#tadbirkorlik
#investitsiya

Xorijiy kapital ishtirokidagi korxonalar faoliyati o’rganilmoqda.

🔺 Kuni kecha Bo’ka tumani hokimi Baxtiyor Begmatov "Achamayli Fayz-Baraka" MFY da joylashgan horijiy kapital ishtirokidagi “Buka SportsWear” MCHJ korxonasida bo’lib, korxona faoliyati, eksport salohiyati va ishchi-xodimlarga yaratilgan shart-sharoitlar bilan tanishdi.

🔸 Tuman hokimi tomonidan Yevropa davlatlariga eksportni yo’lga qo’yish, loyihaning keyingi bosqichini tez fursatlarda ishga tushirishda yuzaga kelayotgan muammolarga yechim topish va korxonadagi mavjud bo’sh ish o’rinlariga ishsiz fuqarolarni jalb qilish lozimligi ta’kidlandi.

Eslatib o’tamiz, bugungi kunda korxonada 300 nafarga yaqin xotin-qizlar faoliyat yuritayotgan bo’lib, korxona yana 100 nafar xotin-qizlarni ish bilan ta’minlash salohiyatiga ega.

🚀 Telegram 📷 Instagram
🔵 Facebook 🎬 YouTube

#tadbirkorlik
#uchrashuv

Tadbirkorlar bilan navbatdagi uchrashuv o‘tkazildi

🔸 Tadbirkor va ishbilarmonlarimizning tadbirkorlik faoliyatida yuzaga kelgan muammolarini bartaraf etish, ularga mutasaddilar tomonidan tezkor amaliy yordam ko‘rsatilishini ta’minlash maqsadida O'zbekiston Respublikasi aksiyadorlik tijorat Xalq banki boshqaruv raisi Sh.Atabayev Bo'ka tumanida faoliyat yuritib kelayotgan tadbirkorlar bilan uchrashdi.

🔸 Uchrashuvda tadbirkorlarga mamlakatimizda so'ngi yillarda kichik biznes va xususiy tadbirkorlarning jadal rivojlanishini ta’minlash, sohada byurokratik to‘siqlarni bartaraf etish, investitsiya va bank xizmat turlarini yaxshilash borasida keng ko‘lamli islohotlar amalga oshirilayotganligi to‘g‘risida to‘xtalib, tadbirkorlarga yangi bank xizmatlari, onlayn kreditlar, xorijiy kredit liniyalari, shuningdek, mavjud imtiyozlar to‘g‘risida batafsil tushunchalar berildi.

🔺 Ishbilarmon va tadbirkorlar qatnashgan uchrashuvda 40 nafarga yaqin tadbirkorlarning murojaatlari tinglandi, ayrim murojaatlar uchrashuv davomida o‘z yechimini topdi. O'rganish vaqt talab etiladigan murojaatga tegishli mas’ullar biriktirilib ijrosini ta’minlash bo‘yicha muddat belgilandi. Murojaatlar ijrosi shaxsan boshqaruv raisi tomonidan nazoratga olinishi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

#tadbirkorlik

"Tadbirkor - elga madadkor!"

🔺 Dono xalqimiz “Tadbirkor – elga madadkor” deb bejiz aytmagan. Tadbirkorga imkoniyat berilsa, unga yetarli shart-sharoitlar yaratib berilishi oqibati chiroyli va samarali natijalarni taqdim etishiga omil bo‘lishini tarix ham bugunning kuni ham isbotlab bera oladi.

🔹 O'zbekiston Respublikasi Prezidentining 2024-yil 11-martdagi 122-sonli qarori ijrosini ta'minlash hamda Bo'ka tumanida 2024–2025 yillarda tadbirkorlik, daromad topishga qaratilgan muayyan mehnat faoliyati bilan shug'ullanish va faoliyat turini kengaytirish istagini bildirgan xotin-qizlarni qo'llab-quvvatlash, xotin-qizlarni bandligi ta'minlash, kasb-hunarga o'rgatish va tadbirkorlikka jalb etish yuzasidan muayyan ishlar amalga oshirilmoqda.

🔸 Amalga oshirilgan ishlar natijasida bugun "Navobod" mahallasi markazida non va non mahsulotlarini ishlab chiqarish faoliyati yo'lga qo'yildi va yangi ish o'rinlari yaratildi.

"Muhtaram prezidentimiz tomonidan tadbirkorlik faoliyatini yo'lga qo'yish istagida bo'lgan fuqarolarga, jumladan biz xotin-qizlarga qaratilayotgan e'tibor va yaratib berilayotgan imkoniyatlardan ruhlangan holda maxsus kurslarda o'qib sertifikat oldim va bugun ushbu faoliyatimni yo'lga qo'ydim. Bu orqali mahallamizdagi o'zim kabi ishsiz xotin-qizlarni ish bilan ta'minlash, xalqimiz dasturxoniga non mahsulotlarini yetkazib berish bilan bir qatorda oilaviy byudjetimizga ham foyda keltirish niyatidaman" - deya ta'kidlamoqda tadbirkorlik faoliyatini yo'lga qo'ygan Subhiniso G'ofurova.

Ma'lumot uchun, tadbirkor S.G'ofurovaning korxonasida tayyorlanayotgan non mahsulotlari doimiy ravishda oziq-ovqat do'konlariga yetkazib berilmoqda.

✉️ Telegram 📱 Instagram
📱 Facebook 🌐 YouTube
🌎 Web-sayt