#Сарҳисоб

Навбаҳор МФЙда 2021 йил мобайнида амалга оширилган ишлар сарҳисоб қилинди

🔷 Хабарингиз бор, барча МФЙ раислари ва профилактика инспекторлари маҳаллада қилинган ишлар бўйича аҳолига ҳисобот тақдим этади. Худди шу мақсадда Навбаҳор МФЙ идорасида ўтказилган йиғилишда ҳам маҳалла аҳлига 2021 йилда МФЙ томонидан амалга оширилган ишлар ҳақида тўлиқ маълумотлар берилди.

🔷 Жумладан, МФЙ раиси берган маълумотларга кўра, ўтган йил давомида ҳудудда яшовчи фуқаролардан 4 нафарига “Ҳар бир оила тадбиркор” дастури доирасида имтиёзли кредит олишга кўмаклашилган. Маҳалла аҳолиси йил давомида 4 марта чуқурлаштирилган тиббий кўрикдан ўтказилган.

🔷 Обод махалла дастури бўйича Президентимиз тамонидан ҳар бир маҳаллага ажратилган маблағлар ҳисобидан маҳалла ҳудудидаги кўп қаватли уйлар олдида 12 та болалар майдончаси, 9 та замонавий спорт майдончаси, 9 та соябонли ўриндиқ (беседка) лар қурилди.

🔷 Маҳалла ички кўчаларининг 5 минг 500 метр квадрат қисми асфальт копламаси, 2 минг 500 метр квадрат қисми бетон копламаси билан қопланган. Бундан ташқари, 210 погона метр иригатция ариқлари, 1 та мини футбол мандонига 400 метр квадрат суний ўт ёткизилган, 8 та ёритиш устунлари, 48 та ўриндиқлар ўрнатилган.

🔷 “Аёллар дафтари”ни юритиш туфайли 119 нафар хотин-кизлар дафтарга киритилган. Шундан жарроҳлик амалиёти бўйича 2 нафар аёлга “Саховот ва кўмак" жамғармаси ҳисобидан маблағ тўлаб берилган. 6 нафар аёл дори- дармон билан таъминланган. Боқувчисини йўқотган 14 нафар, ижтимоий ёрдамга муҳтож 6 нафар аёлга Президент қарорлари билан моддий ёрдам маблағлари тарқатилган.

🔷 Оила қардиятларини мустаҳкамлаш комиссияси томонида ажримлар бўйича 27 аризалар кўрилиб, шундан 2 нафар оила яраштирилган. 9 нафар оила ФХДЁ ва суд томонидан ажраштирилган. 16 нафар оила ишлари ФҲДЁ ва суд ихтиёрида қолдирилганлиги ҳам айтиб ўтилди.

🔷 Бундан ташқари, йиғилишда маҳаллада жиноятчилик ва ҳуқуқбузарликларнинг олдини олиш бўйича амалга оширилаётган ишлар, аҳоли орасида ўтказилган маънавий-маърифий тарғибот тадбирлари ва байрамлар ҳақида ҳам батафсил айтиб ўтилди. Йиғилишда 2022 йилда амалга ошириладиган ишларнинг йўл харитаси ҳақида ҳам аҳолига батафсил маълумотлар берилди.

🔷 МФЙ йиғилишига таклиф этилган туман ҳокимлиги масъуллари МФЙ нинг 2021 йилда амалга оширган ишлари ҳамда жорий йилдаги режаларига ўз таклиф ва мулоҳазаларини билдириб ўтди.

🔵@chilonzor_tuman_hokimligi

Бироздан сўнг Президент Шавкат Мирзиёев раислигида давлат мулки объектларини хусусийлаштириш борасида 2022 йилда амалга ошириладиган устувор вазифалар юзасидан видеоселектор йиғилиши бошланади.
—
Скоро под председательством Президента Шавката Мирзиёева начнется видеоселекторное совещание по приоритетным задачам на 2022 год в сфере приватизации объектов государственной собственности.

📣 Ҳурматли тумандошлар ва ОАВ вакиллари, блогерлар!

⚡️ Чилонзор тумани ҳокимлиги Матбуот хизмати 21 январь соат 12-00да туман Санитария эпидемиология осойишталик ва жамоат саломатлиги бўлими масъуллари иштирокида расмий фейсбук саҳифаси https://facebook.com/chilonzorhokimiyati орқали туманда мазкур йўналишда олиб борилаётган ишлар ва аҳолига муҳим тавсиялар юзасидан Матбуот анжумани ўтказади.

