#Қонунчиликдаги_янгиликлар

❗️1 майдан фойдаланишга топшириладиган кўп қаватли уйлар томларида қуёш панеллари ўрнатилади

🔰 Қарорга кўра, 2023 йил 1 апрелдан умумий қуввати 100 кВтгача бўлган қайта тикланувчи энергия манбалари қурилмаларини ўрнатган жисмоний ва юридик шахслар улар фойдаланишга топширилган пайтдан эътиборан 3 йил муддатга, ўрнатилаётган қуёш панелларининг қувватига нисбатан 25 фоиздан кам бўлмаган қувватга эга электр энергиясини сақлаш тизими билан ўрнатилган бўлса – 10 йил муддатга қуйидагиларни тўлашдан озод этилади:

🔹ушбу қурилмалар бўйича мол-мулк солиғини;
🔹қурилмалар билан банд бўлган участкалар бўйича ер солиғини;
🔹юридик шахслар томонидан умумий тармоққа сотган электр энергияси учун олган фойдасидан ҳисобланадиган фойда солиғини.

🗓 2023 йил 1 мартдан ягона электр энергетика тизимига уланиш учун берилган техник шартларда кўрсатилган қувватдан юқори бўлмаган қайта тикланувчи энергия манбалари қурилмаларини электр тармоқларига улашда қўшимча техник шарт олиш талаб этилмайди.

✅ Қарорга кўра, тадбиркорлар, хорижий инвесторлар:

➖қайта тикланувчи энергия манбаларида ишлаб чиқарилган электр энергиясини давлат органига ва (ёки) ҳудудий электр тармоқларига ўрнатилган тарифларда, бошқа истеъмолчиларга ўзаро келишилган нархларда тўғридан-тўғри тузилган, шу жумладан, узоқ муддатли шартномалар асосида сотиши;

➖ бошқа шахсларга тегишли объектларда ижара ҳуқуқи асосида қайта тикланувчи энергия манбалари қурилмаларини ўрнатиб, ушбу қурилмаларда ишлаб чиқарилган электр энергиясини сотиши мумкин бўлади.

📝 Марказий банк ва тижорат банклари томонидан 2023 йил 1 мартдан “яшил энергия” банк молия продукти амалга киритилади.

🔘 2023 йил 1 майдан:

🔸фойдаланишга топшириладиган кўп қаватли уйлар томлари бўш қисмининг камида 50 фоизида қуёш панелларини ўрнатиш талаби жорий қилинади;

🔸янги ташкил этиладиган иссиқхона хўжаликлари ҳамда цемент, ғишт ва оҳак маҳсулотларини ишлаб чиқарувчиларга табиий газ тармоқларига уланиш учун техник шартлар берилиши тақиқланади;

🔸республикадаги барча ёқилғи (автобензин, суюлтирилган ва сиқилган газ) қуйиш шохобчаларининг маиший-техник эҳтиёжлари ва ҳудудини ёритиш учун электр энергияси таъминотининг камида 50 фоизи ушбу объектларда ўрнатиладиган қуёш панеллари орқали қопланиши талаб этилади.

Каналга уланиш👇👇👇
https://t.iss.one/huquqiyaxborot

Тармоқ ва соҳаларда ҳамда ҳудудларда рақамлаштириш жараёнларини жадаллаштириш масалалари бўйича ўтган видеоселектор йиғилишида белгиланган асосий вазифалар

Батафсил — юқоридаги #инфографикада.

Facebook|Instagram|Twitter

#Белгиланмаган_жойга_чиқинди_ташлаганлик_учун_жарима

Чиқиндиларни белгиланмаган жойга ташлаш кейинги пайтларда одатий ҳолга айланиб қолмоқда. Ободонлаштириш бошқармаси томонидан ҳашар йўли билан маҳаллалар ичидаги ҳудудлар ҳам тозаланмоқда. Лекин кундалик турмуш жараёнида яна чиқинди тўпланиб қолаверади.

