#Ўзбекистон_Поло_федерацияси
#Оила_ва_хотин_қизлар_қўмитаси
#Миллий_гвардия
#Чилонзор_тумани_ҳокимлиги

Ҳамкорликда Ўзбекистонда илк бор Поло от спорти мусобақаси ташкил этилди
Аёллар ўртасида бўлиб ўтган мазкур мусобақа нафақат юртимизда, балки Марказий Осиёда ҳам илк бор ўтказилди. Эътиборли жиҳати, спортнинг айни тури бўйича ўтказилган тарихий мусобақа айнан Чилонзор туманида бўлиб ўтди.

Туманда жойлашган ҳарбий қисмнинг спорт майдонида бўлиб ўтган ушбу мусобақада Тошкент шаҳрининг “Бибихоним” ҳамда Тошкент вилоятининг “Барчиной” жамоалари иштирок этди ва ғолиблик “Барчиной” жамоасига насиб этди.

👉👉👉“Севимли” телеканали эфирларида кенг намойиш этилган лавҳамизда айни мусобақа жараёнлари ҳақида батафсил маълумотлар оласиз.

#Таълим_сифати
#201_мактабда_заковат_интеллектуал_ўйини

Тараққиёт ва фаровонлик инсониятнинг энг катта орзуси бўлиб келган. Албатта, тараққиётга фақат ва фақат таълимни ривожлантириш, аҳолининг интеллектуал салоҳиётини ошириш орқалигина эришиш мумкин.

Бу борада мамлакатимизда давлатимиз раҳбари томонидан изчил ислоҳотлар олиб борилмоқда. Жумладан, яқинлашиб келаётган йилимиз “Инсонга эътибор ва сифатли таълим йили” деб эълон қилинди.

Албатта, таълим сифатини яхшилаш учун аввало, ёшларда билимга, билишга қизиқишни ошириш, уларнинг ўз устида ишлаши ва изланувчанлик кўникмасини ошириш муҳим аҳамият касб этади. Шу боис, ҳозирда барча мактабларда ўқувчилар орасида “Заковат” интеллектуал ўйинлари ўтказиб келинмоқда.

Шунингдек, туманимизнинг “Тирсакобод” маҳалласи ёшлари таълим оладиган 201-сонли умумтаълим мактабида ҳам мазкур беллашув йил бўйи ўтказиб келинди ва бугун финал босқичи бўлиб ўтди.

👉👉👉Янги йил байрами арафасида байрамона кайфиятда ўтказилган интеллектуал баҳс жараёнлари ва таълим соҳасидаги самаралар билан лавҳамиз орқали танишинг.