаги давлат ўрмон фондига кирмайдиган дарахт ва буталарни кесишга рухсатнома олиш учун Ўзбекистон Республикаси Табиат ресурслари вазирлиги Тошкент шаҳар бошқармасига Ўзбекистон Республикаси Вазирлар Маҳкамасининг “Махсус электрон тизим орқали рухсат этиш хусусиятиги эга айрим хужжатларини бериш тартиб-тамоиллари тўғрисидаги ягона Низомни тасдиқлаш ҳақида” 2022-йил 22-феврал 86-сон қарори билан тасдиқланган Низомнинг 1-иловасига мувофиқ, “Литцензия” ахборот тизими ёки Ягона интерактив давлат хизматлари портали орқали электрон тарзда ушбу жой бўйича бугунги кунгача мурожаат келиб тушмаган.

Белгиланган тартиб бўйича мурожаат келиб тушган тақдирда бугунги кунда ҳудуддаги дарахтларнинг соғломлиги ҳамда Ўзбекистон Республикаси Президентининг “Республикада кўкаламзорлаштириш ишларини жадаллаштириш, дарахтлар муҳофазасини янада самарали ташкил этиш чора-тадбирлари тўғрисида”ги 2021 йил 30 декабрдаги ПФ-46-сон фармонининг 2-банди Давлат ўрмон фондига кирмайдиган дарахтлар ва буталар қимматбаҳо навларининг кесилишига мораторийнинг амал қилиши муддатсиз даврга узайтирилганлиги сабабли дарахтларнинг кесилиши бўйича бошқарма томонидан ижобий хулоса берилиши мумкин эмас.

Шунингдек, жисмоний шахс М.Мирходжаевга ажратилган 0,10 гектарли ер майдони ҳудудидаги мавжуд дарахтлар хатловдан ўтказилиб давлат инспекторлари назоратига олинганлигини маълум қиламиз.

🔵@chilonzor_tuman_hokimligi