⚡️Мазкур йўналишда саволларингиз, таклиф ва мурожаатларингиз бўлса, туман ҳокимлигининг расмий фейсбук саҳифаси https://facebook.com/chilonzorhokimiyati орқали йўллашингиз мумкин.

👉 Барча ОАВ вакиллари ва блогерларни, фаол фуқароларимизни онлайн тарзида ўтадиган Матбуот анжуманига таклиф этамиз.

Манзил: https://facebook.com/chilonzorhokimiyati

🔵@chilonzor_tuman_hokimligi

#Коммунал_соҳа

“Чилонзортумангаз”: Хавфсизликни таъминлаш бўйича кенг тарғибот ишлари олиб борилмоқда

🔷 Мавсумни беталофат ўтказиш, газ жиҳозларидан самарали фойдаланиш мақсадида жойларда соҳа вакиллари тушунтириш ишлари давом этмоқда. “Ҳудудгаз Пойтахт” газ таъминоти филиали Матбуот хизматининг хабарига кўра, Чилонзор туманида 70 мингга яқин табиий газ истеъмолчилари мавжуд бўлиб ҳозирга қадар 12 мингга яқин “ақлли” ҳисоблагич белгиланган тартибда ўрнатилди ҳамда ҳисоблагичдан фойдаланиш тартиби йўриқномага кўра тушунтирилди.

🔷 Туман аҳолисига 166 та ўрта босимли газ тақсимлаш қурилмалари орқали табиий газ етказиб берилади. “Чилонзортумангаз” газ таъминоти бўлими ходимлари аҳоли хонадонлари, маҳалла ҳудудида, ижтимоий ташкилотларда бўлганларида газ жиҳозлари, қозонхоналар, дудбўронларга эътиборли бўлиш, уларнинг созлигига аҳамият қаратиш ҳамда носоз иситиш мосламаларидан фойдаланмаслик, газ плиталар яқинида кийимларни қуритмаслик борасида кўрсатмалар бермоқда.

🔷 Жумладан, худди шундай тарғибот тадбирлари Дўмбиробод маҳалласида ҳам ўтказилди. Аҳолига табиий газдан тўғри фойдаланиш, ўзбошимчалик билан қўлбола шланглар ёрдамида газ плиталарини улаш қатъиян тақиқланиши айтиб ўтилди. Тадбир жараёнида хонадонлардаги носоз газ ускуналари мутахассислар томонидан кўздан кечирилди ҳамда носозликлар бартараф этилди.

👉👉👉 Шу ўринда, табиий газ истеъмолчиларидан мутахассисларнинг газдан фойдаланишда хавфсизлик қоидаларига амал қилиш тўғрисидаги кўрсатмаларига тўлиқ амал қилган ҳолда табиий газдан фойдаланишларини сўраб қоламиз. Зеро, бу ёнғин ёки ис газидан заҳарланиш каби кўнгилсиз ҳодисаларнинг олдини олувчи муҳим омил саналади.

🔵@chilonzor_tuman_hokimligi

#Ёшлар_дафтари
#Самара

Бугунги кунда мамлакатимизда ёшларга ҳар томонлама кўмак бериш, айниқса, уларнинг бандлигини таъминлашга алоҳида эътибор қаратиб келинмоқда. Жумладан, Ёшлар агентлиги Чилонзор тумани бўлими томонидан бу борада олиб борилаётган ишлар туфайли кўпгина ёшларимизнинг бандлиги таъминланмоқда.

Айтиш жоизки, ўтган йили туманда яшовчи 30 ёшгача бўлган ёшларимиздан 35 нафар хотин-қизлар тикувчилик орқали ўзини-ўзи банд қилиш истагини билдириб мурожаат қилган эди. Бундай мурожаат билан чиққан барча ёшларимизга “Ёшлар дафтари” жамғармаси ҳисобидан тикув машинаси, безаклаш ускунаси ва дазмолдан иборат жамланма тақдим этилган.

Хўш, бугунги кунда иш ускуналари билан таъминланган ёшлар режалаштирган ишларини амалга оширияптими?
Айни шу саволга жавоб излаб Фидокор маҳалласида истиқомат қилувчи Гулзода Каримованинг хонадонига бориб, унинг фаолияти билан танишдик.

