🎉 Дзякуй за вашу салідарнасць!

Дзякуючы вашай падтрымцы праз платформу BYSOL нам удалося сабраць амаль 10 000 еўра.

Гэтыя сродкі — гэта не проста лічбы. Гэта — ваш давер. Гэта — магчымасць працягваць жыць, працаваць і дапамагаць іншым.

💛 Дзякуючы вам мы змаглі:
— выплаціць заробкі для нашых настаўнікаў і юрыстаў
— пакрыць арэнду нашага прасторнага офіса

Мы шчыра ўдзячныя кожнаму і кожнай, хто падтрымаў нас.
Ваш данат — гэта не толькі фінансавая падтрымка. Гэта акт салідарнасці. Гэта знак, што мы — не адны.


🤝 Цэнтр Беларускай Салідарнасці — для тых, хто побач, калі цяжка.

🎉 Юрыдычны аддзел ЦБС пачынае прымаць заяўкі з 1 жніўня.

👉 Колькасць кансультацый будзе абмежаваная. У першую чаргу мы будзем аказваць дапамогу былым палітзняволеным і грамадскім актывістам, якія знаходзяцца ў цяжкім жыццёвым і фінансавым становішчы.

📩 Каб атрымаць дапамогу, вы можаце даслаць апісанне сваёй сітуацыі на адрас: [email protected]. Наш юрыст звяжацца з вамі.

❗️Звяртаем увагу, што мы не аказваем дапамогу асобам, якія маюць давераных асоб (адваката ці юрыста) або карыстаюцца паслугамі пасярэднікаў.

🛡Трэнінг “Бяспечны інтэрнэт” для дзяцей 10+ і падлеткаў
📅 15 жніўня (гэта пятніца)
🕔 17:00–20:00
📍 Цэнтр Беларускай Салідарнасці / Oleandrów 6-2

Ці ведаеш ты, колькі інфармацыі пра цябе ўжо вандруе па сетцы? А хто і як можа яе выкарыстоўваць?
Запрашаем дзяцей ад 10 гадоў і падлеткаў на інтэрактыўны трэнінг па кіберабароне з IT-спецыялісткай.

💬 Без бацькоў 😎 — каб можна было адкрыта і на “чыстату” пагаварыць пра свае акаўнты, гульні, сацсеткі і ўсё, што хвалюе.
☕️ Бацькі ў гэты час могуць камфортна правесці час у нашай кухні — папіць гарбаты, пагутарыць ці пачакаць у спакойнай атмасферы.

🔍 Што будзе на трэнінгу?

👉 Твая бяспека ў інтэрнэце
- Што такое асабістыя даныя і чаму іх трэба абараняць.
- Цыфравы след: як інфармацыя пра цябе застаецца ў сетцы назаўсёды.

👉 Махляры і падман у інтэрнэце
- Як распазнаць фальшывыя паведамленні, спасылкі і сайты.
- Што такое фішынг і як не трапіць у пастку.

👉 Сацыяльныя сеткі і онлайн-булінг
- Як дзейнічаць, калі цябе абражаюць ці пагражаюць у сетцы.
- Як наладзіць прыватнасць у сваіх акаўнтах.

👉 Гульні і пакупкі ў сетцы
- Як бяспечна карыстацца гульнявымі платформамі.
- Рызыкі пакупак у гульнях і “ўнутрыгульнявых плацяжоў” (калі просяць заплаціць за віртуальныя прадметы).

👉 Моцныя паролі — твая абарона
- Як стварыць надзейны пароль, які цяжка ўзламаць.
- Праверка пароляў праз бяспечныя сэрвісы.

👉 Камандны квест “Бяспечна / небяспечна”
- Сітуацыі з рэальнага жыцця, якія трэба ацаніць і выбраць правільны шлях дзеянняў.

👉 Інтэрактыўны квіз у Kahoot
- Правяраем, што запомнілася, у фармаце гульні з прызамі.

💡 Будзе шмат прыкладаў з рэальнага жыцця, інтэрактыўныя заданні і карысныя лайфхакі.
Мова: расейская і ангельская

Уваход ВОЛЬНЫ.

Дадатковую інфармацыю можна атрымаць праз тэлеграм школы ЦБС: @CBSschool ці па тэл: +48666918712