Бу борада аҳоли орасида жуда кўплаб тарғибот ишлари олиб борилади, лекин негадир яна аҳоли томонидан, уйларини таъмирлатаётган тумандошларимиз томонидан, айрим вақтларда дўкон ва умумий овқатланиш шаҳобчалари ходимлари томонидан чиқиндиларни махсус чиқиндихоналарга эмас, кўпқаватли уйлар оралиғидаги майдонлар, маҳалланинг ички кўчалари чеккаларига ташлаб кетиш ҳолатлари кўп учрамоқда.

👉👉👉Шуни алоҳида таъкидлаш жоизки, қонунчилигимизда Маъмурий жавобгарлик тўғрисидаги кодекснинг 91-моддасига кўра, ноқонуний жойга чиқиндини ташлаганлик учун базавий ҳисоблашнинг бир бараваридан 30 бараваригача жарима қўлланилиши белгиланган.

👉👉👉Ҳозирда туманимизда туман Экология ва атроф-муҳитни муҳофаза қилиш бўлими мутахассислари томонидан белгиланмаган жойларга чиқинди ташлаётган фуқаролар аниқланиб, уларга нисбатан қонун доирасида жарималар расмийлаштирилмоқда. Жумладан, “Бешчинор”, “2-Катта Чилонзор”, “3-Катта Чилонзор” маҳаллалари ва Ал Хоразмий мавзеси ҳудудида рейдлар ўтказилди ва чиқиндиларни белгиланмаган жойга ташлаган фуқаролар жаримага тортилди.

📣📣📣Ҳурматли тумандошлар!

Барча масъул ташкилотларнинг, туман ҳокимлигининг асосий мақсади -туманимизни тоза ва озода, обод ҳудудга айлантиришдир. Шу мақсадда туман Экология ва атроф муҳитни муҳофаза қилиш бўлими ходимлари туман бўйлаб белгиланмаган жойларга чиқинди тўкиш ҳолатлари бўйича мунтаззам рейдлар ўтказмоқда. Шу ўринда Сизлардан маҳаллангиз, кўчангиз, уйларингиз атрофини тоза сақлашингизни, чиқиндиларни белгиланган жойларга ташлашларингизни сўраб қоламиз.

🔵@chilonzor_tuman_hokimligi

#Муносабат #Аҳоли_мурожаатлари_доимо_эътиборда
#Чилонзор_тумани_16_мавзесидаги_автотураргоҳ_кўчирилди

Туманимизнинг 16-мавзеси 16-кўпқаватли уйининг олдида Бўзсув йўналиши бўйича йўловчи ташувчи “Дамас” автоуловларининг автотураргоҳи жойлашганлиги ва бу аҳоли учун кўпгина ноқулайликлар келтираётгани ҳақида аҳоли томонидан мурожаатлар бўлган эди.

Бугун Идоралараро ишчи гуруҳи аъзолари, Олий Мажлис Қонунчилик палатаси депутати Мухтабар Ҳусанова, Тошкент шаҳар ИИББ, ЙҲХБ масъул мутасаддилари, туман ҳокимлиги мутасаддилари томонидан айни шу автотураргоҳ маҳалла номи ёзилган арка рўпарасидаги кўприкнинг ёнидаги автойўллар оралиғида бўш турган майдонга кўчирилди.

Янги автотураргоҳ майдонида масъуллар томонидан “Моҳинур Саидакбар транс” МЧЖ раҳбарлари ва ҳайдовчилари учун мулоқот ўтказилиб, уларнинг барча саволларига масъуллар томонидан батафсил жавоб берилди.

Янги автотураргоҳда йўловчилар ва йўловчи ташувчилар учун қулай шарт-шароитлар яратилиб, йўл белгилари ҳам ўрнатилди.