👉👉👉Жараёнлар лавҳамизда

#Матбуот_анжумани

Чилонзор тумани иқтисодиётининг ривожланиш кўрсаткичлари қандай?
Уй-жой сотиб олиш учун субсидия олишда қандай ҳужжатлар керак бўлади?
Ҳоким ёрдамчиларига айнан қайси масалаларда мурожаат қилиш мумкин?

Айни шу йўналишдаги саволларга Чилонзор тумани ҳокимлигининг Матбуот хизмати томонидан ҳокимликнинг расмий фейзбук саҳифаси https://facebook.com/chilonzorhokimiyati орқали онлайн тарзида ўтказилган Матбуот анжуманида жавоб топасиз.

Матбуот анжуманида туман ҳокимлигининг Иқтисодий тараққиёт ва камбағалликни қисқартириш бўлими бошлиғи Жасур Умаров ва Ҳоким ёрдамчилари ишларини мувофиқлаштириш йўналишида иш олиб бораётган масъул ходимлар фуқароларни қизиқтирган барча саволларга батафсил жавоб берди.
👉👉👉 Матбуот анжумани жараёнларини тўлиқ https://fb.watch/aG9jrHJvif/ манзил орқали кўришингиз мумкин.

⚡️Мактабларда дарслар онлайн шаклда олиб борилади

Халқ таълими вазирлигининг хабарига кўра, коронавирус инфекциясининг янги штамми болалар ва ёшлар ўртасида тарқалиш хавфининг олдини олиш мақсадида 24 январдан бошлаб мактаблардаги таълим жараёни бир ой давомида онлайн шаклда олиб борилади.
Масофавий шаклда ўқувчиларнинг сифатли ўқиши учун дарслар Миллий телерадиокомпаниянинг телеканаллари ҳамда «Онлайн мактаб» телеграм канали орқали бериб борилади.
«Онлайн мактаб» лойиҳаси доирасида бериладиган дарслар жадвали кунлик равишда ушбу телеграм канали орқали эълон қилиб борилади.

🔵@chilonzor_tuman_hokimligi

​Дунё олимлари: Коронавирусга қарши вакциналар 5-11 ёшли болаларда 90,7 фоиз самара беради

Дунёда коронавирусга чалинаётганлар орасида болалар ҳам кўп. Айниқса, COVID-19нинг “омикрон” штамми бугунги кунда жажжи беморлар саломатлигига ҳам хавф солмоқда.

Ваҳоланки, бунга қарши курашишнинг самарали воситаси мавжуд. Шу сабабли ЖССТ ўтган йилнинг июнь ойида 5-11 ёшли болаларни эмлашга рухсат берди.

Сабаби ушбу ёш гуруҳидаги болалар ўртасида коронавирусга қарши эмланиш 90,7 фоиз самарадорлик кўрсатди.

Бу имкониятдан биринчи бўлиб Хитой фойдаланди. Мамлакат расмийлари июль ойидаёқ “Sinovac” ва “Sinopharm” компаниялари вакциналарини уч ёшдан ошган болаларда қўллашни маъқуллади.

15 сентябрдан эса Кубада икки ёшли болалар ўртасида эмлаш кампанияси бошланди. Сал ўтиб, яъни 15 октябрдан бу сафга Эквадор ҳам қўшилди. Бу ерда 5-11 ёшли болалар ҳам “Pfizer”нинг одатдаги дозаси учдан бир қисмини, олти ойдан кейин эса ушбу вакцинанинг иккинчи компонентини, каттароқ ёшдагилар интерваль билан икки марта “Sinovac” дозасини олишга киришди.

Ўтган йилнинг ноябрь ойидан АҚШда ҳам худди шу ёшдагиларни “Pfizer – BioNTech” вакцинаси билан эмлашга рухсат берилди.

Қолаверса, Германия, Испания, Греция, Италия, Португалия, Франция, Венгрия, Исроил, Бразилия, Австралия каби қатор давлатларда ҳам кичик ёшли ўғил-қизларни эмлаш тадбирлари давом эттирилмоқда.

Буюк Британия, Канада, Бельгия, Эстония, Саудия Арабистони ҳукуматлари ҳам шу ёшдаги болаларни эмлашга рухсат берган.

