🎉 СВЯТА АГРАГАРАДКА АДЗНАЧЫЛІ Ў ШАНЯХ

💃🕺 Свята аграгарадка «Мілы сэрцу куток – мой аграгарадок!» сабрала вечарам у суботу жыхароў і гасцей Шанёў.

👏 Шчырыя словы падзякі і пажаданні гучалі ў адрас доўгажыхароў і тых, хто толькі нарадзіўся, сямейных пар, якія адзначылі 50-годдзе і пражылі разам больш за паўстагоддзя, сёлетніх юбіляраў, майстроў творчасці, якія арганізавалі выставу сваіх вырабаў, працаўнікоў вёскі, якія з раніцы да ночы шчыравалі і шчыруюць на карысць Радзімы.

🇧🇾🇧🇾 У год 80-годдзя вызвалення Беларусі ад нямецка-фашысцкіх захопнікаў узгадалі ўсіх, каго закранулі трагічныя падзеі ваеннага ліхалецця.

🎤 Музычнае суправаджэнне і канцэртную праграму падрыхтавалі работнікі Шаняўскога СКБ. Прыемным падарункам, які сагравае душу, сталі выступленні творчага аб’яднання «Знаходка» і вакальнага калектыву «Каханачка», а таксама выступленні выхаванцаў дзіцячага сада і вучняў школы.

🔷 Шаняўскі сельвыканкам выказвае вялікую падзяку адміністрацыі ААТ «Шані-аграпрадукт», жыхарам, гасцям, усім тым, хто прыняў актыўны ўдзел і аказаў дапамогу ў арганізацыі мерапрыемства, падрыхтоўцы і правядзенні свята.