Бухородаги раҳбарлар оиласи билан театр томошасига борди

Президентимиз Шавкат Мирзиёев 2023 йил 22 декабрь куни Республика Маънавият ва маърифат кенгашининг кенгайтирилган йиғилишида театр ва музейларни ривожлантириш масалаларини ҳам кенг муҳокама қилди.

Хусусан, “Агар ҳозир “Қани, охирги бир ойда қайси театрга бордингиз, қандай янги китоб ўқидингиз?“ деб сўрасам, ўйлайманки, аксарият раҳбарлар хижолат бўлиб қолиши мумкин. Ҳолбуки, раҳбар-етакчилар ижтимоий дунёқараш, маданий савия бўйича бошқаларга ўрнак бўлишлари керак”, — деди давлатимиз раҳбари.

Президентимиз давлат органлари ва муассасаларида ҳар ойнинг бир кунини “Театр куни” деб эълон қилишни таклиф этиб, ходимларнинг театрларга боришини йўлга қўйиш мақсадга мувофиқлигини алоҳида таъкидлади.

Шундан келиб чиқиб, бугун, 29 январь куни Бухоро вилояти ҳокими Ботир Зарипов бошчилигидаги вилоят секторлари, ҳоким ўринбосарлари, корхона, ташкилот, муассасалар мутасаддилари, таълим муассасалари жамоалари ва уларнинг оила аъзолари, шунингдек, чет эллик сайёҳлар вилоят мусиқали драма театрига боришди.

Турли ташвишлардан ортиб, маданий ҳордиқ чиқаришни мақсад қилган томошабинларга Uilyam Shekspir асари асосида, "Меҳнат шуҳрати" ордени соҳиби Бўрон Акобиров томонидан саҳналаштирилган «Ричард III» трагедияси намойиш этилди.

Саҳна асари XVI аср бошларида қисқа муддат ҳукмронлик қилган Ричард ҳақида ҳикоя қилади. У ўзининг ногиронлигига исён қилиб, йўлида учраган барча қаршиликларни енгади ва тахтни эгаллайди. Бу асарда томошабинлар учун қизиқарли мавзу бўлган ёмонликнинг устидан яхшиликнинг ғалаба қозониши яна бир бор очиб берилган. Ушбу саҳна асари театрга йиғилганларда катта таассурот қолдирди.

Раҳбар-ходимлар ва уларнинг оила аъзоларини бу каби театр томошаларига ташрифини доимий ташкил этиш бўйича зарур чора-тадбирлар белгиланган.

Buxoro.uz | Facebook | Instagram | YouTube

📋 Xalqaro musobaqalar uchun koʻngillilar (volontyorlar) dasturining birinchi bosqichiga start berildi

Yurtimiz maydonlarida boʻlib oʻtadigan bir qator musobaqalar, xususan, U-20 ayollar Osiyo kubogi, JCh-2026 saralash oʻyinlari hamda futzal boʻyicha FIFA Jahon chempionatida ishtirok etuvchi koʻngillilarni jalb etish dasturining birinchi bosqichiga start berildi.

Volontyor sifatida nufuzli sport tadbirlarida ishtirok etish va tajriba orttirish imkoniyatiga ega boʻling. Buning uchun quyidagi soʻrovnomani ingliz tilida toʻldiring!

🖊 https://forms.gle/577W6UjnGMP9E6EM6

Roʻyxatga olish jarayoni joriy yilning 20-martiga qadar davom etadi.

Maʼlumot uchun, bu yil yurtimiz koʻplab xalqaro musobaqalarga mezbonlik qiladi va unda jami minglab koʻngillilar ishtirok etishi rejalashtirilgan. Volontyorlar musobaqalar oʻtkazish, media, marketing, terma jamoalar bilan ishlash, protokol, tibbiyot, xavfsizlik, IT, akkreditatsiyalash, mehmonlarni kutib olish xizmati, transport va boshqa sohalarda faoliyat olib boradi.

📲 t.iss.one/FAUzbekistan