Коста-Рика эса дунёда 5 ёшдан 11 ёшгача бўлган болалар учун COVID-19га қарши мажбурий эмлашни жорий қилган биринчи давлат бўлди. Бу ерда вакцинация жараёнлари 2022 йил март ойидан бошланади. Япония ҳукумати эса ушбу ёшдаги ўғил-қизларни эмлашга февраль ойидан киришмоқчи.

Соғлиқни сақлаш вазирлиги
Матбуот хизмати.

▶️@ssvuz
▶️@ssvmatbuotkotibi

Бугун Президент Шавкат Мирзиёев Тошкент шаҳрида олиб борилаётган бунёдкорлик ишлари, пойтахт ҳокимлигидаги вазиятларни бошқариш маркази имкониятлари билан танишади ҳамда маҳалла фаоллари ва ҳоким ёрдамчилари билан маҳаллабай ишлашнинг янги тизимига бағишланган учрашув ўтказади.
—
Сегодня Президент Шавкат Мирзиёев ознакомится с проводимой в городе Ташкенте созидательной работой, возможностями ситуационного центра в столичном хокимияте, а также проведет встречу с активистами махалли и помощниками хокимов, в ходе которой будут обсуждены вопросы новой системы работы "махаллабай".

Ўзбекистон Республикаси Миллий гвардияси қўмондонлиги томонидан етим болалар ва ота-она қарамоғидан маҳрум бўлган болаларни давлат томонидан қўллаб-қувватлаш тизимини такомиллаштиришда фаол иштирок этганликлари ҳамда меҳрибонлик уйи тарбияланувчиларининг оила муҳитида, ота-она меҳри ва ғамхўрлигида тарбияланиш имкониятини рўёбга чиқаришда сидқидилдан жонбозлик кўрсатгани учун Чилонзор тумани ҳокими Шавкат Мавлонов ва туман Болаларни ҳимоя қилиш шўъбаси мудири Шариф Сатимов ҳамда Васийлик ва ҳомийлик бўйича бош мутахассиси Ҳусниддин Норматов муносиб тақдирланди.

👏 Эътироф ва мукофотлар муборак бўлсин!

🔵@chilonzor_tuman_hokimligi

#Матбуот_анжумани

Хабар берганимиздек, Чилонзор тумани ҳокимлиги Матбуот хизмати томонидан ҳокимликнинг расмий фейсбук саҳифаси https://facebook.com/chilonzorhokimiyati орқали онлайн тарзида Матбуот анжумани ўтказилди.
Матбуот анжуманида туман Санитария эпидемиология осойишталик ва жамоат саломатлиги бўлими бошлиғи Гулноза Мирзаева тумандаги эпидемиологик вазият ва аҳоли орасида коронавирус инфекцияси тарқалишининг олдини олиш юзасидан олиб борилаётган ишлар ва айни вазиятда аҳолига керакли тавсияларни бериб ўтди.
Матбуот анжумани билан тўлиқ https://fb.watch/aGn9LvVqe_/ манзили орқали танишишингиз мумкин.

🔵@chilonzor_tuman_hokimligi

#Аҳоли_мурожаатлари_доимо_эътиборда
#Диспетчерлик_хизмати_1056
Ҳозирги айни қиш кунларида аҳолининг коммунал тизимлар бўйича мурожаатлари ҳар қачонгидан кўпроқ бўлади. Шу боис, аҳолининг бу орадаги мурожаатларини тезкорлик билан бартараф этиш мақсадида Чилонзор тумани ҳокимлигида 1056 диспетчерлик хизмати мурожаатларни узлуксиз 24 соат давомида қабул қилмоқда

Телефон орқали келиб тушган мурожаатлар коммунал хизматлар масъулларига тезда етказилмоқда ва муаммолар тизимли равишда ҳал этилмоқда.

👉👉👉 Лавҳамизда жараёнлар

Президент Шавкат Мирзиёев Тошкент шаҳридаги бунёдкорлик ишларини кўздан кечирди.
Давлатимиз раҳбари “Tashkent Central Park” ва “Tashkent city mall” мажмуалари қурилиши ҳамда пойтахт ҳокимлигида барпо этилган вазиятларни бошқариш маркази имкониятлари билан танишди.
Маҳаллабай ишлашнинг янги тизимини ташкил этиш юзасидан йиғилиш ўтказилди. Президент маҳалла раислари, ҳоким ёрдамчилари ва ёшлар етакчилари билан суҳбатлашди.
—
Президент Шавкат Мирзиёев ознакомился с проводимой в городе Ташкенте созидательной работой.
Глава государства посетил строительство комплексов “Tashkent Сentral Park” и “Tashkent city mall”, ознакомился с возможностями ситуационного центра в хокимияте столицы.
Состоялось совещание по организации новой системы работы в разрезе махаллей. Президент побеседовал с председателями махаллей, помощниками хокимов и лидерами молодежи.

