#Обод_маҳалла
Уй олди майдонларига экилган гуллар кўзларни қувонтиради

Бугунги кунда аҳолининг турмуш шароитини яхшилаш, инсонларнинг ҳаётдан завқ олиб, ўз элидан, юртидан, давлатидан рози бўлиб яшашига эришиш учун давлатимиз раҳбарияти томонидан тизимли равишда ислоҳотлар олиб борилмоқда.
Албатта, бу ислоҳотларни қўллаб-қувватлаб, ўзи ҳам элу-юрт учун, ўзи ва яқинлари турмушини янада яхшилаш учун ҳаракат қилиб яшаётган юртдошларимиз ҳам кўпчиликни ташкил этади.

Шундай инсонлар Чилонзор туманининг “Шуҳрат” маҳалласида ҳам истиқомат қилади. Ҳа, сиз суратда кўриб турган ободгина масканлар тасвири худди шу маҳалланинг 57-сонли кўпқаватли уйида яшовчилар томонидан ташкил этилган.
Маълумот ўрнида айтсак, ушбу маҳалла ҳудуди ўтган йили бошдан охиригача “Обод маҳалла” дастури асосида таъмирланиб, ободлаштирилган эди. Бугунги кунда аксарият аҳоли ободлаштирилган манзилни янада шинамроқ қилишга, ҳудудларни гулзорларга айлантиришга ҳаракат қилмоқда.
Албатта, бундай юртдошларимизнинг хайрли ишларини бошқаларга ибрат қилиб кўрсатсак арзийди.

Чилонзор тумани ҳокимлиги
Матбуот хизмати

⚡️Президент Шавкат Мирзиёев айни пайтда соғлиқни сақлаш тизимини тубдан ислоҳ қилиш бўйича ўтган йил ноябрь ойида қабул қилинган фармон ва қарорлар ижроси юзасидан видеоселектор йиғилиши ўтказмоқда.

«Бугунги йиғилиш кун тартибидаги масала жуда жиддий. Биз бундан тўрт йил аввал мамлакатда тинчлик ва соғлиқни сақлашни ислоҳотларнинг энг муҳим бўғини этиб белгилаган эдик. Шу мақсадда ўтган даврда жуда катта ишлар қилинди, охирги қабул қилинган фармон ва қарорлар ҳам тизимни тубдан ислоҳ қилишга қаратилганди. Бугун соҳага масъул Бош вазир ўринбосари Б.Мусаев, соғлиқни сақлаш вазири ва қуйи бўғиндаги барча мутасаддилар нима ишлар қилинганини ҳисоботини бериши керак», — деди Шавкат Мирзиёев.

Танқидий-таҳлил руҳида ўтаётган йиғилишда тиббиётдаги аҳвол жуда оғир экани, соҳа бўйича қабул қилинган фармон ва қарорлар бажарилмасдан қоғозда қолиб кетаётгани таъкидланди.

— Бу тизимдаги аҳвол қандай эканини яққол кўрсатади, — деди давлат раҳбари.

Йиғилишда сўзга чиқувчи раҳбарлар учта масала бўйича: жорий этилган янги тизим асосида тиббий харита шакллантирилгани, аҳолининг хавф гуруҳларига бўлингани нимани кўрсатганини, иккинчи — маҳаллалар кесимида тиббиёт бригадалари шакллантирилиб, аҳоли билан манзилли ишлаш қандай аҳволдалиги ва бундан нечта фуқаро миннатдор бўлганини, учинчи масала — тиббиёт муассасаларида қайси хизмат пулли, қайси бепул бўлганини жавобини айтиши кераклиги айтилди.

Президент кўпчилик раҳбарлар бу вазифаларни тўлиқ тушуниб етмаётганини, ўтган 6 ойда Қорақалпоғистон, Андижон, Бухоро, Қашқадарё, Наманган, Сурхондарё, Хоразм вилоятлари соғлиқни сақлаш бошқармалари бошлиқлари ҳамда 37 та туман (шаҳар) тиббиёт бирлашмалари раҳбарлари ишдан олинганини қайд этди.

Раҳбарларнинг дунёқараши ўзгармас экан, бу рўйхат яна давом этиши мумкин.

Бошланган ислоҳотларни жадаллаштириш, тиббиётдаги ўзгаришларни аҳоли кўпроқ ва тезроқ сезиши учун барча мутасаддилар апрель ойида ва йил якуни бўйича нима ишлар қилиши бўйича ҳисобот бериши айтилди.

https://t.iss.one/Rasmiy_xabarlar_Official

#Ёшлар_эътиборимизда
#Раҳбар_ва_ёшлар_учрашуви

🔷 8-сонли болалар мусиқа ва санъат мактабининг мажлислар залида Чилонзор тумани ҳокими бошчилигидаги 4 та сектор раҳбарлари ва ёшлар учрашуви бўлиб ўтди.

🔷Учрашувда ёшларнинг муаммо ва таклифлари ўрганилди. Эътиборли жиҳати, мулоқот жараёнида 15 га яқин ёшларнинг муаммолари жойида ижобий ҳал этилди.
🔷Тадбир якунида туман ҳокими томонидан 1+1 дастури бўйича тадбиркорлик бўйича курсларни битирган ёшларга ва халқаро мусобақаларда қатнашиб ғолиб бўлган ёшларга сертификатлар ва совғалар тақдим этилди. Telegram|Instagram|Facebook|YouTube