👉👉👉Муаммолари бартараф этилган аҳоли бу ишларни амалга ошираётган барча ташкилотчилар ва масъул раҳбарларга миннатдорчилик билдирди.

👉👉👉Лавҳамизда жараёнлар

#Тиббий_ислоҳотлар
#Очилиш_маросими

Бугун Чилонзор туманидаги 39-сонли Оилавий поликлиниканинг очилиш маросими ўтказилди. Аҳолини, шифокорлар ва ҳамшираларимизни, барчамизни қувонтирган ушбу тантанали тадбирда Соғликни сақлаш вазирлиги мутасаддилари, Олий Мажлис Қонунчилик палатаси депутати Мухтабар Ҳусанова, туман ҳокими Саидқаҳҳор Холхўжаев, ҳозирда туманимизда фаолият олиб бораётган Идоралараро ишчи гуруҳи вакиллари ва бошқа мутасаддилар иштирок этишди.

Тадбирда сўзга чиққан масъуллар ва аҳоли вакиллари томонидан инсонларга эътибор сифатида аҳолига тиббий хизмат кўрсатишнинг бирламчи тизимига шу даражада эътибор қаратилаётганлиги, аҳоли учун сифатли, жаҳон стандарти даражасидаги шарт-шароитларга эга бўлган, аҳолининг шифокорлар кўригига келганида навбат кутиб қолмаслиги учун ҳам шароит яратилиб, рақамли тизимлар жорий этилганлиги учун аввало, давлатимиз раҳбарига, қолаверса, давлат раҳбари томонидан олиб борилаётган ислоҳотлар ижросини амалга ошираётган барча масъулларга, қурилиш ишларини олиб борган қурувчиларга миннатдорчиликлар изҳор этилди.

👉👉👉Тантанали тадбир жараёнлари билан лавҳамизда танишинг

#Cессия

⚡️Халқ депутатлари Чилонзор туман кенгашининг етмиш бешинчи сессияси бўлиб ўтади

👉👉👉Халқ депутатлари Чилонзор туман кенгашининг етмиш бешинчи сессияси 2023-йил 28-феврал куни соат 15:00да бўлиб ўтади.

Сессия кун тартибида:

🔷 Жиноят ишлари бўйича Чилонзор тумани суди томонидан 2022-йил 2-ярим йилликдаги фаолияти тўғрисида;

🔷 Фуқаролик ишлари бўйича Учтепа туманлараро судининг 2022-йил 2-ярим йилликдаги фаолияти тўғрисида;

🔷 Тошкент туманлараро Иқтисодий судининг 2022-йил 2-ярим йилликда амалга оширган иш фаолияти тўғрисида;

🔷 Тошкент туманлараро Маъмурий судининг 2022-йил 2-ярим йилликда амалга оширган иш фаолияти тўғрисида;

🔷 Чилонзор туманида қонунийлик ҳолати ва жиноятчилик аҳволи юзасидан туман прокурорининг ахбороти;

🔷 Чилонзор туман ички ишлар бошқармасининг Чилонзор туманида жиноятчиликнинг барвақт олдини олиш ва ҳуқуқбузарликка қарши курашиш борасида олиб борилаётган ишлари юзасидан ҳисоботи тўғрисида;

🔷 Чилонзор туман адлия бўлими томонидан 2022-йил 12 ой давомида олиб борган фаолияти тўғрисида;

🔷 “Aёллар дафтари”ни 4-босқичида шакллантирилган ижтимоий аҳволи ва турмуш шароити оғир, ишсиз ва ижтимоий фаол бўлмаган хотин-қизлар рўйхатини ҳамда уларнинг муаммоларини ҳал етиш, ижтимоий-иқтисодий қўллаб-қувватлаш бўйича чора-тадбирлар “Йўл харитаси”ни тасдиқлаш тўғрисидаги ва бошқа масалаларни кўриб чиқиш режалаштирилмоқда.

🔵@chilonzor_tuman_hokimligi