#Mirziyoyev #tanishuv #bunyodkorlik #mahallabay

Prezident.uz|Facebook|Instagram|YouTube|Twitter

#Чилонзор_тумани_намуна_бўлади

Президентимиз томонидан Тошкент шаҳрида маҳаллабай ишлашни ташкил этиш бўйича йиғилиш ўтказилди. Йиғилишда давлатимиз раҳбари жорий йилда Тошкент шаҳри маҳаллаларида инфратузилмани яхшилашга бюджетдан 500 миллиард сўм ажратилишини, шунингдек, давлат томонидан маҳаллаларда бизнесни ривожлантиришга 476 миллиард сўм кредит ва субсидиялар берилишини маълум қилди. Ушбу маблағлар ҳоким ёрдамчилари тавсиясига асосан, маҳалладаги энг долзарб бўлган ижтимоий ва коммунал масалаларга ҳамда тадбиркорлик лойиҳаларига йўналтирилиши айтилди.

Тошкент шаҳар ҳокимлигига шу пайтгача бирорта инвестиция лойиҳаси бўлмаган 271 та маҳалла учун лойиҳалар шакллантириб, уларга инвестицияларни жалб этиш бўйича топшириқ берилди. Янги саноат лойиҳаларини ишга тушириб, шаҳар экспортини 2 баробарга ошириш мумкинлиги қайд этилди.

Маҳалла раислари, ҳоким ёрдамчилари ва ёшлар етакчилари билан суҳбатда давлатимиз раҳбари уларнинг энг асосий вазифаси иш самарадорлигини ошириш, маҳаллаларда ҳар бир оила ҳолидан хабардор бўлиб, “темир”, “аёллар” ва “ёшлар” дафтарларига киритилганларга қўлдан келганча ёрдам бериш, инсон қадрини улуғлаш эканини таъкидлади.

– Бу икки тизим вакиллари, яъни ҳоким ёрдамчилари ва ёшлар етакчилари маҳалладаги ислоҳотчи бўлади. Аҳоли ҳаётини яхшилаш, тадбиркорликни ривожлантириш, ёшларни касбга ўргатиб, ишга жойлаштириш масалаларида сизлардан умидимиз катта,-деди давлатимиз раҳбари.

Бундан ташқари давлатимиз раҳбари томонидан ёшлар етакчилари ҳар кун изланишлари ва ўз устида ишлашлари, туман ҳокимига янги таклифлар бериб боришлари кераклиги кўрсатиб ўтилди.

Шунингдек, Президентимиз томонидан маҳаллабай ишлашнинг янги тизими, яъни маҳаллалардаги ҳоким ёрдамчилари ва ёшлар етакчилари фаолияти бўйича Чилонзор тумани намуна сифатида иш олиб бориши, бошқа туманлар айнан Чилонзор тажрибасини ўрганиши лозимлиги ҳам айтиб ўтилди.

Албатта, давлатимиз раҳбарининг бу кўрсатмалари туманимиз ҳокимлиги ва барча мутасаддилар, масъуллар, ҳоким ёрдамчилари ҳамда ёшлар етакчиларига катта масъулият юклайди.

Йиғилишда пойтахт маҳаллаларида қурилиши режалаштирилган ижтимоий иншоотлар лойиҳаси ҳам кўриб чиқилди.

Йиғилишда яна “Ҳудудгазтаъминот” акциядорлик жамияти томонидан амалга оширилаётган ишлар, Табиий газ истеъмолини ҳисобга олиш ва назорат қилишнинг автоматлаштирилган тизими натижалари ҳақида ҳам тақдимот ўтказилди.

👉👉👉Президентимизнинг Тошкент шаҳридаги бунёдкорлик ишлари билан танишиш жараёни ва маҳалла тизими фаоллари, ҳоким ёрдамчилари ҳамда ёшлар етакчилари билан учрашуви ҳақидаги батафсил маълумотлар билан “Ўзбекистон 24” телеканалида эфирга узатилган лавҳа орқали танишинг
🔵@chilonzor_tuman_hokimligi