📸 ФОТАФАКТ. Пяты этап адкрытага чэмпіянату Рэспублікі Беларусь «Тур Беларусі» па веласіпедным спорце ў шматдзённай гонцы на шашы прайшоў сёння праз Пружанскі раён

📍 Старт чэмпіянату быў дадзены 15 жніўня ў Брэсце.

🚲 Сёння ж праходзіць яго пяты этап – групавая гонка. Сёння ўдзельнікі, а гэта 45 веласіпедыстаў з 12 каманд, пачалі гонку з нацпарку «Белавежская пушча». На шляху да Слоніма, які з’яўляецца фінішнай кропкай, праехалі і праз Ружаншчыну.

⏱ Усяго спаборніцтвы аб’ядналі 5 краін, сярод іх нават Марока.

📰 Хочаце ведаць больш? Чакайце «Раённыя будні» за бліжэйшую суботу, пра ўсё абавязкова раскажам.

🥇🥉 ПРУЖАНЕЦ СТАНІСЛАЎ БРАДНІЦКІ ЗАВАЯВАЎ ЗОЛАТА І БРОНЗУ XVII МІЖНАРОДНАЙ АЛІМПІЯДЫ ПА НАВУКАХ АБ ЗЯМЛІ (IESO) У КІТАІ

🇨🇳 Алімпіяда праходзіла ў Пекіне (Кітайская Народная Рэспубліка) з 8 па 16 жніўня. Усяго ўдзельнікамі алімпіяды сёлета сталі каля 150 школьнікаў з 36-ці краін свету.

🇧🇾 Беларускія школьнікі пад кіраўніцтвам выкладчыкаў БДУ заваявалі тры залатыя, адзін сярэбраны і два бронзавыя медалі. Такога выніку наша каманда дабілася ўпершыню.

👨‍💻 Асаблівасцю алімпіяды з’яўляецца правядзенне групавога тура конкурсаў навуковых праектаў. Удзельнікі размяркоўваюцца на міжнародныя каманды. Кожнай з іх прапануецца сумесна выканаць праект, які ўключае палявы збор дадзеных, іх аналіз, камп’ютарную апрацоўку і прэзентацыю вынікаў на англійскай мове перад міжнародным журы. Па выніках групавога тура выпускнік СШ № 5 Пружан Станіслаў Брадніцкі заваяваў золата ў складзе зборнай, куды ўваходзілі школьнікі з Малайзіі, Аўстрыі, Японіі, Румыніі і ЗША.

✍️ У індывідуальным туры ўдзельнікам алімпіяды былі прапанаваны заданні палявога і тэарэтычнага этапаў на англійскай мове. Бронзавым медалём тут таксама ўзнагароджаны пружанец Станіслаў Брадніцкі.

🌍 Падрыхтоўка юных алімпіяднікаў да міжнародных спаборніцтваў праводзілася на базе факультэта геаграфіі і геаінфарматыкі БДУ. Дарэчы, Станіслаў Брадніцкі ўжо стаў студэнтам гэтага факультэта.

🍏 НАПЯРЭДАДНІ ЯБЛЫЧНАГА СПАСА Ў ПЛАДОВЫМ САДЗЕ ААТ «РУЖАНЫ-АГРА» ПАЧАЛІ ЗБОР ДУХМЯНЫХ ВІТАМІНАЎ

🌳 Па словах начальніка пладовага саду ААТ «Ружаны-Агра» Вольгі Гайдук, год бягучы выдаўся не зусім удалым для садаводаў. Спачатку даймалі вясеннія халады, пасля – засуха і высокая вільготнасць, якая спрыяе развіццю такой хваробы, як мучністая раса. Але ружанскія садаводы не здаліся: уносілі мінеральныя ўгнаенні ў глебу, пастаянна апрацоўвалі яблыні.

🍎 І ўдзячнасць не прымусіла сябе чакаць. Ужо сабралі добры ўраджай ранняга яблыка «каваленкаўскае», а ў мінулую пятніцу пачаўся збор беларускага вельмі смачнага і сакавітага сорту «слава пераможцам».

🛍 Яблыкі ўжо цяпер рэалізуюцца праз гандлёвыя кропкі сельгаставарыства, у тым ліку і ў Пружанах, у магазіне «Ружанскі пачастунак». Сёлета ўдасца сабраць яшчэ большы ўраджай, чым у мінулым годзе. Будзе на 100 % закладзены і стабілізацыйны фонд на 300 тон.

📌 Чытаць рэпартаж з пладовага саду ААТ «Ружаны-Агра».

❗️❗️❗️❗️❗️❗️ У двары дамоў па вул. Вашкевіча ў Пружанах праходзіць канцэрт пад адкрытым небам «А ў нашым двары...»

🎤 Канцэрт ладзяць народны хор ветэранаў «Чырвоны гваздзік» Пружанскага гарадскога Палаца культуры і іншыя артысты.

💃🕺 Прама на спартыўнай пляцоўцы ў гэтыя мінуты сабраліся артысты і гледачы. Тут здорава, музычна і атмасферна!