🏒 ХАКЕЙНАЯ КАМАНДА «ПРУЖАНЫ-2009» СЁННЯ І ЗАЎТРА ПРАВЯДЗЕ ПЕРШЫЯ ГУЛЬНІ СЕЗОНА 2024/2025

🧊 Яны будуць выязнымі і пройдуць у Лядовым палацы спорту Мінскай вобласці.

🥅 Супернікамі нашых хлопцаў сёння і ў нядзелю стане каманда «Дынама Джуніверс-1-2011».

📱 Сённяшняя гульня пачнецца зусім хутка. Ужо ў 12.00 каманды выйдуць на лёд. Прамую трансляцыю матча можна будзе паглядзець тут.

🕖 Заўтра пройдзе яшчэ адна сустрэча, якая пачнецца ў 9.15. Плануецца, што з яе таксама будзе арганізавана прамая трансляцыя на YouTube.

💪 Жадаем нашым добрай гульні!

👏 «ПРУЖАНЫ-2009» АБЫГРАЛІ КАМАНДУ «ДЫНАМА-ДЖУНІВЕРС-1-2011» У ПЕРШАЙ ГУЛЬНІ СЕЗОНА

🏒 Перамогу над адной з самых моцных каманд пружанская зборная сёння вырвала з лікам 3:5.

📍 Нагадаем, што першая ў сезоне 2024/2025 гульня для пружанскай каманды была выязной і адбылася ў Мінску.

🥅 Цікава, што менавіта хлопцы з каманды «Пружаны-2009» адкрылі лік. Ужо на 3-й мінуце першую шайбу ў вароты «Дынама-Джуніверс-1-2011» з перадачы Максіма Куліка адправіў Дзмітрый Штык. Аўтарамі адразу двух галоў сёння быў Яраслаў Папко. Адправілі шайбы ў вароты саперніка таксама Захар Ізбіцкі і Мікіта Кісялевіч.

📱 У нядзелю каманды чакае яшчэ адна сустрэча. Яе пачатак у 9.15. Перажываем за нашых і сочым з дапамогай YouTube. Перагледзець сённяшнюю сустрэчу можна тут.

👨‍🏫 ПЕДАГОГІ ПРУЖАНШЧЫНЫ, ЯКІЯ ЎДЗЕЛЬНІЧАЛІ Ў РЭСПУБЛІКАНСКІМ ПЕДСАВЕЦЕ-2024, ПАДЗЯЛІЛІСЯ МЕРКАВАННЯМІ

⚡️ Увага кіраўніцтва краіны да сферы адукацыі заўсёды была і застаецца вельмі вялікай. Нездарма і ўдзел у педагагічным форуме Прэзідэнта Беларусі Аляксандра Лукашэнкі – штогадовая падзея. Усё для таго, каб пачуць ад саміх настаўнікаў тое, што іх хвалюе, убачыць накірункі развіцця, паставіць задачы перад усёй сферай адукацыі.

❗️ Сёлета беларускі лідар зрабіў акцэнт на значнасці прафесіі настаўніка і падтрымцы педагогаў. Гаварылі як аб праблемах, так і аб поспехах айчыннай адукацыі, якая за 20 гадоў дасягнула высокага ўзроўню. Але «закасцянець», як часта кажа Прэзідэнт, нельга ні ў адной са сфер жыцця, таму і адукацыйную сістэму будуць і надалей «данастройваць», робячы яшчэ больш якаснай.

📍 Удзельнікамі Рэспубліканскага педсавета-2024 сталі і 10 прадстаўнікоў сферы адукацыі Пружаншчыны на чале з начальнікам аддзела па адукацыі Пружанскага райвыканкама Ірынай Казарэз. Асноўныя тэзісы педсавета яны ўжо абмеркавалі ў калектывах і разам з калегамі. Мы ж папрасілі падзяліцца думкамі і ўражаннямі ад мерапрыемства з чытачамі «Раённых будняў».

📌 Чытаць далей на сайце.

☕️ Добрай раніцы!

😍 Жадаем, каб нядзеля стала для вас такой, якой вы яе ўяўлялі. Для кагосьці – ціхай і спакойнай, для іншых – актыўнай і дынамічнай.

🍏 Усім без выключэння сёння – усмешак, радасных сустрэч і смачных яблыкаў!