#Сессия

Халқ депутатлари Чилонзор туман кенгашининг
олтмиш олтинчи сессияси бўлиб ўтади

Сессия кун тартибида:

🔷 “Саховат ва кўмак”, “Аёллар дафтари” ва “Ёшлар дафтари” жамғармалари маблағларининг шакллантирилиши ва ушбу маблағларнинг ишлатилиши юзасидан туман ҳокими ҳисоботи;

🔷 “Темир дафтар”га киритилган фуқароларни ҳар томонлама қўллаб-қувватлаш, ижтимоий ҳимояга ва жарроҳлик амалиётига муҳтож оилаларга моддий ёрдам ажратиш, яшаш шароитлари яхшиланган оилаларни “Темир дафтар”дан чиқариш тўғрисида;

🔷 2022-2023 йиллардаги куз-қиш мавсумига тайёргарлик борасида туманда амалга оширилаётган ишлар тўғрисида;

🔷 Ўзбекистон Республикаси Президентининг 2019 йил 2 декабрдаги “Тошкент шаҳрининг иссиқлик таъминоти тизимини янада такомиллаштириш чора-тадбирлари тўғрисида”ги ПҚ-4543-сон қарорининг тумандаги ижроси тўғрисида;

🔷 Жамоатчилик фикри асосида шакллантирилган тадбирларни танлаб олиш ва “Фуқаролар ташаббуси жамғармаси”даги маблағларни мазкур тадбирларга йўналтириш тўғрисида;

🔷 Ўзбекистон Республикаси Президентининг “Ўзбекистоннинг янги тараққиёт даврида таълим тарбия ва илм-фан соҳаларини ривожлантириш чора-тадбирлари тўғрисида”ги ПФ-6108-сон фармонига асосан 126-умумтаълим мактабининг директорини тайинлаш ва бошқа масалалар кўриб чиқилиши режалаштирилган.

🔵@chilonzor_tuman_hokimligi

#Кун_ҳикмати

🙏 Яхшилик изла, тўғрилик изла, гўзаллик изла, аммо айб излама.

Жалолиддин Румий

#Чилонзор_ОАВда
“Ташаббусли бюджет” қўл келди

Хабар берганимиздек, Чилонзор туманида жорий йилда “Ташаббусли бюджет” асосида 13 та лойиҳа ғолиб чиққан эди. Шу лойиҳалар ичида 90-сонли умумтаълим мактабига компьютер жамланмалари ва фаоллар залига ўриндиқлар сотиб олиш таклифини ҳам 1 минг 397 та овоз маъқуллагани ва бу лойиҳа учун маблағ ажратилгани ҳақида маълумот бергандик.

Бугунги кунда мактабга янги компьютер технологиялари олиб келинмоқда. Мактаб маъмурияти ва ўқувчилар овоз йиғишда фаол бўлган барча маҳалладошларига миннатдорчилик билдиришмоқда

“Севимли” телеканалининг “Замон” ахбарот дастурида мактабга олиб келинаётган замонавий компьютерлар ва бундан мактаб жамоасининг хурсандлиги ҳақида ёритилди.

🔵@chilonzor_tuman_hokimligi

#Меҳнат_ярмаркаси_Чилонзорда

Хабар берганимиздек, куни кеча Чилонзор тумани ҳокимлиги ва ҳамкор ташкилотлар биргаликда Чилонзор тумани Кичик саноат ҳудудида меҳнат ярмаркаси ташкил этилди.
Мазкур ярмаркада жами 29 та корхона ва ташкилотлар ўзларидаги мавжуд бўш иш ўринлари (вакансия) билан иштирок этди.

Бу ярмарканинг қулайлик томони шунда бўлдики, маҳаллалардан келган иш изловчи фуқаролар вакант иш ўринлари ва иш манзиллари билан фақатгина қоғоздагина танишмасдан, балки айнан корхоналарнинг ўзига кириб, иш жараёнлари ва яратилган шарт шароитлар билан яқиндан танишиш имконига эга бўлдилар.

Ярмаркада уй бекалари бўлган аёлларимизга ҳам ишлаб даромад топиши учун қулайлик яратиш мақсадида касаначилик тартибида яъни уй шароитида корхоналар билан шартнома тузиб ишлаш таклифлари ҳам берилди ва бу йўналишда ҳам иш изловчи аёллар билан меҳнат келишувларига эришилди.

Туман Аҳоли бандлигига кўмаклашиш маркази масъулларининг маълумотига кўра, иш изловчилар учун Кичик саноат ҳудудининг ўзида меҳнат ярмаркаси ўтказилгани ва яратилган шароитлар туфайли мазкур ярмарка жараёнида аксарият иш изловчи фуқаролар ўзига муносиб иш ўрни топди ва уларга ишга кириши учун йўлланмалар расмийлаштирилди.

👉👉👉Лавҳамизда жараёнлар